Приказната за Webhelp започнува во 2000та година, кога Оливие Духа, кој сè уште ја води Webhelp денес, соработуваше со Фредерик Жусе за да го основа Webhelp. И двајцата почнаа да обезбедуваат неверојатни искуства на клиентите во дигиталниот свет. Webhelp се разликува по својот револуционерен деловен модел кој користи онлајн и дигитална технологија, уникатен дизајн на решенија и одлични вештини на своите луѓе да создаваат интеракции со клиентите и со тоа да успеат во градењето лојалност.

Во првите 5 години, успехот се зголеми на францускиот пазар преку мултидисциплинарен пристап. Во 2010 година, Webhelp веќе беше присутен во 5 земји нудејќи широк спектар на нови услуги за својата растечка база на клиенти. Webhelp отвори нови локации за своите клиенти и пречека многу нови членови во семејството преку понатамошни активности, вклучувајќи го и проширувањето во Северна Европа и Велика Британија. 

Денес, како европски лидер, Webhelp продолжува да го развива опсегот на услуги. Webhelp е партнер за деловни решенија кој опслужува над 500 брендови. Во секој случај,на својот пат кон глобално лидерство, стана бр. 1 лидер во Европа. Како страсен менувач на играта, Webhelp продолжи да чекори по патот на иновациите одржувајќи ја својата единствена култура. Webhelp од ноември 2019 година е во сопственост на неговото раководство и Groupe Bruxelles Lambert (Euronext: GBLB), водечка глобална инвестициска холдинг компанија.

Некои кратки и фасцинантни бројки за Webhelp:

• Над 100.000 вработени

• Над 140 националности

• Над 200 локации и канцеларии

• Присутни во 55 земји

• На 90 пазари

• Над 80 јазици

• Над 1.300 клиенти во над 20 сектори (индустрии)

Кое е мотото на компанијата и која е главната идеја на постоењето?

1. Мисли човечки!

2. Ние сме компанија која луѓето ги става на прво место

3. Ние го ставаме нашиот клиент во срцето

4. Ние сме страсни менувачи на играта

5. Се стремиме да уживаме во секојдневието

Кои услуги ги дава Webhelp?

Webhelp развива, имплементира и оптимизира незаборавни интерперсонални искуства на клиентите за денешниот дигитален свет - и на тој начин создава извонредни патувања на клиентите. Од продажба до услуги и умереност на содржината до управување со кредити - ние сме ваш партнер од крај до крај за сите односи меѓу бизнисите и клиентите и бизнисите и бизнисите. Повеќе од 100.000 страсни вработени во повеќе од 55 земји се посветени на највозбудливите брендови во светот.

Какви луѓе бара Webhelp во моментов?

Webhelp главно бара советници за грижа за корисници, кои:

• Зборуваат германски јазик на ниво B2+-C1

• Флексибилни 

• Зборуваат и англиски јазик

• Имаат искуство во call center центар

• Имаат познавање од компјутери

За да аплицирате за работа во Webhelp, нивниот активен оглас за вработување може да го видите ТУКА

Градот Скопје во понеделник ќе го објави јавниот повик за субвенционирање на граѓаните за набавка на високоефикасни инвертер клима уреди за затоплување за 2022 година, а граѓаните ќе може да аплицираат онлајн.

На повикот може да аплицираат лица што набавиле инвертер клима уреди почнувајќи од 01.01.2022 година и се жители на Град Скопје (општини Гази Баба, Аеродром, Кисела Вода, Карпош, Чаир, Шуто Оризари, Центар, Ѓорче Петров, Бутел и Сарај) и кои ги исполнуваат предвидените услови.

Повикот ќе биде отворен до 01.11.2022 година или до денот на исцрпување на средствата. Јавниот повик ќе се реализира по редослед на аплицирање, односно по дата и време на аплицирање и по испратена потврда за предадена печка.

Согласно условите од јавниот повик граѓаните за да добијат субвенции за инвертери ќе треба доброволно и без надомест да ги предадат постојните печки на дрва, јаглен, нафта или мазут.

Средствата што Градот Скопје ќе ги субвенционира се во нето износ не повеќе од 62.000 денари. На Јавниот повик немаат право на учество жителите (домаќинствата) кои имаат станбен објект со приклучок на градско централно греење без оглед на тоа дали го користат, како и лица кои претходно добиле субвенции за набавка на печки на пелети или инвертери.

