Премиерот Зоран Заев на денешната прес-конференција наведе дека од 1 декември пластични кеси ќе се користат само во продавниците за малопродажба, но и дека тие ќе мора да бидат биоразградливи, откако Собранието ги донесе четирите закони за управување со отпад.

Целосно се забранува пуштањето на пазар на пластични кеси, а крајните потрошувачи ќе може да купат само биоразградливи кои се произведени согласно пропишани стандарди, рече Заев.

Министерот за животна средина Насер Нуредини додаде дека тие кесите не смеат да бидат екстра-лесни и ќе треба да се плаќа надоместок од 15 денари, а парите ќе одат во посебен фонд за животна средина. Од 1 декември угостителските објекти нема да имаат право да продаваат храна во пластични еднократни пакувања во заштитените природни подрачја.

Идејата на оваа мерка е граѓаните пред се да користат сопствени торби за повеќекратна употреба за пазарување. Секојдневното користење на пластика создава секојдневно големи количини кои не се разградуваат, истакна Нуредини.

Не само во Европа, туку и во Македонија постои забрана за употреба на пластичните кеси уште од 2012 година, но истата не се применува бидејќи непосредно по донесувањето на забраната беше донесен правилник за стандарди за биоразградливост, со кој пак се поништува напишаното во Законот за управување со пакување и отпад од пакување.

Меѓу бројните промени, од 1 декември 2021 година пластичните кеси кои граѓаните ги купуваат по продавници ќе чинат 15 денари по парче, со што треба да се дестимулира купувањето на ваквите производи што ја загадуваат околината. За средствата од продадените пластични ќеси трговците ќе мора да водат евиденција по квартали, а надоместоците ќе треба да ги уплаќаат на посебна сметка на органот за животна средина.

На денешната прес-конференција, беше кажно дека детално ќе бидат пропишани транспортот, собирањето и рециклирањето на отпадот, неговиот третман и искористување со што ќе се овозможи ефикасен регионален систем за управување со отпад и ќе се исполнат барањето на европската зелена агенда

Ќе обезбедиме соодветна услуга за секој граѓанин со можност за селекција, повторна употреба и поправка на отпадните производи, со имплементација на оваа легислатива и намалување на количините на депониран отпад, со што ќе следува справување со илегалното и нестандардизирано одложување кое создава диви депонии, додаде Заев во најавата за изградба на стандардизирани депонии.

Присуството на делта варијанта на вирусот дополнително ја зголеми потребата луѓето да се вакцинираат, изјавија официјални лица за USA Today во извештајот објавен во неделата.

Неколку здравствени службеници веруваат дека стапката на вакцинација ќе треба да достигне 90 проценти или повеќе за да се постигне оптимално ниво на заштита од „Ковид-19“.

Она што го научивме од делтата и гледаме зад делтата е… дека постигнувањето на вистинското ниво на заштита за населението бара да биде дури 90 проценти, рече Том Мекарти од Одделот за здравство на Род Ајленд.

Други имаат слично мислење. Ерик Топол од истражувачката група Скрипс.

Сега ни требаат 85 до 90 проценти вакцинирани против делта, рече Топол за USA Today.

Д -р Ентони Фаучи, водечки американски експерт за заразни болести, рече во мај дека уште еден бран на инфекција на есен може да се спречи доколку до 4 јули се вакцинираат 70 проценти од населението.

Околу 56,5 проценти од населението во Соединетите држави е целосно вакцинирано против Ковид-19, според статистичките податоци достапни на Универзитетот Џон Хопкинс. Повеќе од 185 милиони Американци се вакцинирани со двете дози.

Повеќе од 12 милиони луѓе во Њујорк се вакцинирани со двете дози на вакцината, што е околу 63,74 проценти од населението.

Во моментов, сите Американци на возраст од 12 години и постари можат да се вакцинираат.

Претседателот на Стопанската комора на Северна Македонија, Бранко Азески смета дека порастот на цените на суровините во изминатиот период, но и порастот на влезните елементи кои ја креираат производната цена на електричната енергија се иницијалната каписла за моменталните берзански цени кои достигнуваат до 185 евра за мегават час. Во соопштението до медиумите, тој вели дека се чини дека ова што ќе ни се случи е континуитет на кризата што започна 2008 година.

Поточно кажано, таа и не престанала во изминативе 13 години бидејќи како на трака се редат проблеми еден за еден. Најновиот се вика проблем со снабдување со електричната енергија. Деновиве сум пренатрупан со писма од компаниите членки на Комората на кои им се откажуваат договорите за снабдување, уредно потпишани, навреме договорени, кои го рушат основниот принцип на нашата работа, а тоа е предвидливоста. Енормниот пораст на цените на суровините во изминатиот период, но и порастот на влезните елементи кои ја креираат производната цена на електричната енергија се иницијалната каписла за моменталните берзански цени кои достигнуваат до 185 евра за мегават час, вели Азески.

