Не за популистичко зголемување на минималната плата. Сојузот на Стопански Комора против владините најави за пораст на минималецот на 18.000 денари по Нова година.  Вештачкото зголемување, што не ја следи продуктивноста на вработените и економската состојба на фирмите ќе донесе низа негативни ефекти, меѓу кои отпуштања, раст на инфлацијата и сивата економија. Ако сака, Владата може да се откаже од дел од давачките за придонеси, кои се највисоки во регионот.

Ако Владата е искрена во своите намери да помогне на бизнисот и граѓаните, треба да спроведе мерка со која ќе се намалат стапките на придонесите кои кај нас се на екстремно високо ниво. Кај нас ефективната стапка на придонеси на бруто плата изнесува околу 33 проценти, додека за споредба во Германија изнесува 27 проценти, Бугарија 19 проценти, Словенија 18 проценти, Хрватска 17 проценти. Оваа разлика реално е и поголема кога ќе се стави во однос со квалитетот на услугите кои се добиваат од државните фондови за пензиско и за здравствено осигурување, истакна Александра Андреева, член на Управен одбор на ССК.

Комората брои 20.000 членки, микро и мали компании, кои изминатиов период мака мачеле да опстојат поради последиците од корона пандемијата. Сега, наместо да ги стимулира, државата со вакви мерки ќе затвори голем дел од нив

Тоа е како да гасите пожар со масло, изјави Благоја Грозданов, член на УО од ССК.

Повисоката минимална плата ќе им ги зголеми трошоците на фирмите. Еден вработен со минималец од 18,000 денари, газдата го чини скоро 27.000, со придонеси и данок на доход. Ова значи дека уште скоро половина од платата фирмите и ја даваат на државата.

Сепак, од Владата не отстапуваат. Повисоката плата е во заштита на работниците и подобрување на нивниот стандард.

Инаку барањето на Синдикатот бараше минималец во висиона од  60% од просечната плата, како што е во земјите од Унијата. Токму денеска статистика објави пораст на платите, така што прсочената во октомври достигна 29.145 денари. Ако се зголеми минималната на 18,000 денари, ќе се надмине и тој праг од 60 отсто.

Еврото падна во однос на доларот. 

Курсот на еврото денеска повторно е под 1,13 долари, објавија германските финансиски публикации. Европската централна банка вчера одреди референтна стапка на еврото од 1,1295 долари. Eврото се намали со британската фунта откако Холандија влезе во карантин во неделата. Турската лира денеска го задржа растот откако се врати од рекордно ниското ниво поради новите мерки што ги најави претседателот Реџеп Таип Ердоган за заштита на заштедите во националната валута. Лирата се стабилизираше на 12,25 лири за долар. 

Велика Британија по Брегзит е соочена со недостиг на голем број работници од повеќе професии, а во овој новогодишен и божиќен период, верувале или не, недостигаат професионални Дедо Мразовци.

На еден сајт за вработување во Велика Британија, неделава има стотина слободни работни места, се бараат луѓе подготвени да работат како Дедо Мраз и да го прават тоа што се очекува од него.

Во овој претпразничен период тие се многу барани во Велика Британија, па од таа работа може и добро да се заработи. Според пишувањето на медиумите, дневницата за Дедо Мраз е тројно зголемена.

Велика Британија по Брегзит е соочена со недостиг на голем број работници од повеќе професии, а во овој новогодишен и божиќен период, верувале или не, недостигаат професионални Дедо Мразовци.

На еден сајт за вработување во Велика Британија, неделава има стотина слободни работни места, се бараат луѓе подготвени да работат како Дедо Мраз и да го прават тоа што се очекува од него.

Во овој претпразничен период тие се многу барани во Велика Британија, па од таа работа може и добро да се заработи. Според пишувањето на медиумите, дневницата за Дедо Мраз е тројно зголемена.

Владата преку Министерството за внатрешни работи превзема мерки за справување со пиротехничките средства, а само во последните неколку дена се запленети над 30.000 парчиња пиротехника и приведени се неколку лица. МВР со засилени контроли и за новогодишните празници.

Ова денеска на прес-конференција го истакна владиниот портпарол Душко Арсовски прашан за превентивните мерки за справување со пиротехнички средства. Арсовски потсети и на казните предвидени за прекршување на јавниот ред и мир.

Паралелно Министерството продолжува со превентивни активности за да се спречи употребата на овие средства. Во оваа прилика само потсетуваме на Законот за прекршоци против јавниот ред и мир којшто во член 31 предвидува глоба во износ 200 до 500 евра во денарска противвредност за оној којшто неовластено пука од ог*ено ор* жје, употребува пиротехнички средства или сличен екс п*озивен или лесно запалив материјал или на сличен начин го нарушува мирот и безбедноста на граѓаните, информираше Арсовски.