АКК Рено Спорт Скопје заедно со Лема Расинг денес ја одржаa првата трка од финалниот викенд на Македонското првенство „Renault Twingo CUP“ во Гробник, Хрватска.

Двајца натпреварувачи на Renault Twingo CUP се најдоа во првите десет и тоа: Марко Блажевски кој беше седми во генералниот пласман, а се покажа како најдобар во македонскиот Twingo Cup.

Второто место пак му припадна на победникот за оваа втора сезона - Давид Малинковски, додека пак трет по пласман е младиот Мартин Костовски. Пласманот на останатите Македонски возачи е по следниот редослед: Зоран Мираковски заврши 19, Ангелче Стојковски беше 21, Слободан Трајковски финишираше 22 и Емил Нацка ја заврши трката како 23, додека Владимир Тренески и Ненад Костовски не влегоа во класификацијата за бодови.

И покрај тоа што победата на брилијантниот Малинковски е сигурна, нѐ очекува уште една финална Twingo Cup трка, закажана за утре во 16:00 часот, а истата може да ја следите во живо тука:

Со двете трки на патеката „Валелунга“, натпреварувањето Порше Карера Куп Италија влезе во својата втора половина од сезоната. Македонскиот возач Ристо Вуков освои нови бодови во својата кампања, која беше повлијаена од дефект на сопирачките на почетокот од гран при викендот.

„На слободните тренинзи во петокот извозев време 1:36.631 што ми даде пласман на 14 позиција, но распоредот на силите беше таков што првите седум беа во половина секунда, додека втора група од 10 возачи беше во една секунда. Од старт беше јасно дека ќе одлучуваат десетинки и дека и најмало задоцнување може да биде казнето. Во квалификациите „го симнав“ времето на 1:35.082 и повторно бев на 14 место, овој пат првите осум беа во четири десетинки, а повторно десет возачи се најдовме во интервал од една секунда. Моето време долго опстојуваше меѓу првите 12 кои возат во втората квалификациска сесија, но „падна“ во последните пет минути и не успеав да влезам за само 0,123 секунди. Сепак, големата изедначеност ми даде понаква слика и не очајував бидејќи бев само 0,863 секунди зад пол позицијата. Верував дека можам подобро, бидејќи патеката е куса и лесна за учење. Тоа се покажа на стартот од првата трка кога за само еден круг дојдов до 9 место. Но, тогаш почнаа проблемите со сопирачките. Де факто, првиот извозен круг ми го даде најдоброто време во првата трка и натаму стануваше се полошо, па во средишницата бев престигнат од три возила, но на крајот завршив на 12 место“, изјави Рико.

Екипата „GDL Racing“ се обидела да го отстрани проблемот, но македонскиот пилот открива дека тоа било една непроспиена ноќ на автодромот кој е лоциран 40 километри северно од Рим.

„Едноставно, перформансите при сопирањето не беа на потребното ниво, а немаше видлив дефект. Поради тоа, ги променивме сите делови од системот за сопирање, од шепи и плочки, до дискови и АБС уред. Дополнително, утврдивме дека сме меѓу најбавните според крајната брзина, бидејќи на најдолгиот правец имаме брзина од 230 километри на час, додека конкурентите таму имаа под 240 км/ч. Почувствував дека возилото е подобро од претходно, и повторно успеав да стартувам добро и да се пробијам неколку позиции напред. Сепак, трката беше обележана од трите инциденти кои доведоа до прекини и излегувањето на возилото за безбедност, поради што немаше многу простор за трка. При последното излетување на Лука Мончини беше објавено дека и јас сум под истрага на стјуардите, но веднаш по крајот на трката бев ослободен од секоја одговорност. Моето најбрзо време во првата трка беше 1:36.570 или 1,2 секунди побавно од најбрзите, додека во втората трка имам 1:36.403 и сум само половина секунда побавен од водечките. Искрено, сметав дека во првата сезона сум научил многу, но од денешен аспект знам дека и овие нови искуства ме прават подобар од претходно и уште поцврст за да ја дочекам и зграбам мојата шанса за висок пласман. Лани имавме десет автомобили помалку, но годинава освојувам поени во секој настап, иако мојата желба се подиуми и победи!“, додава тој.

Со вкупно 43 бода Вуков се наоѓа на 14 место во генералниот пласман. До крајот на сезоната има уште два гран при викенда, во првиот и последниот викенд од октомври, на патеките Франчакорта и Монца. 

До крајот на тековната Формула 1 сезона остануваат уште шест трки. Лидер во генералниот пласман е Луис Хамилтон, кој го презеде првото место со победата во Русија.

• Еден
• Два 
• Три

Негов најголем конкурент е Макс Верстапен од Ред Бул. Психолошките игри меѓу големите ривали траат цела сезона, а така се очекува да биде и во самата завршница.

