Се огласи Васко Паскали кој во 2014 година бил нападнат додека се движел со сопругата и петмесечното бебе од рој пчели и за што Основниот суд во Охрид донесе пресуда според која пчеларот треба да плати оштета од 15.000 евра. Вели дека јавноста заслужува да ја знае вистината.

Имено со оглед на тоа дека судската разрешница за немилиот настан кој можеше да заврши трагично, кога на самиот булевар се истури рој пчели врз моето пет месечно бебе е после 8 години од слученото кривично дело, јасно е дека обвинетиот вршеше притисоци врз мене за да ја повлечам кривичната пријава, а исто така вршеше притисоци и на припадници на органите на прогон па поради таа причина е одолговлечена целата постапка. Воедно ја информирам јавноста дека не се работи за правосилна судска пресуда, туку за пресуда на Основниот суд во Охрид со редовен правен лек односно право на жалба до Апелациониот суд во Битола. Како што напоменав дека постапката сеуште нема правна завршница и дека без оглед на исходот од постапката досудениот износ за надомест на штета ќе биде дониран на здруженија на деца со ретки болести и посебни потреби, појаснува Паскали.

Според пресудата пчеларот се задолжува на тужителот да му исплати штета за претрпени физички болки од 300.000 денари, за претрпен страв од 200.000 денари и за претрпени душевни болки од 100.000 денари, како и трошоци во постапка од над 150.000 денари.

Во образложението стои дека сандаците не биле добро затворени, па од нив излегле рој пчели и го нападнале оштетениот Васко Паскали, кој бил со неговата сопруга и малолетно дете. Паскали со телото го заштитил малото бебе и со трчање се упатил кон неговиот дом. Во моментот на бегање пчелите го касале во пределот на вратот, главата и лицето, по што бил искасан и отечен. Чувствувал тешко дишење и се упатил во охридската Општа болница каде бил сместен на Интерното одделение. Од претрпениот страв и ден денес чувствувал страв од пчели. Судот смета дека од каснувањето на пчелите тужителот се здобил со алергиска реакција и доживеал страв како за себе така и за неговото дете и сопруга.

Емирати со седиште во Дубаи е прогласенa за најбезбедна авиокомпанија во светот, втора година последователно, според Центарот за евалуација на податоци за несреќи на авиони со седиште во Хамбург (JACDEC).

Со индекс на ризик од 95,05 отсто, Емирати ги победи своите најблиски ривали KLM (93,31 отсто), JetBlue (91,61 отсто), Делта (91,55 отсто) и easyJet (91,28 отсто) меѓу 25-те анкетирани авиокомпании. Истражувањето беше спроведено за авијацискиот магазин Aero International.

За прв пат, JACDEC објави и регионално рангирање, кое ги споредува најголемите светски авиокомпании во еден од четирите региони.

На регионално ниво, Емиратите се лизнаа зад Etihad Airways со седиште во Абу Даби, кој поради својата големина не се најде на глобалната листа.

Во Европа, KLM (93,31 проценти) го зазеде првото место, пред Finnair (93,16 проценти), Air Europa (93,12 проценти), Transavia (92,83 проценти), easyJet (91,28 проценти) и Norwegian (90,95 проценти).

Цените на становите пораснале за 40 отсто досега и поскапувањето ќе продолжи, тврдат претставниците на градежните комори. Зголемувањето на цената било поради растот на цените на градежните материјали, трендот на зголемување на платите во градежниот сектор кој влијае на зголемување на цената на крајниот производи, како и на ограничување на понудата, што, како што велат, се јавува како последица на мораториумите за градење и суспендирањето на деталните урбанистички планови, пренесува МИА.

Градежната фела на крајот на минатата годината испорача барања до Владата за антикризни мерки заради порастот на цените на градежните производи и репроматеријалите при јавните набавки, каде е пропишана фиксна цена во тек на изведба и јавните набавки и каде единствен услов за нејзино добивање е најниската цена.

„Во моментов зголемените цени на градежните материјали се одразуваат во голема мерка и ќе се одразат уште повеќе на цената на становите. Во моментов се многу оштетени компаниите кои работат на јавни набавки во кои главен норматив за добивање на јавната набавка е минимална цена. Проблем се и јавните набавки каде е пропишана фиксна цена за целото време на траење на проектите. Мораториумите за градба во Скопје и поскапувањето на цените на градежните материјали си го направија своето и сега становите поскапуваат. До каде ќе одат поскапувањата зависи од многу фактори, а пред се од куповната моќ на граѓаните и од исплатливоста за градба во одредени подрачја, изјави Андреа Серафимовски, претседател на Здружението на градежништво, индустрија на градежни материјали и неметали при Стопанската комора.

