Според најновите податоци на компанијата „Henley and Partners“ која од 2006 година ги рангира пасошите од 199 земји, затворањето на воздушниот простор поради кризата во Украина и отворање на границата за украинските бегалци почнало да влијае на глобалните патувања.

Во извештајот се напоменува дека ситуацијата меѓу Русија и Украина се покажала како строг потсетник на променливоста на светот, начинот на кој конфликтот може да доведе до масовно раселување и колку точно нечиј пасош може да има влијание на нечија положба.

На врвот на листата традиционално се наоѓаат Јапонија и Сингапур, додека пак на дното се наоѓа Авганистан чии државјани можат да патуваат во само 26 земји од светот без претходно издавање виза.

Македонскиот пасош се наоѓа на 44-то место, а што се однесува од земјите во нашето опкружување, Хрватска се наоѓа на 17-то место, Црна Гора на 45-то место, Босна и Херцеговина на 49-то место, а Србија е на 37-то место.

Листата на најмоќни пасоши изгледа вака:

1. Јапонија, Сингапур

2. Германија, Јужна Кореја

3. Финска, Италија, Луксембург, Шпанија

4. Австрија, Данска, Холандија, Шведска

5. Франција, Ирска, Португалија, Велика Британија

6. Белгија, Нов Зеланд, Швајцарија, САД

7. Австралија, Канада, Чешка, Грција, Малта

8. Унгарија

9. Литванија, Полска, Словачка

10. Естонија, Лaтвија, Словенија

Од денеска, понеделник (11.04.2022година) во билетарниците и центрите за персонализација на ЈСП Скопје пуштен е во продажба дневен билет кој чини 120 ден и важи за повеќекратно користење на сите линии во текот на еден ден.

Новиот тип на билет важи од 05 до 24 часот, со можност за неограничен број возења, односно преседнувања на сите линии(градски и приградски).

Патникот има обврска да го валидира билетот на постоечките валидатори во секое возило во кое ќе преседнува. Билетот се воведувасо цел да се овозможи подостапно и полесно користењето на јавниот превоз на оние патници кои имаат потреба од повеќекратно користење на јавен превоз во текот на еден ден, а не поседуваат електронска картичка „Скопска“ (туристи, граѓани од внатрешноста, граѓани кои инцидентно имаат потреба од јавен превоз и слично).

Новата услуга, новиот билет е согласно Одлуката на Совет на Град Скопје за изменување и дополнување на Одлуката за Интегриран тарифен систем во линискиот превоз во градот Скопје со цел унапредување и олеснување на услугите на корисниците на јавниот градски и приградски превоз.

Цената на сите останати билети останува иста.

До крајот на годината се очекува поскапување на различни прехранбени производи, а американското Министерство за земјоделство во својата прогноза наведе за која храна станува збор.

Според Стејт департментот на САД, цените на храната во февруари 2022 година биле за 7,9% повисоки отколку во февруари 2021 година, а како главна причина за зголемувањето на цените се наведува конфликтот во Украина.

Поради пореметувања во синџирот на снабдување, но и климатските промени, подолу е списокот на храна која би можела да поскапи до крајот на годината.

Масти и масла – Се очекува мастите и маслата да поскапат за 6 до 7%. Свежо овошје – Се очекува поскапување од 5 до 6%.

Свеж зеленчук – Се очекува зголемување од 1 до 2%. Преработено овошје и зеленчук – Се очекува зголемување од 4,5 до 5,5%.

Шеќер и слатки – Се очекува поскапување од 3 до 4%. Житарици и пекарски производи – Се очекува зголемување од 3 до 4%.

Безалкохолни пијалоци – Се очекува поскапување од 3,5 до 4,5%.

Луѓето со ниски примања се изложени на поголем ризик од висок крвен притисок, со што се зголемуваат шансите за развој на здравствени проблеми како срцеви заболувања и инфаркт.

Научниците истражувале податоци за здравјето на пет илјади луѓе на возраст меѓу 25 и 65 години. На почетокот на истражувањето тие имале низок крвен притисок и немале проблем со срцето. Истражувањето траеше шест години.

Во овој период стручњаците утврдиле дека кај луѓето со ниски примања е зголемено нивото на крвен притисок. Особено се изразени срцевите проблеми кај жените на возраст меѓу 25 и 44 години.

Луѓето со ниски примања се повеќе склони на стрес, што го зголемува ризикот од проблеми. Еден начин за ублажување на непријатните симптоми е долгиот сон меѓу 7 и 8 часа.

Истражувачите советуваат луѓето со низок личен доход да слушаат класична музика и да јадат банани што се богати со калиум.