Мајкрософт го враќа својот виџет за временска прогноза на лентата со задачи на Windows 11. Тоа е функција која првично дебитираше во Windows 10, обезбедувајќи временски услови во живо и брз пристап до сите вести во светот.

Додатокот за временска прогноза стандардно ќе се прикажува на левата страна од лентата со задачи или како дополнителна икона ако лентата со задачи за Windows 11 е порамнета налево. Оваа најнова промена достапна во Windows 11 Dev Channel, ја следи способноста на тестерите да го прикажуваат времето и датумот на повеќе монитори. Двете промени се очекува да бидат претставени со ажурирање на Windows 11 во 2022 година.

Покрај промените во лентата со задачи, Мајкрософт најавува и нова функција „Гласовен пристап“ за Windows 11. „Гласовниот пристап е ново искуство што им овозможува на сите, дури и на лицата со пречки во движењето, да го контролираат својот компјутер користејќи го својот глас“, вели Ланговски.
 

Peugeot ќе продава само електрични автомобили во Европа од 2030 година наваму, користејќи четири Stellantis EV платформи, пишува Automotive News Europe.
 

Одлуката ја потврди извршната директорка на Peugeot, Линда Џексон, која додаде дека француската марка ќе продолжи да произведува модели ICE за други меѓународни пазари. „Како што преминуваме кон новите платформи – STLA Small, [STLA] Medium и [STLA] Large – до 2030 година во Европа, сите наши модели ќе бидат електрични“, рече Џексон. „Но, сепак морам да се погрижам да одржувам понуди за внатрешно согорување за моите меѓународни клиенти“.
 

Нов Зеланд планира целосно да го забрани пушењето. Би-Би-Си јавува дека Нов Зеланд ќе ја забрани продажбата на цигари и тутунски производи на своите помлади генерации, во обид постепено да се откаже од пушењето.

Според предлог-законот што треба да се донесе следната година, никој роден по 2008 година нема да може да купува цигари или тутунски производи.

Сакаме младите никогаш да не почнат да пушат“, рече министерката за здравство д-р Ајша Верол. 
Лекарите и медицинските експерти ги поздравија плановите на владата. Нов Зеланд, инаку, е решен да ја намали националната стапка на пушење на 5 проценти до 2025 година, со цел конечно целосно да се елиминира тутунот.

Во моментов, околу 13 отсто од возрасните во Нов Зеланд пушат, што е помалку од 18 отсто колку што пушеле пред една деценија. Стапката на пушачи е многу повисока – околу 31 процент – кај домородното население на Маори, кое има повисока стапка на морбидитет и смртност.

Како дел од посебните мерки, Владата воведе построга контрола на консумацијата на тутун и го ограничи бројот на места каде што може да се купат цигари. Врз основа на овие мерки, цигарите повеќе не може да се купуваат во супермаркетите и локалните намирници, а бројот на продавници овластени да продаваат цигари драстично ќе се намали од околу 8.000 на помалку од 500.

По препорака на надлежната комисија на епидемиолози во Министерството за здравство на Грција, важноста на потврдата за прележан ковид-19 во земјата, се намалува од 180 на 90 дена, јави дописничката на МИА од Атина.

Конкретниот амандман веќе е доставен во грчкиот Парламент и предвидува потврдата да важи само доколку лицата прележале ковид-19 во изминатите три месеци.
Од минатата седмица промени има и во однос на начинот на издавање на потврдата.

Министерот за здравство Танос Плеврис соопшти дека потврдата за прележан ковид-19 ќе се издава само со направен ПЦР тест, а не со рапид тест како што беше пракса досега.

Кога некој е позитивен дали со рапид или со селф тест ќе може да влегува во карантин, но за да има потврда за прележана болест ќе треба да направи ПЦР, објасни министерот за здравство на Грција.