Дали некогаш сте имале чувство дека поминувате повеќе време на работа отколку дома? Тогаш размислете за работниците на „General Motors“ во Кина кои воопшто не одат дома - тие буквално спијат на подот од својата фабрика.

Вработените во погонот на „General Motors“ (GM) во Шангај биле замолени да спијат во фабриката за да се овозможи постројката да остане отворена со почитување на моменталните противепидемиолошки мерки поради пандемијата на коронавирусот. Како што известува „Reuters“, работниците спијат, живеат и работат во фабриката и во целост се изолирани од остатокот од населението за да се спречи пренесување на вирусот, слично како што тоа го правеше персоналот на неодамна одржаните Зимски олимписки игри во Пекинг.

Локдаунот во Шангај им предизвика проблеми на неколку автомобилски произведувачи и индустриски доставувачи, вклучувајќи ја „Tesla“ која има историја на кршење на американските правила за пандемијата, но оваа недела го стопираше производството во Кина на 4 дена бидејќи не успеа да го реализира истиот план како „GM“.

Фабриката во Шангај е дел од заедничката компанија на „GM“ и кинескиот „SAIC“ и моментално произведува автомобили од марката „Buick“, „Chevrolet“ и „Cadillac“.

Кога „AutoNews“ побарал од „General Motors“ да го искоментира извештајот кој потекнува од информации од две лица запознаени со ситуацијата во фабриката, компанијата одбила да коментира, велејќи само дека производството на возила продолжува со вообичаеното темпо.

Се чини дека порастот на бројот на случаи на Ковид-19 ширум Кина исто така ќе ги присили организаторите на Саемот за автомобили во Пекинг да го откажат настанот следниот месец. Оваа манифестација треба да започне на 21-ви април и иако досега нема официјална потврда дека терминот е променет, „AutoNews China“ известува дека саемот би можело да биде поместен за јуни.

Од денеска се укинува вонредната пандемиска состојба во Бугарија, а некои антиепидемиски мерки се уште остануваат.

Како што јави дописникот на МИА од Софија, од денеска се укинува барањето за задолжително носење заштитни маски во затворени јавни места, одржување физичка дистанца, за ограничување на бројот на лица кои можат истовремено да бидат во затворен простор, како и за забрана за посета во болниците.

Носењето заштитни маски останува пожелно за места каде што се собираат многу луѓе.

Од денеска до 15 мај 2022 година, сите лица, без разлика од која земја доаѓаат во Бугарија, ќе треба да приложат валиден дигитален сертификат на ЕУ за вакцинација, за прележаност на болеста, тест или сличен документ што ги содржи истите податоци. Лицата кои нема да достават барем еден од овие документи ќе бидат примени на територијата на Бугарија, но ќе бидат ставени во 10-дневен карантин.

Васко Ковачевски, генералниот директор на АД ЕСМ, денеска ги презентираше ставките за кои беа потрошени 171 милиони евра од Владата за време на енергетската криза и кризата со снабдување на топлинска енергија од крајот на минатата година па до денеска.

Најмногу пари - околу 72 милиони евра му се исплатени на когенеративната централа ТЕ-ТО. Од оваа сума, 65,9 милиони евра се исплатени за откупената електрична енергија од 300 гигаватчасови, додека 5,87 милиони евра се платени за гас, односно за топлинска енергија за парно-греење.

За набавената електрична енергија од странство заради покривање на загубите се исплатени 34,43 милиони евра од 127 гигаватчасови. На операторот МЕПСО за повлечена енергија му се префрлени 12 милиони евра.

За набавка на мазут за потребите на ТЕЦ Неготино, термоцентралата која беше стартувана по долги години пауза, се платени 31,72 милиони евра во текот на грејната сезона за 53 илјади тони.

Во делот на набавка на јаглен од приватни компании надвор од рудниците кои што се во сопственост на АД ЕСМ очигледно имало дебакл, затоа што се потрошени само 2,8 милиони евра.

- Изминатите седум месеци беа најтешките во историјата на АД ЕСМ. Обезбедивме да нема ниту еден ден рестрикции на струја и да нема намалено снабдување на електрична енергија. 

193 милиони евра ќе имавме добивка, доколку останатите 40 отсто, кои инаку не сме должни да му ги продадеме на универзалниот снабдувач, ги продававме на слободниот пазар, рече Ковачевски.

Тој додаде дека денеска завршуваат договорите со ТЕЦ Неготино и АД ТЕ-ТО.

Во текот на изминатата недела со специјалните возила пајак се отстранети вкупно 167 возила од зелени и јавни површини во Град Скопје. 

Непрописно паркираните возила се отстранети по налог на сообраќајната полиција по основ на сторени прекршоци за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

Јавното претпријатие Градски паркинг апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.

Корисниците на услугите за паркирање, навреме да го регулираат плаќањето за паркинг-услугата да избегнат глоби и дополнителни трошоци. Плаќањето за паркинг услугата може да се изврши преку СМС порака или со картичка, посочуваат надлежните.