Сите менаџери кои што се одговорни за вработување знаат дека фазите на интервјуирање на еден кандидат можат да бидат навистина тешки. Кандидатите кои сте ги избрале може да бидат навистина одлично квалификувани и вешти на хартија, но сепак начинот на кој што ќе се претстават за време на интервјуто често претставува одлучувачки фактор.

Личното интервју со кандидатот може да открие многу работи, од карактерот па се до нивните мотиви за работа. Иако многумина може да кажат слични работи за нивната работна позадина и професионални цели, некои кандидати може да дадат уникатен и импресивен одговор што ќе докаже дека тие се вистинската личност за таа позиција. Неколку менаџери советуваат за тоа шо е правилно да се зборува за време на едно интервју.

1. Докажете го она за кое зборувате

Секој кандидат за работа сака да направи да звучи одлично, но понекогаш тие знаат да ја прошират вистината или пак да даваат нејасни одговори. Важно е да може да го потврдите она што е напишано во вашата апликација за работа и да дадете проверени резултати за да ги поткрепите своите тврдења.

2. Определете која е вашата цел за работното место за кое аплицирате

На интервју за работа може да ви постават многу прашања, но менаџерите секогаш имаат неколку клучни прашања кои може да одлучат дали вие сте соодветен кандидат за таа позиција. Едно од тие прашања може да биде кои се вашите цели за вработување во компанијата. Секогаш менаџер би сакал да има кандидат кој што ќе биде посветен на работата и ќе може да создава големи вредности за компанијата.

3. Бидете смели да кажете што не ви се допаѓа

Кога ќе разговарате со менаџерот за време на вашето интервју, покажете му дека сте смел кандидат кој има свои ставови и дека би можеле да ја подобрите компанијата со тоа што ќе го известите кога нема да се согласувате со неговите ставови и одлуки.

4. Дадете им до знаење дека сте спремни да учите нови работи

Ниту еден менаџер нема да биде согласен со кандидат кој мисли дека знае се. Доколку не го знаете целосно одговорот на некое прашање за време на вашето интервју, подобро е да се обидете да размислите на таа тема и да не го лажирате својот одговор. Тоа може да му даде до знаење на менаџерот дека размислувате и сакате да учите нови работи

5. Бидете запознаени како функционира компанијата во која аплицирате

За секоја компанија е важно новиот вработен да може културно да се вклопи со останатие колеги. Затоа, убаво би било доколку прашате какви вредности има компанијата или пак ќе ги откриете самите преку истражувања на нивната веб страница.

Француската престолнина во овој случај, по исклучок, не е предводник туку само ги следи Лил и Гренобл. Овие градови порано воведоа максимално дозволена брзина од 30 км на час.

Таксистите се лути, велосипедистите слават: социјалистичката градоначалничка на Париз, Ана Идалго го одржа своето изборно ветување. Од вчера  на повеќето улици во француската престолнина важи ограничување на максималната брзина на 30 километри на час. Само на обиколницата, периферниот булевар, кој ги опкружува 20-те арондисмани на Париз и со тоа вистинската урбана област, може да се продолжи да се вози со брзина од 70 километри на час. Освен тоа на поголемите оскти, како светски прочуениот булевар Шанзелизе дозволени се 50 километри на час.

Наспроти распространетите предрасуди, изгледите за преживување без повреди при возење велосипед низ Париз веќе беа поволни: Околу 60 проценти од центарот на градот веќе се сметаа за зони со ограничување на 30 километри на час. Еколошкиот транспорт сега станува уште поатрактивен. Привремените велосипедски патеки поставени за време на пандемијата на коронавирусот, ќе бидат претворени во постојани велосипедски патеки.

Заменик -градоначалникот на Париз, Дејвид Белијард од редовите на Зелените, при претставувањето на плановите во јули годинава рече дека сака да го обезбеди главниот град „за најслабите“ . Освен учесниците во сообраќајот на две тркала, ова се главно пешаците, особено децата и постарите граѓани.

Меѓутоа, секојдневните патници од околината не се премногу воодушевени од сообраќајниот пресврт на Сена - исто како и комерцијалните возачи, односно таксистите или добавувачите. Покрај подолгото време на патување, исто така станува потешко да се паркира автомобилот на дестинацијата, бидејќи многу места за паркирање сега се укинати.

Метрополата која инаку сака да се презентира себе си како трендсетер, овојпат само следеше други во однос ограничувањето на максималната брзина на 30 км на час: Градовите како Гренобл на Алпите, Нант на западот и Лил на северот на земјата беа предводници во областа на смирување на сообраќајот.

Министерот за здравство Венко Филипче денеска на прес конференција соопшти дека вакцинираните граѓани од Македонија можат да патуваат насекаде низ Европа со тоа што треба да приоложат документ дека се вакцинирани, односно треба да го приложат ковид сертификатот.

Потсетуваме, од неодамна, македонскиот вакцинален сертификат издаден од Министерството за здравство на Република Северна Македонија е валиден во цела Европска Унија. Граѓаните единствено треба да се информираат во однос на државата каде патуваат, дали и на кој начин е регулирана вакцината која ја примиле.

