Ова се дел од препораките кои денеска Министерството за здравство и Комисијата за заштита на населението од заразни болести ги упатија поради, како што наведуваат, во нашата држава се забележува зголемување на трансмисија на болеста, но и дека ова е општ тренд што не може да се очекува да не одбегне.

Од Министерството за здравство и Комисијата за заштита на населението од заразни болести посочуваат дека активно ја следи состојбата со блеста во земјата, но и активно ги следи состојбите и на европско и светско ниво.

Затоа, иако во моментот состојбата е релативно мирна, со цел да остане таква Министерството за здравство препорачува внимание и преземање мерки за лична заштита. Ова особено се однесува, но не исклучиво, на постарите лица, лицата кои имаат една или повеќе хронични болести, и сите кои имаат намален имунитет поради која било причина, истакнуваат од министерството.

Препорачуваат доколку граѓаните почувствуваат некои од стандардните симптоми (сува кашлица, температура, болки во грло, болки во мускулите и слично) веднаш да побараат помош од матичен лекар и задолжително да носат маска.

 Во Здравствените домови ширум државата веќе е зголемен бројот на термини за тестирање на пациенти, а само во ЗД Скопје тестирање се врши во пет пункта. Исто така, се уште најефикасна заштита од развој на потешки форми на болеста и хоспитализација останува им*низацијата. Така што, за целосно заштитени се сметаат тиe кои имаат примени две дози и дополнителна, т.е. бустер доза. Сите оние кои не се им*низирале или не го завршиле целиот вак цинален циклус, се препорачува истото веднаш да го направат, а кај оние кои поминале четири месеци од бустер дозата им се препорачува и второ бустирање, порачуваат од МЗ.

Потсетуваат дека на сила е се уште обврската за носење маски во јавен превоз, здравствени установи, аптеки и домови за стари лица.

Собранието со 68 гласа „за“ ги усвои предлог заклучоците поднесени од СДСМ и ДУИ по расправта за Информацијата за содржината на Предлог-преговарачката рамка за пристапните преговори со Европската Унија, предложена од страна на француското Претседателство со Советот на ЕУ.

Со усвоените предлог заклучоци и се даваат насоки на Владата за што може да преговара со Европската унија.

Со заклучоците се бара безусловно почитување на јазичните, идентитетските, културните и историските особености на нмакедонскиот народ. Се задолжува Владата во преговарачката рамка македонскиот јазик да биде наведен без какви било додавки и фусности и во текот на прговорите, владата да не прифати да разговара за поинакво решение за македонскиот јазик од тоа наведено во преговарачката рамка.

На гласањето не присуствуваа пратениците од ВМРО-ДПМНЕ и Левица, а денешната сендица ја следеше и евроамбасадот Дејвид Гир.  

Со уцени и закани 39-годишен Грк и неговите соработници принудувале странски државјани да работат за него и да продаваат крофни на 19 плажи на Халкидики, без при тоа да постои дозвола од надлежен орган, а со оружје и физичко насилство се справувале со конкуренцијата, јави дописничката на МИА од Атина.

Грчката полиција разби криминална група во која освен 39-годишниот, учествувале уште 12 други лица, сите грчки државјани на возраст од 17 до 52 години, а се товарат за изнуди, трговија со луѓе и прекршување на неколку закони.

Како што соопштија од грчката полиција, криминалната група за да биде единствена која продаваат на преполните плажи, користеле методи и практики на уцени, односно во најмалку седум случаи употребиле закани по живот, нанесувале телесни повреди и употребиле огнено оружје против други продавачи на крофни, како и кон сопственици на угостителски објекти на плажите.

Компанијата Fx3x е домашна компанија што веќе 25 години е дел од сите големи филмски проекти на Холивуд.

Со цел поддршка на младите амбициозни луѓе што сакаат постојано да учат, да се надградуваат и да осознаваат нови вештини и искуства, во партнерство со врвно светско студио за визуелни ефекти и анимација Fx3x обезбедува стипендии во вредност од по 3.000 евра за специјализирани обуки на 60 најдобри кандидати. Уписите се отворени до 15 јули, а добредојдени се сите млади креативци со или без искуство. 

„Пред дваесет и пет години со Fx3x започнавме двајца, јас и Миливоје Ѓорѓевиќ, а денес броиме повеќе од сто и педесет вработени. Целта беше да создадеме компанија од светски калибар со врвен тим од луѓе што работат упорно и посветено. Освен квалитетот за кој не правиме компромис, Холивуд нè избира нас пред другите поради моментот на доверба, знаат дека она што ќе го испорачаме, ќе биде производ изработен до перфекција. Сме работеле на многу светски блокбастери и оскаровци, на многу наградени култни филмови и серии. Чест ми е што имам можност да работам со млади амбициозни и креативни луѓе, и како компанија да ги поддржуваме во остварување на својот креативен и кариерен потенцијал“ – изјави Кристијан Даниловски, генерален менаџер и соосновач на Fx3x.

Обуките ќе се реализираат во школата на Fx3x за визуелни ефекти и анимација на VFX Nest, а се организирани во соработка со „ЊуМенс бизнис акцелераторот“. Предвидено е да се спроведат во две главни области, и тоа Визуелни ефекти за филм и 3D моделирање и анимација, секоја со по 450 часа предвидени за предавања и 100 часа предвидени за практични вежби и самостојна работа.

Обуките ќе ги изведуваат најдобрите домашни ментори со искуство на најпрестижните проекти во индустријата, а овој пат ќе се вклучат и врвни тренери од една од најголемите светски компании за визуелни ефекти и анимација, со цел за само пет до шест месеци да ги остручат учесниците за директно вработување. Планирано е обуките да се одржуваат хибридно, во живо и онлајн, со можност учесниците надвор од Скопје да следат поголем дел од програмата онлајн. 

„Менторите се супер и обрнуваат внимание на секој детаљ во предавањата. Исто така, секогаш се на располагање да помогнат со тешкотиите со кои секојдневно се сретнувам. На сите што се интересираат за кариера во овие области, топло би им препорачал да не се демотивираат и да се истрајни и упорни во својата работа. Како резултат на обуките добив неверојатна можност да бидам дел од тимот што работеше на ABBA Voyage и одлично е чувството кога ќе видите како заедничките напори се спојуваат во едно на денот на премиерата, како и да си го видите вашето име на одјавната шпица“ – изјави Раде Радевски. Раде има завршено ваква обука во 2021 година и е вработен во Fx3x. 

За сите кандидати што редовно и успешно ќе ги завршат обуките и ќе го положат финалниот тест, ќе биде обезбедено работно место во Fx3x, со можност за натамошен напредок во кариерата, како и интернационална кариера и во рамките на партнерската компанија од светски ранг.

Сите заинтересирани кандидати можат да аплицираат за стипендирана обука на следниот линк: http://bitly.ws/smeK најдоцна до 15 јули. Дознајте повеќе информации за Fx3x на https://fx3x.com.