Регулаторната комисија за енергетика донесе одлука за новата цена на горивата која ќе важи од полноќ.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,00 ден/лит, додека малопродажната цена на ЕУРОДИЗЕЛ (Д-Е V) се намалува за 2,00 ден/лит.

Малопродажната цена на Екстра лесното масло за домаќинство (ЕЛ-1) не се менува.

Малопродажната цена на Мазутот М-1 НС се намалува за 1,127 ден/кг и сега ќе изнесува 51,535 ден/кг.

Од 12.4.2022 година од 00:01 часот максималните цени на нафтените деривати ќе изнесуваат:

• Моторен бензин ЕУРОСУПЕР БС – 95 80,00 (денари/литар)
• Моторен бензин ЕУРОСУПЕР БС – 98 82,00 (денари/литар)
• Дизел гориво ЕУРОДИЗЕЛ БС (Д-Е V) 80,00 (денари/литар)
• Масло за горење Екстра лесно 1 (ЕЛ-1) 78,50 (денари/литар)
• Мазут М-1 НС 51,335 (денари/килограм) 
•  

Сите невакцинирани ќе можат слободно да влезат во земјата без негативен брз тест, а од септември повторно ќе се воведе брз тест, пишува грчкиот портал Енимеротико.

Од Делфи, каде што се одржува 7. Економски форум, министерот за здравство Танос Плеврис најави дека укинувањето на мерките ќе важи од мај до крајот на летото.

Тоа практично значи дека на невакцинираните нема да им требаат тестови за да седат на отворени простори во баровите, кафулињата, рестораните и ноќните клубови, а оваа мерка ќе трае во текот на летото.

Според министерот за здравство, нивното враќање во суштина ќе биде за четири месеци и додаде дека „не ја игнорираме пандемијата, туку влегуваме во нова регуларност со укинувањето на рестрикциите, но сепак ќе бидеме подготвени за есен и вакцинација“.

Информациите велат дека Комисијата расправала летото да се помине без ограничувања и само со самотестирање, без обврска за молекуларен или брз тест. Во секој случај, процесот ќе се одвива чекор по чекор.

Се чини дека овој Велигден, Грците ќе го поминат со мерките кои се се уште на сила, бидејќи пресвртница за донесување одлука е 2 мај.

Затоа, на Страсната, но и следната недела, ќе биде потребно целосно вакцинираните со три дози да покажат потврда за вакцинација, за да можат да влезат во затворените простории во локалите, но и во малопродажба, додека оние кои се уште се сметаат за невакцинирани се исклучени од внатрешниот простор и им треба негативен брз тест.

Основните и средните училишта и од утре, за кога е најавен штрајкот од страна на раководството на Синдикатот за образование, наука и култура – СОНК, ќе продолжат да работат, односно ќе примаат ученици и ќе организираат воспитно – образовен процес, информира Министерството за образование и наука (МОН).

Правната регулатива во оваа област ги штити интересите и на учениците. Согласно законите за основно и средно образование, воспитно – образовната работа мора да се реализира во текот на целата наставна година. Прекин не смее да има, освен во услови на вонредни околности како постоење на кризна состојба, прогласена епидемија, односно пандемија, пожари, поплави или други големи природни непогоди, за што одлучува Владата и го уредува начинот на организирање и реализирање на наставата до крајот на учебната година, прецизираат од МОН.

Како што нагласуваат, училишните раководства имаат законска должност да го организираат воспитно – образовниот процес и да овозможат продолжување на континуитетот на следење на настава во училниците, кој беше воспоставен откако по година и половина едукација на учениците во вонредни околности и услови на пандемија, тие повторно се вратија во училишните клупи, каде што впрочем им е местото.

Сите предучилишни установи ќе продолжат да ја обавуваат својата дејност – згрижување и воспитание на децата и во деновите на најавениот штрајк, како и до сега, информира Министерството за труд и социјална политика (МТСП).

Во согласност со Конвенцијата за правата на детето, одредбите во Уставот на Република Северна Македонија и Законот за заштита на децата, неприкосновено право на децата е да им биде пружено згрижување и воспитание во предучилишни установи како облик на заштита на децата. Согласно Законот за заштита на децата, во предучилишните установи за деца, вршењето на дејноста згрижување и воспитание на деца од предучилишна возраст не смее да се прекинува освен за вонредни состојби (природни непогоди, епидемии и друго), за што решава основачот, а по претходна согласност од Министерството за труд и социјална политика, но не и за време на штрајк, велат од МТСП.

По повод најавениот штрајк од страна на СОНК и во предучилишните установи, кое е загарантирано право на работниците согласно со Уставот, посочуваат дека при остварувањето на правото на штрајк вработените се должни да обезбедат непречено згрижување и воспитание на децата од предучилишна возраст.

Нагласуваат дека за Министерството за труд и социјална политика, грижата за најмладите, децата е приоритет, а заштитата на нивните права, наша заедничка одговорност.