Одлуката што ја донесе Европската Унија и нам ни оди во прилог, односно на нашата политика, а тоа е да има што поголем број вакцинирани граѓани. Токму со тие сертификати за вакцинација нема никакви рестрикции, не се бараат ни ПЦР, нема ни карантин. И тоа доказ дека целиот свет оди во тој правец, да се нормализира животот, целосно свесни дека само така може да се врати нормалниот живот  и движењето на луѓето кои се целосно вцакцинирани. И во Европа само вакцинирани луѓе може да влегуваат секаде и на разни настани. За патување во  земјите од ЕУ, на пример Германија на вакцинираните лица не им се потребни ПЦР тестови и карантин. Исто така,  знам конкретно за Германија, потребен е ПЦР на оние кои не се вакцинирани, но задолжителен е 5-дневен карантин, потоа тестирањето ќе се повтори. На тој начин се обезбедува земјата од ширење на вирусот - истакна министерот.

Министерот додаде дека само вакцинирани луѓе и таму во европските земји може да влегуваат и на настани и во угостителски објекти. Секаде како критериум, како што рече, се бара вакцинацијата и затоа сме спремни со тие сертификати. Тој посочи дека му е драго што интензивната работа на тимот се исплатела, сега се признаени тие сертификати за вакцинација.

Четири нови авиолинии од скопскиот и охридскиот аеродром, до Италија, Германија и Данска, од декември 2021, најави Виз ер, најбрзо растечката авиокомпанија во Европа, информираат од ТАВ Македонија.Виз ер ќе воведе 3 нови дестинации од Меѓународниот Аеродром Скопје – Болоња и Торино, двете во Италија, како и Билунд во Данска, додека од Аеродромот Св. Апостол Павле Охрид, авиокомпанијата ќе почне да лета до Фридрихсхафен, Германија. Како што најавува авиокомпанијата, првите летови до сите дестинации ќе почнат во декември 2021 година. Визер почна со продажба на авиобилети, кои се достапни на wizzair.com и преку mobile app.Новите летови до Болоња, Торино, Фридрихсхафен и Билунд се воведуваат благодарение на поставувањето на петтиот авион во базата на Виз ер во Скопје, информираат оттаму.„Пресреќни сме што и покрај моменталната криза во авијацијата и рестрикциите за патување поради КОВИД-19, Виз ер најавува четири нови авиолинии од аеродромите во Скопје и Охрид и го позиционира за сообраќај петтиот авион во базата на Меѓународниот Аеродром Скопје. Се надеваме дека најавените нови дестинации – Болоња, Торино и Билунд од Скопје, како и Фридрихсхафен од Охрид, ќе бидат привлечни за нашите патници, па оттука и дека ќе ја искористат можноста да ги откриваат овие нови градови и да уживаат во незаборавно патничко искуство“, изјави Метин Батак, Генерален директор на ТАВ Македонија.

Како што информираат од Виз ер, овие нови дестинации се уникатни по нивната култура, природа и гостопримливост.„Среќни сме што најавуваме проширување на нашата мрежа на авиолинии од Северна Македонија до нови дестинации во Италија, Германија и Данска. Со новите услуги од Скопје до Болоња, Торино и до Билунд, како и од Охрид до Фридрихсхафен, Виз ер нуди уште повеќе различности во однос на дестинациите за Македонците. Секој може да ужива во ниските цени и да патува безбедно до омилената дестинација со цел да открива нови места со нашите модерни воздухоплови. Се радуваме што ќе ги пречекаме првите патници до овие нови возбудливи дестинации.“, изјави Паулина Госк, Менаџер за корпоративни комуникации на Визер.

ТАВ Македонија истакнува дека како аеродромски оператор тие имаат имплементирано строги мерки за здравје и безбедност со цел да се спречи ширењето на КОВИД-19 во аеродромските објекти. Меѓу другото, Меѓународниот Аеродром Скопје и Аеродромот Св. Апостол Павле Охрид се стекнаа со акредитација од страна на Меѓународниот совет на аеродроми (ACI) во рамки на Програмата за здравствена акредитација на аеродромите, што претставува нов меѓународен репер во однос на спроведени здравствени мерки на аеродромите ширум светот, креирана за да помогне да се увери патувачката јавност дека аеродромските објекти остануваат безбедни и дека се преземаат мерки на претпазливост за да се намали ризикот по нивното здравје.

Од ТАВ Македонија ги потсетуваат сите патници да ги почитуваат мерките за здравје и безбедност, што значи да не доаѓаат на аеродром доколку имаат симптоми на болест, да носат маска постојано, да одржуваат физичко растојание и да практикуваат високо ниво на лична хигиена.

Во исто време, од 19 август 2021 година, согласно новите владини мерки, ТАВ Македонија воведе нови правила за влез во терминалните згради на двата аеродрома: Приложување на сертификат за вакцинација, или сертификат за прележан КОВИД-19 во последните 45 дена, или медицинска потврда за негативен КОВИД-19 тест, PCR не постар од 72 часа, или брз антиген тест не постар од 48 часа. Овие правила не се однесуваат на лица под 18 години.

Виз ер ги советува патниците да ги проверат регулативите за патување пред да го почнат патувањето. Со најновите подобрувања на Картата за планирање патувања //Travel Planning Map// на Визер, патниците можат да ги проверат ажурирањата за ограничувањата за патување во рамките на нивната мрежа на дестинации. Веб-страницата со кодови во боја прикажува сеопфатна карта на можни дестинации до кои што патниците можат да патуваат, со соодветни линкови до владини веб-страници, страници со информации за патување и сите формулари што треба да се пополнат пред поаѓање.
Виз ер исто така им препорачува на патниците да додадат WIZZ Flex на нивната резервација, за дополнителна заштита. Со тоа, патниците можат да изберат да патуваат на друг датум, или на друга дестинација, како и да имаат можност да го откажат својот лет до 3 часа пред полетување без надомест и да добијат 100% од оригиналната цена веднаш надоместен во вид на кредит на авиокомпанијата за следни патувања.