Нов Зеланд планира целосно да го забрани пушењето. Би-Би-Си јавува дека Нов Зеланд ќе ја забрани продажбата на цигари и тутунски производи на своите помлади генерации, во обид постепено да се откаже од пушењето.

Според предлог-законот што треба да се донесе следната година, никој роден по 2008 година нема да може да купува цигари или тутунски производи.

Сакаме младите никогаш да не почнат да пушат“, рече министерката за здравство д-р Ајша Верол. 
Лекарите и медицинските експерти ги поздравија плановите на владата. Нов Зеланд, инаку, е решен да ја намали националната стапка на пушење на 5 проценти до 2025 година, со цел конечно целосно да се елиминира тутунот.

Во моментов, околу 13 отсто од возрасните во Нов Зеланд пушат, што е помалку од 18 отсто колку што пушеле пред една деценија. Стапката на пушачи е многу повисока – околу 31 процент – кај домородното население на Маори, кое има повисока стапка на морбидитет и смртност.

Како дел од посебните мерки, Владата воведе построга контрола на консумацијата на тутун и го ограничи бројот на места каде што може да се купат цигари. Врз основа на овие мерки, цигарите повеќе не може да се купуваат во супермаркетите и локалните намирници, а бројот на продавници овластени да продаваат цигари драстично ќе се намали од околу 8.000 на помалку од 500.

По препорака на надлежната комисија на епидемиолози во Министерството за здравство на Грција, важноста на потврдата за прележан ковид-19 во земјата, се намалува од 180 на 90 дена, јави дописничката на МИА од Атина.

Конкретниот амандман веќе е доставен во грчкиот Парламент и предвидува потврдата да важи само доколку лицата прележале ковид-19 во изминатите три месеци.
Од минатата седмица промени има и во однос на начинот на издавање на потврдата.

Министерот за здравство Танос Плеврис соопшти дека потврдата за прележан ковид-19 ќе се издава само со направен ПЦР тест, а не со рапид тест како што беше пракса досега.

Кога некој е позитивен дали со рапид или со селф тест ќе може да влегува во карантин, но за да има потврда за прележана болест ќе треба да направи ПЦР, објасни министерот за здравство на Грција.

Кина го одобри лекот за третман на заболените од Ковид-19, соопшти денеска Кинеската агенција за лекови.

За разлика од превентивната вакцина, третманот со лекот е наменет за избегнување на компликациите кај инфицираните.

Кинеската агенција за лекови јави дека дава „итно одобрение“ за кинескиот третман против Ковид-19.

Лекот се заснова на моноклонални антитела кои се врзуваат за шилестиот протеин на коронавирусот, намалувајќи ја неговата способност да навлезе во клетките.

Клиничките испитувања покажуваат дека лекот го намалува ризикот од хоспитализација и смрт на пациенти кои може да развијат потешка форма на ковид-19.

Во Кина, која дозволува употреба само на домашни вакцини, вакцинирани се повеќе од 70 отсто од населението. 

Амбасадата на Германија во земјава од новиот список на регистрирани,по случаен избор, со помош на компјутерски управуван генератор во лотариска постапка, ќе се извлечат оние, на кои ќе им се додели термин за вадење виза за месец март 2022 година.

Поради Вашите многубројни реакции и сè уште многу големиот интерес за термини за поднесување на барање за виза, од февруари 2022 година секој месец ќе се применува постапка на лотарија. За таа намена, во февруари за првпат ќе се отвори нов список за регистрирање, кој ќе биде неприкинато отворен за подолг период (најверојатно за околу две недели). Потоа, по случаен избор, со помош на компјутерски управуван генератор во лотариска постапка, од сите регистрации ќе се извлечат оние, на кои ќе им се додели термин за месец март 2022 година, напиша Холштајн на Фејсбук.

Поопширни информации можат да се најдат на веб-страницата https://skopje.diplo.de/mk-mk/-/2493044.