KARIERA.mk е горда на успешните приказни на нашите апликанти.

Споделуваме кратка изјава од девојка која со помош на нашиот сајт го пронајде своето работно место во изминатиот период.

KARIERA.mk е веб сервис кој произлезе како синергија на тимови со 10 годишно искуство во областа на вработувањето и во областа на модерните ИТ решенија.

Ние нудиме преглед на актуелните огласи за работа во Македонија, достапните пракси, стипендии и останати можности за неформално образование со што цели да стане централно место кое ќе им помогне на многу млади луѓе да напредуваат во својот професионален развој. 

Како студент на студиите по новинарство на Правниот факултет Јустинијан I имав можност да бидам дел од неколку пракси преку што можев од прва рака да почуствувам колку практичната работа и обуките во областа што ја имав изберено за своја професија се важни.

Со таа цел, почнав поинтензивно да барам пракси и обуки во мојата област . Пребарувајќи по сајтовите го открив и Вашиот сајт KARIERA.MK . Истовремено видов понуда на Групер за обука на тема - Како да најдам работа во Македонија, што ја организиравте како сајт. Ми зазвуче прилично интересно, и дојдов на обуката каде беше презентирано како да создадеме добра биографија и да се претставиме себеси во најдобро светло на интервјуто за работа.

По обуката ја корегирав својата биографија и преку профилот што го имам на KARIERA.mk аплицирав за неколку работни позиции, повеќето вон новинарството. Една вечер ми излезе оглас за работа во новинарската агенција Макфакс и решив да се пријавам. Испратив мое cv и пo неколку дена бев повикана на разговор за работа за да набрзо после тоа станам дел од тимот на Макфакс.

Според мене Вашиот сајт создава одличен спој затоа што освен понуди за работа нуди и пракси и обуки со кои можеме да ја збогатиме нашата биографија.

Ви благодарам од се срце!

Елена Максимова

Милиони луѓе работат во огромни канцеларии од отворен план, каде се што прават е видливо за сите други. Зошто е тоа тоа така? И колку убаво се чувствуваат вработените во таков простор?

Редакција на БиБиСи сме ја виделе на барем еден портал каде што се зборува за најмодернте канцеларии во светот.

Канцелариите им се од отворен план, бироата наредени во редици , море од луѓе, и сите погледи им се вперени во нивните екрани, фокусирани на ова што го работат. Дури, има и точно одредена патека по која еден вработен може да оди до тоалет без да им смета на колегите, не смее да се носи облека во јаки бои итн.

Тоа некако изгледа многу различно од нормалните канцелaрии каде работат 5-6 луѓе. Во таквите канцеларии има однос меѓу вработените, тие освеn на бизнис план се зближуваат и приватно и се градат незамисливи врски.

Во Британија во 19тиот век сите канцеларии биле во темни подруми заради штедење на простор, а многу од вработените имале вртоглавици или главоболки попладнето.

Кон крајот на 19тиот век, започнува појавата на огромните бизнис канцеалaрии без прегради каде се губи целата интимност на работењето и зближувањето на луѓето. Всушност, доаѓа до израз и моќта. Оние кои имаат повисока позиција во компанијата за првпат се издвоени со свои посебни кацеларии.

Првата огромна канцеларија од отворен план била изградена во 1906 година во Њу Јорк - Larkin Administration Building, имала голема површина и само неколку зидови.

Најголема придобивка од ваквиот тип на канцеларија имале менаџерите, сега сите вработени им биле на око и лесно можеле да надгледуват кој што работи.

Исто така меѓусебните разговори биле сведени на минимум и фокусот се зголемил за неколкупати. Моќта ја изразувале со местото на своето биро. Колку повисока позиција толку поблиску до прозорите и подобар поглед на улиците на Њу Јорк.

Во 60тите години од минатиот век во Германија за првапт се појавува поимот - канцелариско уредување. Тогаш за прв пат во европа се делат вработените по сектори, некои оддели биле многу гласни а некои сосема тивки во зависност од тоа каква работа извршувале вработените во одделот.

Во меѓувреме во Америка пак, еден од дизајнерите на кацелариското уредување кој навистина се залагал за поставеност на бироата и функцијата на истите направил кратко истражување и дошол до неочекувани резултати.

