Македонија се наоѓа на последното место на Западен Балкан за почитување на медиумските слободи, оценува „Истражувачкиот центар на Eвропскиот парламент“, кој во мај годинава објави извештај за состојбата со слободата на говорот во земјите од Балканот, соопшти денеска Здружението на новинарите на Македонија (ЗНМ).

„Трендот на ерозија на слободата на медиумите е особено забележлив во Македонија, која бележи најголем пад на ранг-листите за слободата на медиумите“, се наведува во извештајот.

Во него, како главни причини за лошата медиумска клима во Македонија се наведени повеќе фактори, односно неспроведувањето на постоечките закони, медиумите во сопственост на лица блиски до власта, зголемено насилство врз новинарите, клиентелизмот, политизацијата и корупцијата, како и недостигот од политичка волја за промовирање на плурализмот во медиумите.

„Европскиот парламент повикува на проактивна улога на професионалните организации и саморегулаторни тела, подобрување на ефикасноста на судскиот систем, политичка посветеност и поголема улога на граѓанското општество, кои на долг рок сите заедно треба да придонесат за подобрување на медиумската клима“, стои во соопштението на ЗНМ.

Извор: Мета

Сајтот за резервации Airbnb и за пребарување на информации преку интернет Pinterest си парираат во иницијатива која има за цел да ги истакне најпосакуваните места за одмор во светот.

Анализирани се над 3 милијарди идеи за патувања во Pinterest, како и 3 милиони резервации во Airbnb во 65 000 градови во светот.

Пребарувањата на локации за патување во Pinterest пораснале до 37% од декември, велат од сајтот. А буџетските одмори се бараат со 300% повеќе од почетокот на годината.

Некои од дестинациите одбележуваат огромен раст на побарувачката- пример Исланд со 365% од јануари, или Шкотска - 430% за истиот период, забележува "Бизнеис инсајдер".

Ова се 10 дестинации избрани од милионите корисници на двата сајта:

10. Барселона, Шпанија

9. Санторини, Грција

8. Њујорк, САД

7. Бора Бора, Полинезија

6. Кјото, Јапонија

5. Рејкјавик, Исланд

4.  Шкотските високи земјишта (Хаилендс)

3. Куршевел, Франција

2. Тенерифе, Канарски Острови

1. Шарм ел Шеик, Египет

Швајцарската влада одлучи да воведе ограничување на издавањето работни дозволи за романските и бугарските граѓани поради порастот на имиграциите од тие земји.

Тие се повикаа на клаузулата од својот договор со Европската унија.

Таа клаузула е дел од билатералниот договор со ЕУ за слобода на движењето и овозможува на Швајцарија, која не е членка на европскиот блок, да воведе привремени квоти на работни и дозволи за престој.

Генералниот директор на „Неуромедика” д-р Емил Угриновски го доби признанието Личност на Југоисточна Европа за 2017 година (SEE Personality 2017) што се доделува во рамки на Фестивалот на кинематографиите од Југоисточна Европа (SEE a Paris – South-East European Film Festival 2017).

Реномираната манифестација ќе се одржи од 31.05-03.06 во Париз во престижниот “Theatre Le Palace”. Организаторите на фестивалот ова признание на Д-р Емил Угриновски му го доделуваат за заслуги и достигнувања од областа на бизнисот, медицината и како особен придонес за европеизација на земјите од Југоисточна Европа.

Оваа заслуга е резултат на мојата долгогодишна посветеност на отворената соработка помеѓу бизнис секторите во државите во Југоисточна Европа. Веќе 25 години со многу ентузијазам и енергичност посветен сум на унапредување на здравстевениот и бизнис секторите во мојата држава Македонија, а нашите практики и методи веќе долго време ги споделуваме и со повеќе земји од Балканот. Огромно задоволство ми претставува тоа што жирито кое го доделува ова признание е составено од врвни уметници и интелектуалци кои несомнено имаат значителен приодонес во напредокот на културата и соработката помеѓу земјите во Југоисточна Европа. Јас како најмлад добитник на оваа заслуга си земам за задача и во иднина да продолжам активно да работам на ширење на позитивни културни, општествени и бизнис вредности низ земјите од Југоисточна Европа. Признанието го добивам во вистинско време во најзначајната година на мојата бизнис кариера, кога славиме 25 години Неуромедика и отворање на новата болница Неуромедика во центарот на Скопје кое е закажано на 28-ми јуни 2017., истакнува д-р Емил Угриновски.

Во рамки на доделувањето Д-р Емил Угриновски ќе биде почесен гостин на симпозиумот во склоп на фестивалот “Eвропеизација на Балканот и балканизација на Европа” каде ќе има кратко излагање по покана на Жан-Патрик Конрад, Претседател на Европската Академија на науките, уметностите и книжевностите.

Д-р Емил Угриновски е најмлад добитник на оваа заслуга, а досегашни добитници на овие признанија се и Бранислав Мичуновиќ министер за култура на Црна Гора, актерите Мики Манојловиќ и Мето Јовановски, бизнисмените Трифун Костовски, Силјан Мицевски и Живко Мукаетов.

Покрај Д-р Емил Угриновски оваа година признанија ќе им бидат доделени и на Душан Макавејев од Србија за заслуга “Легенда на ЈИЕ” и Јон Карамитру од Романија со заслуга за “Актер на ЈИЕ”.

За „Неуромедика” и Д-р Угриновски ова е трето признание за една година, во октомври 2016 наградите “Најдобра болница” и “Менаџер на годината” од страна на “Europe business assembly” и награда “Stubrand 2017”, Прв избор на студентите кога станува збор за здравствена заштита и прва приватна болница сертифицирана како STUBRAND во Македонија.