Документацијата потребна за онлајн аплицирање ќе биде објавена во понеделник на интернет страната на Град Скопје www.skopje.gov.mk, а аплицирањето ќе се врши преку платформата www.uslugi.skopje.gov.mk, која исто така ќе биде активирана во понеделник.

Во Буџетот на Град Скопје за 2022 година за оваа намена се предвидени 24 милиони денари.

Првиот приватен медицински бренд во Македонија, болницата Неуромедика вчера го прослави својот 30-ти јубилеј!

Пред 30 години, во јуни далечната 1992 година, се формираше тим од двајца лекари и една медицниска сестра, означувајќи го почетокот на првата приватна болница во Македонија, Неуромедика. Од тогаш до ден денес, болницата се трансформира во вистински синоним за здравје во Р. Македонија и регионот.

Во оваа прилика Неуромедика се заблагодарува на сите здравствени работници кој низ текот на времето биле дел од лекарскиот тимот на Неуромедика.

Исто така, испраќаат благодарност и до нивните пациенти кој секојдневно им го доверуваат нивното здравје во нивни раце.

Неуромедика е и ќе остане Партнер на Вашето здравје!

Пратениците во Европскиот парламент (ЕП) во средата со мнозинство гласови ја поддржаа забраната за продажба нови возила на бензин и дизел горива од 2035 година, чија цел е забрзување на преминувањето на земјите во Европската унија на електрични возила.

Гласањето беше во рамките на клучните планови на ЕУ до 2030 година да ја намали вкупната емисија на штетни гасови за 55 отсто, во споредба со нивоата од 1990 година, што е цел кој бара побрзо намалување на емисиите во индустријата, енергетиката и транспортот.

Европратеници го поддржаа минатогодишниот предлог на Европската комисија за 100-процентно намалување на емисиите на јаглерод диоксид кај новите автомобили до 2035 година, и од таа година би била оневозможена продажбата на возила на фосилни горива во ЕУ. Беа одбиени предлозите на некои европратеници целта емисиите да бидат намалени на 90 отсто до 2035 година.

Законот сѐ уште не е конечен. Гласањето во средата е само почетокот и само ја потврдува позицијата на ЕП за претстојните преговори со државите членки на ЕИ околу конечната верзија на законот.

Намерата е да се забрза преминувањето на ЕУ на електрични возила и да ги охрабри произведувачите на автомобили повеќе да вложуваат електрификацијата, што дополнително е поттикнато со друг закон кој од државите членки ќе бара да постават милиони станици за полнење на електричните возила.

Да се купува и да се возат автомобили со нулта емисија ќе стана поевтини за потрошувачите, изјави Јан Хуитеме, главниот преговарач задолжен за споменатата политика на ЕУ.

Автомобилските произведувачи, како „Ford“ и „Volvo“ јавно го поддржаа планот на ЕУ со кој би се запрела продажбата на возила со мотори со внатрешно согорување до 2035 година, а други, пак, како „Volkswagen“, настојуваат да престанат да продаваат такви возила од тој датум.

Меѓутоа, електронската пошта во којашто увид имала агенцијата Reuters. Покажува дека интересни групации од автомобилската индустрија, вклучително на влијателното Германско здружение на автомобилската индустрија (VDA), лобирале за отфрлање на целите до 2035 година. Тие групации порачале дека таквиот план ги казнува алтернативните горива со ниски нивоа на емисии на јаглерод и дека е прерано за такво обврзување поради неизвесното воведување на инфраструктурата за полнење електрични возила.

Нашите ставови се транспарентни. Нашата мисија е да се развијат најдобрите решение со сите вклучени, изјави портпаролот на VDA.

Електричните автомобили и „плаг-ин“ хибридните возила сочинувале 18 отсто од новите приватни автомобили продадени во ЕУ минатата 2021 година., но севкупната продажба на автомобили е намалена поради недостиг од полупроводници, покажуваат податоците од Европското здружение на произведувачи на автомобили.

Четвртина од емисиите на гасовите коишто го предизвикуваат ефектот на стаклената градина кои се „обвинети“ за загревањето на планетата, во Европа потекнува од транспортот, а нивото на ткн стакленични гасови во тој сектор последните години пораснало, што ги отежнува напорите да се избегната опасните нивоа на климатските промени.