Министерор за здравство Венко Филипче денеска информираше дека утре ќе имаат состанот на Комисијата за заразни болести, на кој ќе се разговара за воведување на рестриктивни мерки за справување со пандемијата.

Закажан е состанок на кој ќе комуницираме за какви мерки ќе се воведат. Ќе излеземе со конкретни предлози кои ќе ги доставиме до Владата. Пред се, тие ќе се однесуваат на неим*низираните, вели Филипче.

Според него, болничкиот систем во моментов е оптоварен од нив и тоа не смее да го толерираме во време кога имаме голем број дози.

Доаѓа време на зимска сезона и настинки и не е дозволиво да не се им*низираат граѓаните, додава Филипче.

Од 11 февруари наредната година, четирите броеви за прием на итни повици за полиција -192,противпожарна - 193, брза помош -194 и 195 за Центар за управување со кризи етапно ќе се заменат со единствениот број 112.

1035
Објавил:Михаил Милошевски
16 ноември 2021, 15:44
СподелиСподели

Со што граѓаните ќе имаат можност на едно место да побараат помош во итна ситуација.

Директорот на ЦУК Стојанче Ангелов вели дека граѓаните покрај на македонски ќе можат да добијат помош и на албански и англиски јазик.За потребите на центарот ќе бидат вработени 50 лица, а предност ќе добијат вработените во државната администрација.

-За граѓаните нема да има разлика и тие нема да знаат кога вртат 112 дали се јавиле во Скопје, Битола, Штип или во Тетово бидејќи самиот систем е совршен и ги пренасочува повиците. Доколку некој се јави и почне да зборува на албански со едно стискање на копче повикот оди кај колега Албанец кој ќе зборува со лицето на кое му е потребна помош, истакна директорот на ЦУК Стојанче Ангелов .

За почеток, на ниво на цела држава на располагање ќе бидат ставени 8 регионални центри кои ќе бидат во постојана координација со главниот центар во Скопје.

-Помошник на проектот за имплементација на бројот 112. Во прво време ќе бидат функционални сите броеви покрај бројот 112, значи се уште ќе бидат во употреба 192,193,194 додека како ќе се зголемува свеста кај населението за постоење на овој број така ќе се мигрира кон употреба на бројот 112.-- Тони Костов.

Бројот 112 е единствен број кој се користи на ниво на цела Европска Унија а Македонија како земја која аспирира да се приклучи кон европското семејство има должност да го имплементира бројот за сите македонски но и странски државјани.

Поради префрлањето на одговорноста на инситуциите, во минатото се случуваше конфузија, која некогаш чинеше и човечки живот – како во случајот со овчарот во кратовско..

Вицепремиерот за економски прашања, Фатмир Битиќи, во емисијата „Утрински брифинг“ рече дека електричната енергија во иднина ќе биде поскапа затоа што ќе се произведува во услови на еколошки чиста животна средина. Производството од фосилни горива, кои се повеќе недостасуваат во Македонија, е поевтина варијанта, според владиниот функционер, но тоа наедно значи големо загадување.

Овде за прв пат можам да кажам дека сум целосно незадоволен, но тоа е резултат на лошото менаџирање во последните 20 години на енергетскиот сектор. Сите ние во наредните години ќе ја плаќаме цената на тоа лошо менаџирање. Не може енергетскиот сектор никаде да се подобри во две години. За да отворите нов производствен капацитет ви се потребни две до три години, рече Битиќи.

Тој додаде дека инвестирањето во обновливи извори на енергија ќе ја надополни загубата, но цената ќе биде поскапа, односно струјата ќе биде скап ресурс.

Јагленот веќе ќе го нема. Ова ни се случува затоа што го немаме јагленот, или ако го имаме, тоа се многу понизот квалитет за производство, додаде вицепремиерот.

МТЕЛ, членка на Телеком Србија групацијата од денеска почна со работа на македонскиот телекомуникациски пазар, со продажен салон во Скопје со понуда за сателитска телевизија. Амбициите на групацијата, како што најави раководството, е од следната година да нудат и телекомуникациски услуги и дигитални сервиси.

Генералниот директор на Телеком Србија Владимир Лукиќ најави новини и пресврт на телекомуникацскиот пазар во државава.

По првиот сервис со којшто ќе стартуваме – сателитска телевизија, од следната година планираме да се прошириме и во сегментот на мобилната телефонија, рече Лукиќ на прес-конференција.

Компанијата веќе обезбедуваат услуги за повеќе од 11 милиони претплатници во регионот и Европа.

Македонија во однос на телекомуникациите е исклучително напредната и на отворањето на подружницата на Телеком Србија гледаме како предизвик во којшто ќе го вложиме искуството и знаењето стекнати преку нашите делови активности во Србија, БиХ и Црна Гора, посочи Лукиќ.

Марко Лопичиќ, извршен директор на МТЕЛ, потенцираше дека стартуваат со понуда за врвна сателитска телевизија, а на љубителите на добрата телевизиска програма, како што рече, им нудат најдобар избор на телевизиски канали и ексклузивна содржина.

Понудата е внимателно избрана и класифицирана во три исклучително поволни пакети кои вклучуваат повеќе од 150 канали. Уверени сме дека таквата понуда која што ги содржи најквалитетните спортски содржини на каналите Арена Спорт, потоа врвни филмски и сериски програми на Супер Стар каналите, понуда на сите македонски национални телевизии, Пинк каналите, како и одличен избор на документарни, музички и детски канали ќе прерасне во омилен телевизиски избор на граѓаните во Македонија, реќе Лопичиќ.

МТЕЛ регистрираше фирма во државава  во јули годинава. Во наредниот период се очекува да официјализираат како ќе ги реализираат плановите за влез во мобилната телефонија, каде сега нудат услуги пет субјекти: А1 Македонија Скопје, со 49,78 проценти од  претплатниците, Македонски Телеком АД Скопје, со 47,25 проценти, Лајкамобајл – 1,76 проценти, Роби – Штип 1,19 проценти, како и Греен Мобиле – Прилеп 0,02 проценти.