Тој посочува дека цената на електричната енергија на берзата за енергија во Будимпешта (HUDEX) за последните 12 месеци порасна, од 57 евра за мегават час на 1.01.2021 година, до 138 евра за мегават час на 27.09.2021 година.

Според сите релевантни информации со кои располагаме, причина за ова се: зелената агенда во Европа и намалувањето на енергијата произведена од јаглен; релативно ниското производство од ветерните централи во Европа; брзиот пораст на пазарите во изминатиот квартал и енормниот пораст на цената на природниот гас на светските берзи, вели Азески.

Оттука, според него, започнува и проблемот со кој веројатно ќе се занимаваме подолг период. Минатата недела и Регулаторната комисија за енергетика даде изјава дека забележува незаконско откажување на договорите за снабдување на своите клиенти, додека другите го злоупотребуваат системот за балансирање на енергија на МЕПСО, така што не ја номинираат (купуваат) потребната количина електрична енергија за своите клиенти. Азески смета дека ова може да доведе до дестабилизација на електро-енергетскиот систем во земјата. Затоа, Регулаторната комисија почна да ги одзема лиценците на снабдувачите и ги предупреди сите останати да ги исполнат своите обврски кон клиентите, при тоа не злоупотребувајќи го системот за снабдување на МЕПСО.

Според нашите внатрешни информации нема проблеми со снабдувањето со гас, бидејќи договорите важат до 1.1.2022 година што гарантира стабилност до почетокот на следната година. Инаку, цената на гасот кај нас во моментов, е 4 пати помала, од цената на гасот во Европа постигната во последните три дена на Холандската берза (TTF), вели Азески.

Тој додава дека тоа се информациите од теренот што упатува како и секогаш, дека Комората е првата институција што ги регистрира проблемите, кои во јавноста ќе се појават многу подоцна. Предвидувањата на комората се дека покрај со последиците од пандемијата, во наредните години ќе се занимава и со ова прашање 24/7.

Искуствата од досегашните вакви глобални проблеми нѐ поттикнуваат однапред да предложиме мерки кои ќе ја превенираат ситуацијата, вели Азески.

Прво, подигањето на домашното производство на електрична енергија е сигурно базичната мерка која може да изврши најголема превенција.

Второ, Регулаторната комисија за енергетика мора да биде на висина на задачата и енергично да дејствува за да се престане со манипулативното откажување на договорите со конкретни мерки, кои ќе вклучуваат јавно објавување и одземање на лиценците, не само на компаниите, туку и на сопствениците на истите, со трајна забрана на вршење на ваква дејност.

Трето, бидејќи се наоѓаме во период кога компаниите ја проектираат својата позиција за наредната година, што побрзо мора да се излезе со јасна прогноза како ќе се одвиваат работите понатаму, како би можело тоа да биде вградено и во проекциите на самите компании.

Четврто, и на обичните луѓе совршено им е јасно дека цената на енергенсите директно влијае врз цената на производот и услугата, а со неконтролираниот порастот на цените на производите и услугите, лесно може да настанат проблеми и на макроекономски план.

Петто, оваа наша иницијатива никако не смее да се сфати како некакво драматизирање на состојбите, туку како транспарентност, неопходно потребна за вакви појави кои не зависат од нас, туку од случувања, кои се надвор од нашите можности.

Шесто, искуствата од пандемијата не учат дека во вакви кризи секој се свртува кон себе и второстепена е меѓународната солидарност.

Јас можам да гарантирам дека Комората и сега, како и во пандемијата, ќе биде стопроцентно со своите членки и дека ќе ги помага и застапува во секој момент и тие треба да се сигурни дека тоа, и ќе се случи, вели Азески.

Ќе се намали рабаотното време, но официјална плата на административците и за тие работни часови ќе остане иста. Новиот предлог Закон за административни службеници, како што објавивме носи измени за полното работно време на вработените во државната управа кои, ако ова законско решение се усвои, ќе работат по 4 часа помалку неделно, или 16 часа помалку во месецот оти за во петок законодавецот предвидел 4 работни часа. Сепак, ако се анализира начинот на пресметка на платата може да се заклучи дека и покрај помалку сработените часови тоа нема да значи и помала плата. Имено пресметката на плата и во овој закон не е врзана со работните часови, туку со други критериуми. 

Во член 69 стои дека платата на административниот службеник се состои од два дела - основна плата и додатоци на плата. Основната плата ја сочинуваат минимална плата,  дел на плата за ниво и дел на плата за стаж. 

Минималната плата се знае однапред и важи за сите, а нивото се определува со бодови, па секоја позиција во администрацијата има повеќе или помалку бодови. Највисока е генерален секретар која носи 530 бодови, а најниска е помошно- стручен административен службеник од четврто ниво чија позиција носи 5 бода.

Целиот текст прочитајте го на Фактор.мк