Бизнисот може да биде комплициран потфат,посебно кога станува збор за заработка. Може да имате одлична идеја за бизнис и за тоа како да ја зголемите продажбата,но важно е како ќе управувате со вашите пари. Треба да имате расположлив износ на готовина со кои што ќе може да ги исполните вашите финансиски обврски. Ова е всушност еден циклус на готовина кој што ќе влегува и излегува во вашиот бизнис и вашиот бизнис треба да има навистина добри приходи со цел да не се зголемат трошоците. Сопствениците на бизниси треба да остваруваат постојан профит за да опстои нивниот бизнис.

Профитот претставува целата продажба за одреден период и доколку ги покриете сите трошоци и останете во позитивен износ тогаш имате профит,во спротивно доколку имате негативен износ ќе претрпите загуба. Најчесто профитот е тој што го поттикнува бизнисот а не продажбата,иако продажбата е од суштинско значење за една компанија. Целта на секој бизнис треба да биде тоа да има високи профитни маргини за да може да се заработат повеќе пари. Компаниите нема да останат во бизнисот доколку немаат профит,па кога капиталот ќе заврши најчесто компанијата ги затвара своите врати бидејќи ниту еден бизнис неможе да преживее со вечни загуби. Затоа,профитот претставува витален дел од бизнисот и за него секогаш е потребно финансиско планирање.

Министерството за здравство информира дека на вакцинираните граѓани на располагање им се ставени повеќе опции со кои може лесно да стигнат до документ дека се вакцинирани. 

Веќе од вчера, во угостителски објекти или на други настани, каде има повеќе од 30 луѓе, дозволен е влез само за граѓани кои се вакцинирани, со две дози вакцина, примиле една доза вакцина, или пак прележале Ковид 19, пред 45 дена. 

Потврдата за прележан Ковид 19, може да ја извадат единствено граѓани кои се заведени во ИЈЗ дека биле заразени со вирусот, а потврди освен на vakcinacija.mk, може да извадат и кај својот матичен лекар. 

Националниот сертификат за вакцинација, исто така може да го извадат од сопствениот профил на веб страницата vakcinacija.mk, а сличен е принципот и за вадење на CommonPass,за кој има и мобилна апликација, а со која исто така може да влезат во објектите опфатени со мерките.

Министерството за здравство апелира и ги повикува граѓаните да се вакцинираат. Вакцинацијата е единствен начин да постигнеме колективен имунитет, мерките кои се практикуваат од вчера не се никаква дискриминација, туку се неопходни за да се заштити јавното здравје.

Мила Царовска, министерката за образование, денеска рече дека сите ученици во основните и средните училишта од 1 септември тргнуваат на физичка настава и дека сите ќе ја следат со заштитни маски.

Учениците од прво до трето одделение лани покажаа дека знаат подобро од возрасните да ги почитуваат протоколите, рече министерката, одговарајќи на новинарско прашање пред денеска Владата да ја официјализира одлуката за физичка настава за сите ученици.

Таа додаде дека исклучоците кои Владатра ги најави вчера но не ги откри кои ќе бидат тие се можноста да отсуствуваат деца кои се хронично болни, или во моментот се во изолација.

„Очекувам на истиот начин. Училиштата се веќе обучени. Сите знаете дека лани се работеше од прво до трето одделение во сите училишта, во сите регионални помали подрачни. 

Тие беа отворени, со протоколи и немавме инциденти на интерно ширење на вирусот. Токму затоа, оваа година, во интерес најмногу на ученикот Кризниот шатб ја донесе одлуката и и препорача на Владата, која денеска има владина седница и очекувам оваа одлука да се потврди и да ја почнеме учебната година со физичко присуство. 

Исклучоци ќе има за оние деца со хронични болести или ако има член на семејството со хронична болест. Тие деца ќе може да добијат одредено ослободување. Децата што ќе бидат пак во изолација, ќе може онлајн да ја следат наставата“, додаде Царовска.

Министерката додаде дека сценариото ќе се менува само доколку се зголеми ризикот.

Министерот за здравство Венко Филипче во вчерашното гостувањето на ТВ Сител рече дека децата ќе бидат ослободени од задолжителен ПЦР тест за влез во Македонија.

Ќе бидат секако ослободени. Потребите за вакцинација е насочена кон полнолетните граѓани, над 18 години. Сметам дека мерките и досега дадоа резултат. Гледаме дека изминатата недела, откако беа најавени, зборувам за овие коишто се денеска се во сила, значајно се зголеми интересот за вакцина. Во еден момент достигнавме и до 8-9.000 граѓани кои се пријавија и се вакцинираа во текот на еден ден. Минатата недела се дадоа околу 50.000 дози. Значајно се зголеми опфатот на вакцинација, рече Филипче.

Појасни дека досега околу 4.000 деца на возраст од 12 до 16 години се вакцинирале против вирусот.

Исто така Филипче реле дека ќе биде даден разумен рок за старт на новите мерки кои се  очекува денеска да бидат утврдени од страна Влада. 

Ни утре, ни задутре нема да почнат новите мерки за влез и излез од државата. Ќе дадеме дадеме разумен рок – дали тоа ќе биде една недела или десетина дена, ќе соопштиме утре. Имаме предвид дека многу од нашите граѓани се на одмор, а други допрва треба да одат. Не сакаме да им предизвикаме дополнителен финансиски трошок, рече вчера министерот за здравство, Венко Филипче.