Многу од вработените изјавиле дека понекогаш навистина им пречи поминувањето на толку многу колеги околу нив и дека ги дефокусира поздравувањето со секој кој ќе помине до нивното биро. Токму тогаш биле измислени параваните, кои ги издвојувале вработените во свој простор од колегата до нив иако се наоѓале во иста просторија.

Во Македонија, компаниите имаат различни гледишта за ефективноста на вработените и поставеноста на бироата во работниот простор. Сепак во последно време се повеќе компании се решаваат за канцеларии од отворен тип за кои главната причина за нивно форсирање во модерниот свет е дека се пофтина варијатна на проектирање на една канцеларија.

Вицепремиерот и министер за здравство Никола Тодоров и претставници на компаниите Гранит, Бетон и италијанската ИНСО системи денеска го потпишаа договорот за изградба на нов клинички центар „Мајка Тереза“ во Скопје. Вредноста на договорот изнесува околу 72 милиони евра, а предвидува градежните работи да завршат во рок од 45 месеци од почетокот на градбата.

Вредноста на договорот изнесува околу 72 милиони евра. Договорот предвидува градежните работи да завршат во рок од 45 месеци по почетокот на градбата. Постојниот клинички центар „Мајка Тереза“ е најголемиот здравствен комплекс во Република Македонија на површина од 17 хектари, кој се состои од 32 независни субјекти со вкупен персонал од 3.400 лица, истакна Тодоров.

Клиничкиот центар „Мајка Тереза“ ќе зафаќа простор од 46.987 метри квадратни, а ќе има и хелидром.

Имајќи го предвид стратешкото значење на клиничниот центар за државата одлучивме да изградиме комплетно нова зграда со нето површина од 46.987 метри квадратни корисен простор и 6.416 метри квадратни проодни тераси и кровни градини и 531 метар квадратен хелидром. Објектот ќе се состои од едно подземно ниво, приземје, 9 ката и современ хелидром за трансфер на пациенти на десеттото ниво, потенцира Тодоров.

Правната битка меѓу Бернар Тапи и „Креди Лионе“, која трае речиси 25 години, доби конечна разрешница откако Касацискиот суд на Франција одлучи да ја потврди пресудата со која бизнисменот и поранешен политичар треба да и врати на државната каса 404 милиони евра, добиени во 2008 година по „лажната арбитража“ во предметот со банката, јави дописникот на МИА од Париз.

Касацискиот суд, која е највисок жалбен суд во Франција, ја потврди пресудата на Апелацскиот суд во Париз од 3 декември 2015 година, со која поранешниот сопственик на „Олимпик Марсеј“ треба да ја врати целокупната отштета исплатена од тројца судии арбитри во 2008 година, кои посредуваа во решавање на неговиот спор околу продажбата на „Адидас“ со „Креди Лионе“.

Случајот датира од 1993 година, кога Тапи, кој тогашен беше министер во Владата на Франсоа Митеран, одлучи да ги прекине своите деловни активности. Тој реши да го продаде „Адидас“, кој го купи две години порано за 1,6 милијарди франци, при што продажбата и ја довери на „Креди Лионе“. Од продажба на „Адидас“ на Роберт Луис-Драјфус, банката оствари значен профит, без тоа да му го пријави на поранешниот сопственик, кој смета дека е измамен.

„Арбитражата Тапи“ е предмет и на кривична истрага во која обвинителот на Париз побара им се суди на шест протагонисти, меѓу кои и бизнисменто Пјер Eступ и извршниот директор на „Оранж“, Стефан Ришар, кој е поранешен шеф на кабинетот на некогашната француска министерка за економија и актуелен директор на ММФ, Кристин Лагард.

Обвинителството бара на шесте протагонистите од овој политичко-финансиски скандал да им се суди за „организирана измама“, додека на Бернар Тапи за „затајување на јавни фонфови и за соучество во тоа дело“.

Министерството за економија во 2007 година реши да се впушти во приватна арбитража. Арбитражата пресуди во корист на Бернар Тапи, давајќи му чек од 404 милиони евра, од кои 45 милиони за „морална штета“.

Судскаат постапка која беше овторена имаше за цел да утврди дали во арбитражата имало политичко договарање.