Цената на биткоинот продолжува да расте. Утрово достигна вредност од 47.542 долари, што е зголемување за 3,87 проценти во последните 24 часа.

И втората најпозната криптовалута Етер е со зелена боја. Утрово, вреди 3.304 долари, што е, според пишувањето на страницата coindesk, зголемување на вредноста од 3,68 проценти.

Ова не е највисоката цена на Биткоин, односно на почетокот на оваа година вредеше околу 64.000 долари, а потоа ја достигна максималната граница.

Патем и другите крипто -валути се зелени утрово. Ripple се купува по цена од 1,7 долари и забележа раст од 13,63 проценти во последните 24 часа. Кардано вреди 2,17 долари, односно неговата вредност е зголемена за 8,97 проценти во последните 24 часа.

Конфедерацијата на слободни синдикати на Македонија (КСС) денеска  соопшти дека го поддржува и се приклучува на „граѓанскиот протест против дискриминација на невакцинираните" што ќе се одржи в недела во 19 часот.

Од ККС велат дека се загрижени за ситуацијата со здравствената состојба на работниците во државата, а особено, како што наведуваат, за новите мерки кои се усвоени од Владата со кои се прави дискриминација на вакцинирани и невакцинирани. Како синдикат, потенцираат, загрижени сме за сигурноста на работните места.

Истакнуваат дека домашните закони и Уставот не ги обврзуваат работниците на задолжителна вакцинација и порачуваат дека е противзаконска секаков вид на дискриминација по основ на тоа дали некој е вакциниран или не, а на истото упатуваат и меѓународните акти.

Ние како синдикат се плашиме дека со мерките кои ги предлага Комисијата за заразни болести, а ги усвојува Владата се прави притисок за вакцинација на работниците. Работниците веќе го чувствуваат притисокот од работодавачите за вакцинација, велат од КСС.

Од синдикатот посочуваат дека правото на вакцинација е право на личен избор, а вработените на кои им се врши притисок за вакцинација се плашат за своето работно место, па мораат да се вакцинираат.

Напоменуваме дека правото на работа е уставно загарантирано право и секому под еднакви услови му е достапно секое работно место, а сигурноста на работните места не смее да зависи од тоа дали работникот е вакциниран или не. Затоа КСС јавно го поддржува и се приклучува на граѓанскиот протест против дискриминација на невакцинираните кој ќе се одржи во недела на 15-ти август во 19 часот, стои во соопштението од КСС.

Неколку од вработените во Google одлучија да им ја намалат платата за да работат од дома. Google неодамна разви „Алатка за локација на работа“ за да им помогне на вработените во навигацијата на нивните одлуки. 

10.000 од вкупно 135.000 вработени во Google поднесоа официјални барања за промена на нивната работна локација или модалитет, а 85 проценти од барањата се одобрени. 
15-те проценти од барањата што беа одбиени се должат на тешката интеракција лице в лице, бараа специјализирана опрема или доаѓаа од внатрешни тимови кои се посветени на работа од одредена област или канцеларија.
Google неодамна го смени рокот за враќање на вработените во канцеларијата од септември до октомври, осврнувајќи се на неодамнешните скокови на случаи на СОВИД-19 и поврзаната варијанта.

Сите евидентирани невработени лица до 18. август месецов може да аплицираат за платени обуки за некои од понудените побарувани занимања на пазарот на труд.

Од Агенцијата за вработување информираат дека обуките се разликуваат од град до град, зависно од потребите.

Огласот се однесува на обуки за козметичарки и маникир-педикир козметичарки, негователи на стари лица, негователи на лица со попреченост, агенти за продажба преку телефон, помошници за ученици во основно образование, дигитални маркетери, монтери и инсталатери...

Обуките ќе се спроведуваат од страна на верификувани спроведувачи на обуки, а заинтересираните да се пријават во работните клубови на центрите за вработување во градот во кој живеат.

Лицата вклучени во обуките ќе добијат месечен надомест од 9.000 денари, со вклучено осигурување. Невработените лица кои ќе ја завршат обуката, практичната работа и успешно ќе го положат предвидениот испит, ќе се стекнат со Сертификат издаден од верификуваните спроведувачи на обука, пропишан од Министерство за образование и наука кој ќе им служи и во иднина.

Повеќе детали околу огласот на следниов ЛИНК.