Промовирани огласи »

Австриската влада денеска го претстави нацрт-законот со кој од февруари се воведува задолжителна вакцинација во таа земја.

Австрискиот канцелар Карл Нехамер најави дека задолжителната вакцинација ќе стапи на сила на почетокот на февруари, а преодната фаза без казни ќе трае до средината на март.

Од 16 март, како што беше речено на прес-конференцијата, ќе следат казни за оние кои не се вакцинирани.

Во Австрија обврската за вакцинирање ќе важи за сите граѓани на возраст над 18 години, а од оваа мерка се изземени бремените жени и сите лица кои не можат да се вакцинираат од медицински причини.

Предлог-законот предвидува казни од 600 до 3.600 евра.

Нехамер изрази уверување дека предлог-законот ќе биде усвоен во парламентот, бидејќи се работи за тема која се однесува на општото здравје.

Ние не сме поединци кои живеат одвоени едни од други, ние сме општество, подвлече тој.

Нехамер рече дека не станува збор за борба против вакцинираните и невакцинираните или за форма на дискриминација, туку за заштита на граѓаните.

Обврската за вакцинација се воведува во три фази.

Од почетокот на февруари до 14 март ќе се спроведе првата, преодна фаза, при што дописно ќе бидат информирани сите домаќинства за мерката.

Потоа, во втората фаза статусот на вакцинација станува, како што истакна, предмет на контрола.

Ако некој се најде без вакцинација, мора да смета на извештајот, а рамката за глоба е од 600 евра по скратена постапка до 3.600 евра во подолга постапка, доколку лицето поднесе жалба.

Владата потоа ќе ги одреди датумите кога ќе ја анализира листата на вакцинирани и повторно ќе го поднесе барањето за вакцинација до невакцинираните лица.

Доколку биде потребно поради епидемиолошката состојба ќе стапи на сила и третата фаза која предвидува Владата да го определи датумот до кој сите мора да се вакцинираат, а врз основа на изводот од регистарот на вакцинирани сите кои не биле вакцинирани ќе биде казнети.

„Вакцината штити и ги штити нашите сограѓани“, подвлече министерот за здравство Волфганг Микштајн.

Австрискиот парламент се очекува во четврток да го усвои законот со кој се воведува задолжителна вакцинација.

Предлог-законот однапред ќе помине на комисијата за здравство.

За донесување на законот е потребно просто мнозинство, со кое располага владејачката коалиција на Народната партија на Австрија (ОВП) и Зелените, а поддршка најавија и опозициската Социјалдемократска партија (СПО) и Неос.

Партијата на слободата на Австрија (ФПО) целосно го отфрла овој закон, а таа партија во неколку наврати, последен пат на протестите во сабота, јасно изјави дека нема да ја почитува задолжителната вакцинација.

Промовирани огласи »

Еден маж од Париз ја тужел својата компанија во која работел затоа што работата му била здодевна, а тој се чувствувал како да не ја заработувал платата. Сега компанијата треба да му исплати 40.000 евра бидејќи судот пресудил во негова корист.

Во 2014 година, Фредерик Деснард се вратил да работи за францускиот производител на луксузни парфеми „Interparfums“, по 7 месеци боледување. Како што навел неговиот адвокат, тој бил на боледување поради епилептичен напад кој го доживеал додека возел, што резултирало со несреќа поради која бил неколку дена во кома, пишува „Felix Magazine“.

Иако бил вреден работник, по враќањето од боледување компанијата наводно потполно го занемарила. Тој своето време го поминувал „извршувајќи обврски“ за директорот на „Interparfums“. Работел од 20 до 40 минути дневно и никому не му било гајле дали ќе се појави на време и тоа траело 4 години.

Немав повеќе енергија за ништо. Се чувствував виновен и се срамев што не заработував плата, а ја добивав. Имав впечаток дека сум невидлив во компанијата, изјавил Фредерик Деснард на суд.

