На дваесетина дена пред новата учебна година, Министерството за образование и наука соопшти дека таа ќе почне во редовниот термин, 1 септември, и дека се интензивни подготовките за стартот во услови на пандемија преку пристап со кој ќе се обезбеди непречено одвивање на наставата, но и заштита на јавното здравје.

МОН информира дека досега од вкупно 31 447 лица вработени во училиштата, вакцинирани се околу 60 проценти и апелира наставниот и останатиот кадар во училиштата да се вакцинира со цел да го заштитат сопственото, а со тоа и здравјето на најблиските.

Како што и претходно информираше, има три сценарија за почетокот на 2021/2022 година, кои минатиот месец беа усвоени на владина седница.

Првото за кое воедно и се залагаме, затоа што е од најдобар интерес на учениците и нема подобра алтернатива, е целосно отворање на училиштата и сите ученици да бидат во клупите, согласно сите усвоени протоколи. Второто сценарио предвидува наставата да биде како и во 2020/2021, која што се покажа како успешна и ефективна – дел од учениците да посетуваат настава со физичко присуство под посебни протоколи, а дел да реализираат онлајн-настава, и третото сценарио предвидува ротирање на учениците на една недела со физичко присуство во училиштата, за да нема нивно целосно затворање. Кое од трите сценарија ќе се применува ќе зависи од епидемиолошката состојба за што одлука ќе донесе Комисијата за заштита од заразни болести, наведува МОН во соопштение.

За оваа намена, МОН во соработка со Комисијата за заштита од заразни болести ги изработи Планот за одржување на наставата во учебната 2021/2022 година и протоколите за постапување на основните и средните училишта и тие пред повеќе од еден месец беа усвоени од Владата и веднаш доставени до сите училишта и јавно објавени на www.mon.gov.mk.

Во меѓувреме, МОН заедно со локалните самоуправи и директорите на училиштата е во интензивна комуникација и се подготвува за сите три сценарија и за успешен почеток на новата учебна година на 1 септември, информира Министерство за образование и наука.

Додека во јавноста не стивнуваат реакциите во врска со редарските служби за контрола на сертификатот за вакцинација кој станува задолжителен од 16 август, министерот за економија Крешник Бектеши најавува засилени контроли од понеделник. Тој денеска се сретна со В.Д. Директорката на Државен пазарен инспекторат Анета Симеска Димоска.

Разговаравме во врска со измената на Одлуката за превентивни препораки, времени мерки, наменски протоколи, планови и алгоритми за постапување за заштита на здравјето на населението од COVID 19. Исто така, од понеделник ќе има засилени контроли, напиша Бектеши на фејсбук.

Од 16 август 2021 година се воведува задолжителна потврда за извршена имунизација, најмалку прва доза, со задолжителна редарска служба заради контрола на приложување доказ за вакцинација при влез во секаков вид објект на отворено, вклучително и во угостителски објекти, каде има повеќе од 30 присутни лица, за било каков настан (прослава, концерт, семинар, обука, работилница, конференција, културни или спортски настани) на отворено. Мерката се однесува на лица над 18 годишна возраст.
Од 16 август целосно се забранува работа и организација на секаков вид настани на затворено во сите угостителски објекти (и во кафетереии), вклучително и прослави во угостителски објекти регистрирани за прослави или друг тип објекти од затворен тип.
Епидемилозите велат дек амерките немаат епидемиолошка смисла, особено делот што со една доза вакцина стекнатиот имунитет не може да биде поголем од 30 отсто.
Контролите кои се најавуваат од понеделник се во стилот на најавата на новите мерки кои не почнаа да важат веднаш по донесената одлука на Владата туку се со важење од другата недела, што предизвика реакции на социјалните мрежи.
Граѓаните прашуваа дали од 16 август ќе почне преносот на вирусот во објектите, па се шегуваа зошто до тогаш воопшто ќе носиме маски, на пример.

Спутник В беше една од првите вакцини против ковид-19 кои пристигнаа во Македонија, а голем дел Македонци ја примија таа вакцина во Србија. 

Руската вакцина, според новите истражувања, е ефикасна против делта-сојот околу 83%, но тоа е пониско отколку што се мислеше, изјави министерот за здравство Михаил Мурашко. Сепак, е доволно за да не се развијат симптоми и да се спречи тешка клиничка слика.

Развивачите на вакцината во јуни рекоа дека Спутник е околу 90% ефикасна против делта-сојот, но практичните резултати покажаа нешто пониско од тоа.

Русија, која има население од околу 144 милиони, одобри четири домашни произведени вакцини, но само една е одобрена за широка употреба. Лиценцата за Спутник В ја има и српската компанија Торлак.