Според претседателот на Градежната комора при Стопанската комора на Северозападна Македонија Салим Хасани, градежните компани во периодот на ковид-пандемија, иако со намален интензитет  работеа со позитивни биланси, но поголемиот развој зависи од отворањето нови инвестиции за стандардни градби, кои се неопходни да ги има во континуитет.

– Сè помалиот број локации не оди во прилог на развојот на оваа многу важна гранка на економијата. Енормното покачување на цените на речиси сите компоненти од градбата кај инвеститорите создава резерви при планирање на идните градби, прашање е дали куповната моќ ќе може да го следи овој тренд на пораст на цени. И по логика, ако имаме намален број градби, ќе имаме поскапување на цените на становите, а од друга страна, намалување на обемот на работа за градежниците. А со тоа и неможност да ја задржиме работната сила, која секој ден ни бега во странство. Така што, наша сугестија е да се отворат што повеќе можности за градба, ќе биде подобро за сите, ќе имаме поголем развој, вбризгување повеќе пари во економијата, поевтини станови и поквалитетно живење, изјави Хасани.

Ивица Јакимовски, претседател на  Градежната комора при Сојузот на стопански комори, пак, вели дека градежниот сектор е подготвен да го промени трендот,  со цел да се излезе во пресрет на потребните на граѓаните, доколку се создадат услови за да може да почне со засилена деловна активност.

Податоците од Регистарот на цени и закупнини на Агенцијата за катастар на недвижности, покажуваат дека побарувачката за недвижности за време на пандемијата се одвива како и претходно. Најголем обем на трансакции, вклучувајќи и најголем број продадени станови има во главниот град, во општините Центар, Карпош, Аеродром. Цените се движат во  зависност од побарувачката и на поатрактивните локации се повисоки. Се зголемија и цените на становите во подрачјата со помала трансакциска активност поради порастот на цените на градежните производи, услугите, суровините.

Регистарот на цени и недвижности покажува дека во третиот квартал лани имало 9.231 трансакција, значително повеќе во однос на претходните два квартала кога имаше околу 7.500, што се исто така поголеми бројки во однос на претходната прва пандемиска година. Од 9.231 трансакција, 7.277 биле продажби на недвижности, а 1.954 закупи на недвижен имот.

Во третиот квартал годинава, според податоците на Народната банка, недвижностите поскапеле за 5,9 отсто. Во првиот квартал зголемувањето изнесуваше 3,2 отсто, а во вториот 4 отсто. Според тврдењата на приватните инвеститори, квадратен метар станбена површина се продава и до 1.500 евра во општини како Центар и Карпош.

Статистичкиот годишник на Државниот завод за статистика покажува дека во 2020 година биле изградени 4.077 станови,  а во 2019 година 6.069 , односно помалку за 32 проценти.. Во 2018 и 2017, пак, биле изградени 5 436, односно 5 622. Во 2020 година биле издадени 2983 одобренија за градење, од кои во високоградбата 1 596, а 394 во нискоградбата

Извор МИА

Паметните телефони и интернетот сменија речиси сè, вклучувајќи го и нашето помнење. Со неограничен број на информации на дофат, не е изненадување што нашата способност да помнење започна да атрофира.

Без разлика дали учите нов јазик или само се обидувате да го запомните кодот за пристап до вратата од вашата канцеларија, постојат неколку трикови кои можат да ви помогнат поефикасно да ги запомните информациите.

За понапорни задачи, визуелизирајте делови од местото каде што се наоѓате (на пр. собите од вашиот дом). Оваа техника ги користи вашите вештини за навигација и просторна меморија за да ви помогне да се потсетите на делови од информации на линеарен начин.

Една техника која може да ви помогне да запомните списоци се нарекува поврзување или асоцијација. Со ментално поврзување на ставките од линијата една со друга на креативен начин, ќе имате поголема веројатност да запомните отколку ако едноставно сте се обиделе да ја запаметите листата на памет.

Покомплексните информации - на пример долги броеви - полесно се запомнуваат кога ги делиме на делови. Познат пример за „делење“ е начинот на форматирање на телефонските броеви.