Виктор Билебо, адвокатот на Деснард, рекол дека постои поврзаност помеѓу работата и влошувањето на неговото здравје. Адвокатите на компанијата во одбраната тврделе дека Деснард никогаш не кажал ништо за тоа дека му е здодевно.

Во 2020 година, Деснард поднел тужба до судот за работни односи и барал отштета од 360.000 евра. Иако компанијата тврдела дека тој никогаш не поднел жалба, судот се согласил дека „занемарувањето е форма на вознемирување“, а пресудата била потврдена на крајот на 2020 година од Апелациониот суд во Париз.

Промовирани огласи »

АД ЕСМ ги поздравува мерките кои ги преземаат Владата и Регулаторната комисија за енергетика (РКЕ) за надминување на кризата со снабдување со електрична енергија и на кризата со снабдување со топлинска енергија.

Согласно Уредбата донесена на вчерашната седница на Владата во врска со кризата настаната во снабдувањето со топлинска енергија и дополнителните одлуки кои ќе следуваат, АД ЕСМ ќе го преземе раководењето со БЕГ до завршувањето на кризата со снабдување со топлинска енергија. Преземањето на управувањето со трите субјекти на БЕГ, (Производство, Дистрибуција и Снабдување) и со топлификација АД Скопје Север се очекува во текот на претстојната недела, откако АД ЕСМ ќе ги добие потребните одлуки и задолженија од страна на Владата, информираат од компанијата.

Од ЕСМ посочуваат дека во меѓувреме потпишале договор со Друштвото за производство на електрична и топлинска енергија ТЕ-ТО АД Скопје. „Со тој договор ТЕ-ТО ќе го зголеми обемот на производство на електрична и на топлинска енергија, односно ќе работи со максимален капацитет, седум дена во неделата наместо пет дена како досега и ќе го исполнува максимално инсталираниот капацитет од 227 мегавати.

Електричната енергија ќе ја презема АД ЕСМ, додека зголеменото количество топлинска енергија кое произлегува од процесот ќе се испорачува кон БЕГ и Скопје Север, односно во топлинската мрежа во градот Скопје“, се објаснува во соопштението.

Греењето во Скопје нема да се исклучува во вечерниот термин до 22 часот како што беше утврдено досега, туку топлинска енергија за корисниците ќе се испорачува до 1 часот по полноќ.

До денот на преземањето на БЕГ од страна на АД ЕСМ, сите трошоци за испораката на греењето во Скопје ќе ги сноси ТЕ-ТО.

Промовирани огласи »

Поранешниот вицепремиер за економски прашања Кочо Анѓушев оценува дека цената на електричната енергија на берзите долгорочно ќе се стабилизира од 80 до 120 евра за мегават час. Во интервју за МИА вели дека во текот на цела 2022 година нема да ја поминеме со помал просек од 150 евра, можеби малку ќе се стабилизира во 2023 година и ќе падне до 120 или 130 евра, но повеќе нема да видиме цени под 80 евра по мегават час.

На прашањето дали беше неопходно укинувањето на дневната евтина тарифа на струјата , Анѓушев посочува дека доколу тоа не де случи, тогаш ќе се покачи цената на струјата.

Пресметката на цената на електричната енергија е една формула во која влегуваат повеќе компоненти. Ако останеше евтината тарифа веројатно, а притоа Владата имала одреден волумен на пари или одредена сума на пари коишто планирала да ги потроши за субвенционирање, во тој случај тие 9,48 отсто покачување ќе беа повисоки. Значи на крајот на краиштата сето тоа се сведува на тоа колку дома ќе произведете енергија и по која цена ќе ја продадете, колку енергија ќе увезете. Цената е микс на тие компоненти. Ако го гледаме чистиот микс веројатно покачувањето требаше да биде 30-40-50 проценти. Е сега, од тоа реално покачување до покачување од 10 проценти е субвенција на државата која што ја дава во цената и тоа е равенка со неколку непознати во коишто ако евтината тарифа не ја укинете тогаш повеќе ќе ја покачите цената на струјата и обратно.

Повеќе вести...
барај огласи за вработување » барај останати огласи »