„Макс има способност да се справи со притисокот, тоа го видовме во Холандија. Тој беше исклучително импресивен и во Австрија. Макс не го одвлекува ништо, психолошките игри го прават да биде „ладен“.

Тој вози подобро од било кога и сега е подготвен за титулата. Тимот е мотивиран. Оваа битка е одлична забава за секого. Во екипата може да се почувствува напнатост, таа е заразна“, изјави првиот човек на Ред Бул, Кристијан Хорнер.

Големата награда на Турција е следна на календарот и ќе се вози на 10 октомври.

Купувањето нов сет гуми за вашиот автомобил може да изгледа едноставно на прв поглед.

Нов комплет гуми за автомобили обично се купуваат на секои неколку години, во зависност од тоа колку километри возите годишно.

Затоа, при изборот, треба внимателно да се разгледаат сите опции – не само затоа што трошоците за купување гуми не се мали, туку и затоа што изборот на гума може да има големо влијание врз однесувањето на возилата на пат.

Забрзување, сопирање, однесување во свиоци, прецизност на управувањето, удобност, бучава, па дури и потрошувачка на гориво – сето тоа зависи до одреден степен од гумите.

Големина на гумите

Првото нешто што треба да направите при купување е да ја проверите големината на гумите препорачана за вашиот автомобил.

Кај користените автомобили, често се случува гумите што се моментално на тркалата да не се оптимален избор. Ова исто така треба да се земе предвид при замена, бидејќи гумите во големината препорачана од производителот најдобро одговараат на вашето возило.

Како да се одреди точната големина на гумите?

Постојат неколку места каде што можете брзо да најдете информации за големината на гумите за вашиот автомобил.

Може да се најдат, на пример, во упатството за возилото, обично во делот со технички спецификации.

Големината на гумата е означена и на внатрешната површина на капачето на резервоарот за гориво или има налепница прикачена на столбот на возачката врата.

Дефинитивно можете да ги проверите овие информации со вашиот вулканизатор.

Постојат гуми во економски, среден и премиум сегмент.

Гумите со врвен квалитет нудат најдобри перформанси. Сепак, тие се најскапите и затоа многу клиенти ги избегнуваат.

Ако е можно, исто така треба да избегнувате да ги купувате и најевтините гуми, бидејќи тие имаат ниска цена со причина.

За правилно прилагодување на гумите според вашите потреби, треба да одговорите на прашањето дали ви се потребни сезонски (лето / зима) или гуми за сите сезони.

Првите обезбедуваат подобар стисок, вторите се компромис што не ослободува од потребата за замена и складирање гуми.

Гумите за сите сезони не се толку добри за снег како вистинските зимски гуми, ниту обезбедуваат иста заштита при управување или аквапланинг како и премиум летните гуми.

Меѓутоа, ако автомобилот се вози малку во зима и на патишта без или со малку снег, гумите „all season“ се секако добро и економично решение.

Шари на гумите

Друга ставка за која малку се размислува е прилагодување на шарата на гумите според планираните услови за возење.

Постојат три вида – симетрични, усмерени и асиметрични.

Симетричните гуми се поевтини и полесни за монтирање. Тие, исто така, можат слободно да се поместуваат од тркало на тркало за да се изедначи нивното абење.

Усмерениот слој на шарите овозможува добра дренажа на вода и добро „влечење“ на снег.

Од друга страна, најскапите, асиметрични гуми овозможуваат најдобро однесување и на суви и на влажни површини – дел од шарата е одговорна за „влечење“, а другиот за на вода.

Индекси на оптоварување и брзина на гуми

При изборот на автомобилски гуми, многумина не обрнуваат внимание на брзината и капацитетот на товарот на гумите.

Оценката “брзина на гуми” е максималната дозволена брзина на возилото што може гумата (безбедно) да ја издржи, под максималното оптоварување определено со индексот на оптоварување.

Овие параметри се наведени, меѓу другото, на страничниот ѕид на гумата и се напишани со букви и бројки. Тие се меѓусебно зависни и мора да се земат предвид при купување нови гуми.

Дури и ако не планираме да го возиме автомобилот со максимална брзина, не се препорачува купување гуми со помал индекс на брзина. Зошто?

Гумите со голема брзина се дизајнирани да пренесуваат голема моќност и вртежен момент. Со избирање на оние со помал индекс, може да имаме проблеми со држењето на гумите, но и со побрзо абење на гумите.

ЕУ налепница

За да им се олесни на возачите изборот на гуми, Европската унија воведе нов систем за обележување.

Новиот систем, кој е на сила од 1 мај 2021 година, дава информации за восење на мокра подлога, отпор на тркалатање и надворешен шум, како и за соодветноста на гумите за зимско возење.