Обично слушаме за баратели на работа кои лажат за време на процесот на вработување. Всушност, истражувањето на една компанија  откри дека 78% од кандидатите се претставиле погрешно. Сепак, како што можеме да видиме, некои работодавци се подготвени да го сторат истото.

Земете го за пример вработениот кој при потрага на работа, голем фактор за него била можноста за работа од дома, што со оглед на моменталната состојба во јавното здравство е прилично разбирливо. Така, кога тој добил понуда за работи од далечина , тој со задоволство ја прифатил.

Но, на неговиот прв ден, тој дознал дека дефиницијата на компанијата и неговата дефиниција за „работа од дома“ е многу различна. Откако тој го известил шефот дека ќе работи од дома, а не од канцеларија, шефот започнал да му ги набројува условите за работа кои не вклучувале работа од дома, по што вработениот решил да даде отказ веднаш.

Ако вашата работа се покаже дека не е она што ви било ветено, треба да почекате додека не се оладат вашите емоции, а потоа да соберете повеќе информации поставувајќи му прашања на вашиот менаџер како: „Дали се согласувате дека ова е различно од очекувањата поставени со мене пред да ја преземам оваа улога?“ и „Кога ви треба да ја направам оваа промена и колку долго?“

Директорот на ЈСП Скопје, Иван Илиевски во текот на вчерашниот ден информираше повеќе за новиот хартиен билет, кој во текот на месецов треба да биде во употреба за граѓаните.

Со новиот хартиен билет, кој ќе се продава во билетарниците, ќе биде даден на користење и на хотелите, туристичките агенции и ќе си најде широка примена во градот. Ќе важи од 5 часот наутро до 12 часот на полноќ и ќе биде неограничен, односно ќе важи за сите линии. Неговата цена ќе биде 120 денари, изјави Илиевски во емисијата „Утрински брифинг“.

Според него, оваа цена е поевтинување од претходниот електронски билет кој можеше да се користи преку електронски паричник и чинеше 270 денари.

Станува збор за билет за повеќекратно користење во текот на денот што значи поевтинување на превозот за оние кои имаат потреба од негово користење – информираат од ЈСП.

Ова значи дека со користењето на овој хартиен билет цената на возење ќе поевтини околу сто проценти. Овој билет е наменет за сите граѓани и за луѓето од внатрешноста кои не користат „Скопска“ електронска картичка, посочи Илиевски.

Општина Тетово информира дека од денеска почнува да се наплаќа зголемен износ доколку неправилно паркирано возило биде подигнато од „пајак” – службата, а за две недели ќе биде поскапо и зонското паркирање.

-Казната за подигнување на возилото со „пајак” ќе биде 1.300 денари, додека за преместено возило 1.800 денари. Ве молиме за разбирање и истовремено ве замолуваме да се придржувате на сообраќајните правила како би придонеле заеднички да делуваме за зачувување на редот и мирот на сообраќајниот хаос во градот, велат од Општина Тетово.

Од 28 јануари ќе почне да важи Одлуката на Советот за повисоки цени за зонско паркирање. Цена за зона А ќе биде 40 денари за еден час, додека во зона Б 30 денари. Во затворените паркинзи годишна карта ќе изнесува 3.000 денари.

Информационите табли се во изработка, истите ќе бидат поставени кога ќе се подобрат временските услови за нивна целосна замена, соопштија од Општина Тетово.

Градоначалникот Биљал Касами вчера на прес-конференција презентираше план за проширување и зголемување на паркинг местата во градот. Се планираат повеќе места за зонско паркирање, нови затворени паркинзи и катни гаражи.

Согласно јавниот повик од 600 до 800 денари пониски сметки за струја ќе добијат над 7.500 домаќинства со ниски приходи во период од 12 меесеци. За оваа мерка се обезбедени 60 милиони денари.

На сајтот на Министерството за економија објавен е јавниот оглас за финансиска поддршка за лицата со ниски примања за плаќање на сметките за струја.

Доделувањето на финансиска поддршка е за лицата со ниски примања во 2022 година, чии редовни месечни примања во домаќинството не го надминуваат нето приходот од 30.000 денари и тоа за:

самец до 15.194 денари; домаќинство со два члена до 18.000 денари; домаќинство со три члена до 21.000 денари; домаќинство со четири члена до 25.000 денари; и домаќинство со пет члена и повеќе до 30.000 денари.

Заинтересираните лица ќе треба да испратат барање за искористување на финансиската поддршка, кое може да се обезбеди на интернет страната на Министерството за економија или да се подигне во архивата на ова министерство.

Покрај барањето, граѓаните ќе треба да достават изјава заверена на нотар со која се потврдува дека целокупната приложена документација кон барањето е точна и веродостојна, како и потврда од работодавецот за висината на исплатена плата во 2021 година или извештај од банка за уплатени пензиски примања од Фонд за ПИОМ (чек за пензиски примања) за висината на исплатената пензија во 2021 година и извод од банка за сите трансакциски сметки за 2021 година за подносителот и на членовите на домаќинството.

Воедно, треба да се поднесе и потврда од Агенцијата за вработување на Република Северна Македонија со која се докажува дека членовите на домаќинството не се вработени, доколку истите не се вработени и/или потврда од Фонд за ПИОМ дека членот на домаќинството не е примател на пензија, доказ за членовите на домаќинството на барателот во фотокопија (лична карта за полнолетни лица, извод од родени за малолетни лица, извод од венчани, потврда за развод или пос*ртница за член од домаќинството) и фотокопија од последната добиена сметка за 2021 година за потрошена електрична енергија во домаќинството.

Лицата со ниски примања кои живеат сами доставуваат изјава заверена на нотар со која потврдуваат дека живеат сами и со која се потврдува дека целокупната приложена документација кон барањето е точна и веродостојна.

Рокот за аплицирање по овој јавен оглас изнесува 30 дена сметано од денот на објавување на јавниот оглас.