45.000 граѓани од ранливите категории ќе добијат по 1.000 денари со цел да ги покријат своите сметки за струја во зимските месеци кои доаѓаат, изјави вечерва на ТВ Сител претседателот на СДСМ и премиер во најава, Димитар Ковачевски. Тој рече дека Владата предвидела и намалување на ДДВ-то за струја од 18 на 5 отсто во случај на криза.

Ковачевски во своето прво телевизиско излагање уверуваше дека нема да има ценовен шок и рестрикции, иако одлуката за цената на струјата ја носи Регулаторната комисија за енергетика. Уште повеќе, енергетските компании веќе имаат добиено парична помош од Владата за оваа година, а оставена е ставка во Буџетот и за идната.

Ако зборуваме за енергетската криза во македонски контекст, фер е да кажеме дека во изминатите 30 години во државата не е инвестирано во ниту еден нов енергетски капацитет. Единствено сега имаме нови инвестиции финансирани дел од државниот буџет, дел со јавно-приватно партнерство во насока на зголемување на производството на електрична енергија од обновливи извори – истакна Ковачевски.

Драматични вести доаѓаат за корисниците на парно греење во Скопје.

Балкан Енерџи Груп бара цената на парното да се зголеми за 300 отсто веќе од први јануари следната година, дознава и пренесува порталот „Фактор“.

Во барањето кое го доставиле до Регулаторната комисија за енергетика тие наведуваат дека цената на гасот им е драстично зголемена, односно токму за 300 проценти, во однос на јули минатата година кога РКЕ ја донесе последната одлука за цената на топлинската енергија.

Колкаво зголемување ќе одобри РКЕ не е познато, но укажуваат дека земјава нема домашно производство на гас и тој се набавува единствено од увоз, а цената на светските берзи е драматична.  

Официјално од Регулаторната комисија за енергетика велат дека колку точно ќе поскапи парното ќе се знае кога БЕГ ќе достават докази за тоа по која цена ќе го склучат договорот за набавка на гас за следниот период. Барањето на БЕГ сега им е вратено, а за зголемувањето ќе се одлучува кога ќе се достават бараните докази од страна на регулаторот. 

Јапонците направиле робот кој игра кошарка, а тој досега можел само да шутира од место кон кошот и никогаш не промашувал.

Во Саитама Супер Арена Јапонците во Август претставиле робот кој игра кошарка, пред почетокот на Олимписките игри во Токио.

Јапонците се пошегувале дека тоа е нивниот одговор на Американците за Стеф Кари, најдобриот шутер на сите времиња.

"CUE5" може за помалку од минута да погоди слобоно фрлање, тројца и шут од половина терен.

Сега, покрај шутирањето, може и слободно да се движи со топка и да дрибла.

Роботот е висок 220 центиметри и е тежок 140 килограми.

Град Скопје од буџетот за 2022-ра година издвои 24 милиони денари за субвенции за купување инвертер клима уреди.

Град Скопје од свои буџетски средства оваа година издвојува рекордни 24 милиони денари за субвенции за купување на инвертер клима уреди, за разлика од претходните две години, кога во буџетот за оваа мерка немаше воопшто средства на Град Скопје, односно парите за субвенции беа обезбедени од Владата. Од својот буџет Скопје последен пат финансии за оваа точка издвоил во 2019-та година кога беа дадени 20 милиони денари, додаваат од градот.

Сумата која беше издвоена во 2018-та година, како што наведуваат, била уште помала, односно само 10 милиони денари.

Во четири години водење на Град Скопје од поранешниот градоначалник Петре Шилегов за субвенции за инвертер клима уреди од пари на Градот издвоени беа вкупно 30 милиони денари, додека сега, само за 2022 година се предвидени 24 милиони денари, додаваат од Град Скопје.