ЈСП „Скопје“ воведува дневен билет за возење во автобусите од јавниот превоз. Билетот ќе чини 120 денари и со него ќе може да се вози цел ден, објави СДК.мк.

Инаку, според ценовникот на ЈСП, ваков билет постои, но само преку електронски валидатор, а отсега ќе биде достапен и на хартија.

Овој билет ќе биде пуштен кон крајот на овој месец. Ќе биде хартиен како билетот за едно возење. Го воведуваме како опција за граѓаните кои користат повеќе автобуси во текот на денот, а ќе биде од голема корист и за туристите, велат од ЈСП „Скопје“.

 Од пред една недела, јавното претпријатие ги врати ноќните линии кои беа укинати поради пандемијата на ковид-19. Автобуси после 23 часот има на линиите 2, 5, 7, 22, 24, 41, 50, 57, 61, 63 и 65Б. Автобуските линии 2, 22, 24, 41, 57 и 65Б сообраќаат секој ден, а преостанатите се во функција во деновите од викендот или комбинирано, како и за време на празниците.
 
ЈСП „Скопје“ до крајот на март ќе го врати и бесплатниот автобуски превоз за пензионерите во вторник, петок, сабота и недела. За реализирање на оваа мерка доби 650.000 евра субвенции од Град Скопје.

Задолжителна вакцинација за сите постари од 50 години е воведена во Италија. 

Бројот на заразени расте и затоа е донесена оваа одлука. Целта е да се заштитат постарите 

„Сакаме да го запреме растот на инфекциите и да ги принудиме Италијанците кои се уште не се вакцинирани“, изјави премиерот Марио Драги на седницата на Владата во средата, пренесува АП.

Претходно во текот на денот, во Италија беа потврдени 189.000 заразени. 

foto freepik.com

Скопје денеска е втор најзагаден град во светот, на листата на air visual. Пред него е само Дака во Бангладеш. 

Податоците од мерните станици за квалитет на воздух на Министерството за животна средина покажуваат дека Скопје и Кавадарци утрово се најзагадени градови во Македонија. 

Овие два града се обоени со виолотева боја што укажува на многу високо загаден воздух. Високо загаден е воздухот во Куманово, Тетово, Гостивар и Кичево.  Струмица, Гевгелија, Кочани и Велес се со средно загаден воздух. 

Инаку, Струмица и Тетово два дена по ред имаа екстремно загаден воздух.

Пчелар од Охрид е осуден да плати 15.000 евра оти неговите пчели каснале охриѓанец во 2014. Според пресудата на Основниот суд од Охрид изречена после 8 години, лицето претрпело страв, а и имал физички и душевни болки, пишува СДК.МК.

Според пресудата, пчеларот се задолжува на тужителот да му исплати штета за претрпени физички болки од 300.000 денари, за претрпен страв од 200.000 денари и за претрпени душевни болки од 100.000 денари, како и трошоци во постапка од над 150.000 денари.

Според образложението од пресудата, пчеларот Лазе Грозданов од село Долно Коњско, Охрид е прогласен за виновен за кривично дело „предизвикување општа опасност“ оти го управувал своето возило во кое имал натоварено пчели. Во образложението стои дека сандаците не биле добро затворени, па од нив излегле рој пчели и го нападнале оштетениот Васко Паскали, кој бил со неговата сопруга и малолетно дете. Паскали со телото го заштитил малото бебе и со трчање се упатил кон неговиот дом. Во моментот на бегање пчелите го касале во пределот на вратот, главата и лицето, по што бил искасан и отечен. Чувствувал тешко дишење и се упатил во охридската Општа болница каде бил сместен на Интерното одделение. Од претрпениот страв и ден денес чувствувал страв од пчели. Судот смета дека од каснувањето на пчелите тужителот се здобил со алергиска реакција и доживеал страв како за себе така и за неговото дете и сопруга.

„Ова е директен удар врз пчеларите“, велат од Здружението на пчелари Охрид.

Настанот се случил од 2014, а пресудата е донесена после 8 години, што за пчеларите од Охрид е уште една апсурдност покрај, како што ја нарекоа, смешната постапка.

„Со постапката докажаа дека сум осуден само поради тоа што сум поседувал возило со кое се транспортирани пчели, а ниту во еден случај при преселба пчелите не го напуштаат пчелното семејство. Ние како пчелари немаме влијание врз пчелите, но Судот го прифати целиот спор и потврди дека јас сум виновен“, вели Лазе Грозданов.

Апелација во Битола ја потврдила првичната пресуда и го доставила предметот на извршување во Охрид, каде се докажало дека пчелите биле од Грозданов и дека возилото со кое се пренесувале било негово. Со граѓанска тужба постапката продолжила за надомест на штета.

Судијата во Охрид наоѓа некое соломонско прифатливо решение и досудува казна од вкупно 15 илјади евра. Ова не смее да стане судска пракса. Бараме да знаеме на што сме. Ако Судот може да носи вакви одлуки против пчеларите, а за сообраќајна несреќа судат досудува оштета од 35 илјади денари, тогаш која е логиката, вели Грозданов.

Пчеларите од Охрид бараат Републичкиот судски совет и Министерството за правда да го преиспитаат конкретниот случај и да одговорат дали, како што велат, чувањето пчели преставува високоризична професија и дали со оваа пресуда пчеларите се категоризирани во групата убијци.

Благодарение на пчелите опстојува човечкиот род. После изумирање на пчелите човечкиот род има уште 4-5 години. Да не дозволиме вакви судски пресуди. Висината на казната нè карактеризира како убијци, велат пчеларите.

Грозданов вели дека пресудата ќе ја обжали и најави масовна поддршка од сите пчелари од државава.