Нискобуџетната компанија Виз Ер привремено суспендира шест линии од пет пазари во поранешна Југославија, бидејќи авиокомпанијата се бори со недостигот на персонал. Превозникот беше принуден да откаже стотици летови ова лето, а операциите надвор од Обединетото Кралство и Унгарија беа особено погодени. Ќе бидат погодени и услугите на авиокомпанијата од Приштина, Тузла, Љубљана, Белград и Охрид.

Компанијата објави дека ги прекинува своите летови од Дортмунд и Рим до Приштина, а услугите ќе бидат обновени на 2 септември и 2 октомври, соодветно. Слично на тоа, авиопревозникот ги откажа сите свои летови од Тузла до Милано ова лето, кои сега се планирани да бидат обновени на 30 октомври со две неделни ротации.

Меѓу откажаните летови се и од Белгија до Љубљана до 4 септември со што Брисел ерлајнс како единствен авиопревозник што лета меѓу Белгија и словенечкиот главен град, иако и тој ги намалува услугите во текот на јули со 22 наместо 26 летови кои треба да се реализираат во текот на месецот . 

Виз Ер ги прекина услугите од својата база во Белград до Билунд до 31 октомври, по што летовите ќе се извршуваат три пати неделно. 

Дури и летовите кон и од Охрид се погодени, а услугите од Дортмунд се откажани до 2 септември.

Понатамошни промени и откажувања остануваат можни бидејќи авиокомпанијата се бори со недостаток на персонал и голем број членови на кабинскиот екипаж кои земаат боледувања среде новиот бран на коронавирус инфекции низ Европа..

Виз Ер соопшти дека патниците кои се засегнати ќе бидат контактирани преку е-пошта и ќе им се понуди можност повторно да резервираат или да добијат рефундирање. 

За да можеме да избегнеме откажувања и да обезбедиме поточно работење на нашите клиенти, дополнително ја подобривме агилноста и еластичноста на нашата мрежа, вклучувајќи прилагодување на распоредот каде што видовме поголема појава на проблеми, на пример проблеми со распределбата на слотот, тајмингот на пресврт. Севкупно за шпицот летен период очекуваме да ја намалиме искористеноста за дополнителни 5 отсто наспроти планот наведен во резултатите од целата година за да го намалиме влијанието на тековните надворешни нарушувања - истакна превозникот.

Уставниот суд на денешната седница го укина членот 12 од Законот за утврдување стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп – Битола) во Република Северна Македонија („Службен весник на Република Северна Македонија“ бр.163/2021).

Во членот 12 меѓу другото е предвидено дека „работното време на секој работник во текот на целиот циклус на Проектот може да биде во просек 60 часа неделно во текот на годината”.

Уставниот суд донесе одлука за укинување на оспорениот член бидејќи, како што се наведува во соопштението од Судот, тоа е во спротивност со темелната вредност владеење на правото предвидена во членот 8 став 1 алинеја 3 од Уставот,  како спротивен на членот 9 според кој граѓаните пред Уставот и законите се еднакви.

Уставниот суд оцени дека со овој член се повредува правото на дневен и неделен одмор, односно дека е во  спротивност со членот 32 став 4 од Уставот.

Подносители на иницијативите се Сојузот на синдикати на Македонија, СГИПРМ и Здружението за заштита на работничките права „Гласен Текстилец“ од Штип.

И Сојузот на синдикати на Македонија (ССМ) утрово во соопштение до медиумите потсетија дека мора да се зачуваат работниците и работничките права пропишани и загарантирани во Законот за работни односи и Колективните договори утврдени преку социјален дијалог помеѓу Владата, работодавачите и синдикатите.

Белград и Тирана се најскапи во регионот, а Приштина е најевтина. 

Според средногодишниот индекс на „Numbeo“, којшто важи за најголемата светска база за податоци за животните трошоци, како и за квалитетот на животот, Тирана и Белград се двете најскапи престолнини во опкружувањето. Најевтина во регионот е Приштина, а потоа следат Скопје, Подгорица и Сараево. Индексот на трошоците на животот не ги вклучува трошоците за сместување како кирија или хипотека.  Најскапите градови во светот се во Швајцарија, а најниски трошоци за живот имаат градовите во Индија, Пакистан, Шри Ланка и Колумбија. И претходно повеќе истражувања покажаа дека Скопје е еден од најевтините градови во Европа. 

foto Wikipedia/dan

Комисијата за заразни болести в петок ќе одржи состанок на којшто ќе се дискутира за состојбата со коронавирусот во државата, потврдија за МИА од Комисијата. Согласно вчерашната статистика, позитивни се 34 проценти од вкупниот број тестирани, а нема починати лица.

До вчера активни беа 1 889 случаи на коронавирусот. Најмногу активни случаи имаше во Скопје – 1045, додека во Крушево, Демир Капија, Македонска Каменица и Пехчево немаше регистрирани случаи на коронавирусот.

Додека во државата состојбата со КОВИД-19 засега е стабилна, регионот се подготвува за новиот бран на вирусот.

Во Бугарија од понеделник се враќа носењето заштитна маска. Како што изјави за БНР главниот државен здравствен инспектор Ангел Кунчев, Бугарија се соочува со нов бран на Ковид-19 и варијанта на вирус кој се шири многукратно побрзо, со што мора да бидат подготвени за секоја ситуација.

И во Албанија продолжува трендот на раст на нови случаи на КОВИД-19. Во текот на вчерашниот ден беа регистрирани 1 215 случаи на вирусот, или 46,3 отсто од тестираните се позитивни.

Во Австрија драстично се зголемува бројот на новозаразени со коронавирусот и во последните 24 часа се регистрирани 15.149 нови случаи, што е бројка што претходно беше забележана на почетокот на април. Во последните 24 часа починаа девет лица заразени со корона.

Светската здравствена организација апелира дека Ковид-19 сè уште е глобална вонредна состојба, речиси две до две ипол години откако првпат беше прогласена.

Бројот на случаи пријавени во СЗО се зголеми за 30 отсто во последните две недели, иако зголемениот имунитет на населението, главно благодарение на вакцините, значително ги намали хоспитализирањата и смртните случаи“, се вели во соопштението на одборот на СЗО.

Генералниот директор на СЗО Тедрос Аданом порача дека Ковид-19 е далеку од завршен. Додека вирусот не притиска, ние мора да го потиснеме, додаде тој.

Во тек е и вакцинацијата за четврта доза против коронавирусот. Чевртата доза можат да ја примат сите граѓани над 18-годишна возраст кои примиле три дози вакцина против КОВИД-19, на сите вакцинални пунктови без закажување. Вакцинацијата со четврта доза, како што соопшти Министерството за здравство, е предвидено да се спроведува со мРНА вакцина на „Фајзер“ или „Модерна“. Препорачаното растојание меѓу трета и четврта, односно бустер доза е најмалку четири месеци.

Вакцинацијата со четврта доза посебно се препорачува кај хронично болни, пациенти на дијализа, трансплантирани, онколошки пациенти, имунокомпромитирани и пациенти кои примаат имуносупресивна и имуномодулаторна терапија за која било индикација и кај лица над 60 години. Вакцинацијата е најдобра превентивна мерка за заштита од потешка форма на вирусот Ковид-19. Државата располага со доволни количини вакцини, кои се безбедни и ефикасни и ги повикуваме граѓаните да се имунизираат во вакциналните пунктови со вакцина против Ковид-19, со цел да стекнат дополнителен имунитет, велат од Министерството за здравство.