Дополнителни 438 невработени лица ќе бидат опфатени со меркaтa за субвенционирање на плати преку Оперативниот план на активни програми и мерки за вработување и услуги на пазарот на трудот. Владата на Македонија, на последната седница, преку пренамена на средства во Оперативниот план во износ од 100.000.000 денари обезбеди поголем опфат на невработени лица.

Со овој вид на поддршка бројот на невработени лица, што ќе бидат опфатени со мерката субвенционирање на плати, од 866 ќе се зголеми на 1.304. На тој начин, вкупниот опфат на невработени лица со Оперативниот план ќе се зголеми од 10.279 на 10.717 лица.

Со Оперативниот план за активни програми и мерки за вработување и услуги на пазарот на трудот за 2021 година, се утврдуваат програмите, мерките и услугите за вработување кои ќе обезбедат создавање на нови работни места, поддршка за креирање на нови работни места и зголемување на вработливоста на невработените лица, посебно на младите, долгорочно невработените и корисниците на гарантирана минимална помош, како и поддршка на невработените лица на кои престанокот од работен однос е регистриран во периодот на здравствената криза.

Новите генерации никогаш нема да ја дознаат возбудата од дадената доверба ученик да го „пренесе“ дневникот од еден кабинет во друг, ниту пак стегањето во стомак кога наставниците испрашуваат „онаму каде дневникот случајно ќе се отвори“.

Од новата учебна година во основното и средното образование во употреба ќе бидат само електронските дневници, соопшти Бирото за развој на образованието.

Наставниците веќе знаат да пополнуваат електронски дневник кој со години е дел од образовниот систем, велат од Бирото.

Електронската евиденција ќе ја водат околу 25.000 наставници и професори. Во електронските дневници, освен оценките, ќе се внесуваат информации за изостаноците и активностите на учениците.

Порано кога навидум секоја компанија правеше услуга за складирање, Samsung овојпат излезе од својата.Сепак, само неколку избрани облачни услуги го преживеаа презаситениот пазар.

Сега, постои датум на завршување на животот за Samsung Cloud и компанијата на крајот ќе ги избрише сите датотеки резервирани таму.
Првично, Samsung одреди датум на раскинување на услугата до 31 август. Сепак, тој само го продолжи тој рок до 30 ноември 2021 година .
Од сега до 1 октомври 2021 година, можете лесно да мигрирате какви било податоци на Samsung Cloud што можеби ги имате во OneDrive на Microsoft. Процесот е многу едноставен и само ги турка сите ваши податоци од една услуга што умира до онаа што нема да исчезне во скоро време. 

Можеби не мислите дека имате податоци во Samsung Cloud, но вреди да се провери. Ако некогаш сте поседувале уред Samsung, многу е веројатно дека некои податоци автоматски се зачувани во услугата. Дефинитивно вреди да се погледне само за да бидете безбедни.

Им смета кога сте среќни, децо. Сериозно, не се чудете. Има луѓе кои се алергични на вашата среќа. Не дај Боже во нешто да сте успешни. Не дај Боже некој за нешто да ве пофали. Не дај Боже да добиете некое признание или да освоите некоја награда. Тоа ќе предизвика да зовријат и да смислуваат како да ве дискредитираат, да ве понижат и обезвреднат. Ќе плукаат по вас, ќе измислуваат лаги ако треба. Ќе ви ги извртуваат мотивите. Ќе направат од вас страшила. Ќе користат зборови кои вам не би ви паднале на памет. Ќе се занимаваат со вас деноноќно. А бе нема да спијат ако треба. Немој да ве засега тоа децо. Штом толку се занимаваат со вас, сигурно страшно ве обожаваат. Сигурно имате нешто што тие го посакуваат.

Тие не знаат дека се што имате сте стекнале со напорна работа и многу одрекувања. Многу жртви. А тие не сакаат така. Секогаш оделе по линија на помал отпор. Лесно и без напор. Кога вие учевте цели ноќи, они спиеја или скитаа и се проведуваа. Кога вие читавте купишта книги, они си играа видео игрици. Им бевте смешни тогаш. Е, ама успехот е таков... си ги бара цврстите и вредни момци и девојки и со нив си прави екипа. Да децо, успехот е привилегија на истрајните. Секој успева во она во кое го инвестира животот. Пред нас имало великани на чии рамења стоиме. Луѓе исти како нас... мразени, исмевани и понижувани. Но истрајни. Посветени на својата цел. Што мислите, ако овие великани се откажеа заради кучињата што лаат по нив, дали сега ќе постоеше цивилизација? Старите имаат една изрека: Кучињата лаат, караваните си врват. Да го илустрираме ова со посовремени термини: Еден мерцедес поминува покрај контејнер, и неколку маалски кучиња што тарашкаат по ѓубрето се стрчуваат по него. Се осеќаат загрозени. Лаат до изнемоштеност. А мерцедесот смирено си продолжува по својот пат. По стотина метри, кучињата престануваат со потерата, сигурни дека го избркале. Што мислите, дали мерцедесот се засекира поради оваа ситуација? Дали се навреди? Дали отиде во гаража да плаче? Не. Мерцедесот е свесен дека е мерцедес. Работата му е да биде појава, неоспорна вредност и достигнување. Стил, елеганција и статус. Мерцедесот знае дека е врв. Знае дека во него е инвестирано премногу генијалност, напорна работа и идеја, за да се замара со маалски кучиња. Ме разбирате децо? Бидете мерцедес. Вашата мисија е да бидете најдобри во се. А кучиња ќе има секогаш. И ќе лаат. А и што да прават друго кога во тоа се најдобри.

Автор: Драган Таневски