Регулаторната комисија за енергетика и водни услуги на Република Северна Македонија го укина надоместокот за мрежарина при предавање на вишокот произведена електрична енергија од обновливи извори, како што се фотонапонски електроцентрали кои што домаќинствата и малите потрошувачи ги имаат инсталирано, а се стекнале со статус на потрошувач- производител.

Со одлуките кои ги носиме, сакаме да ги стимулираме потрошувачите да инсталираат фотоволтаични електроцентрали. На овој начин сметаме дека ќе се поттикне голем број на домаќинстават да ги искористат поволните услови и во време на енергетска криза да си обезбедат електрична енергија од сопствени извори, во случајов од фотонапонски електроцентрали. Токму затоа РКЕ презеде иницијатива за олеснување на инвестициите и пристапивме кон измена на Тарифниот систем за дистрибуција на електрична енергија. Со оваа одлука практично домаќинствата кои што инсталирале фотонапонски електроцентрали со инсталирана моќност до 6 киловати ( кW ) и останатите потрошувачи кои што инсталирале фотонапонски електроцентрали со инсталирана моќност до 40 кW нема да плаќаат повеќе надоместок за користење на дистрибутивниот систем за вишокот на електрична енергија која што ја предаваат во мрежа - изјави Марко Бислимоски, претседател на Регулаторна комисија за енергетика и водни услуги.

Полицијата сподели фотографија направена од екранот на „дрегер“ уред, која покажува дека еден возач бил во многу алкохолизирана состојба, апаратот прикажал дека има 3,39 промили во крвта. Со контролата на полицајците на територијата што ја покрива СВР Битола се казнети 54 возачи кои седнале да возат иако биле пијани.

Најголемиот број од санкционираните се на подрачјето на Битола 20, на подрачјето на Прилеп 22,пет возачи Ресен, три санкционирани возачи во Демир Хисар, два во Македонски Брод и една санкција е изречена во Крушево, соопшти Министерството за внатрешни работи.

За време на контролата изречени се и 63 други прекршоци. Контролата е спроведена во периодот од 23 часот до 5 часот утринава.

Во Софија денеска министрите за надворешни работи на Северна Македонија и на Бугарија, Бујар Османи и Теодора Генчовска го потпишаа билатералниот протокол по состанокот на заедничката меѓувладина комисија. Според најавите, протоколот треба да биде објавен по неговото потпишување.

Покрај министерот Османи, во состав на македонската делегација се вицепремиерот за европски прашања Бојан Маричиќ, министерката за култура Бисера Костадиновска Стојчевска, министерот за економија Крешник Бектеши, како и министерот за транспорт и врски, Благој Бочварски.

Потпишувањето на протоколот и одржувањето на состанокот на меѓувладината комисија следуваат откако вчера францускиот предлог беше одобрен од страна на Владата по усвојувањето на заклучоците во македонското Собрание.

Животот некогаш може да стане неподнослив и да ја исцеди твојата енергија во секоја активност без разлика дали е на работа или во бизнисот. Ова се неколку навики кои ќе ви помогнат да завршите повеќе работа со помалку стрес.

Поставувајте си прашања за едноставноста на вашата работа - ако станете нефокусирани: кое е најважното нешто што можам да го направам сега? Дали ова ме доближува до мојата цел? Дали ги одржувам работите екстремно едноставни сега? Со поставување на овој тип на прашања ќе го намалите стресот.

Фокусирајте се на една задача додека работите. Докажано е дека ако се фокусираме на повеќе задачи додека работиме нашиот фокус опаѓа со што би предизвикал дополнителен стрес. Затоа важно е да останеме фокусирани на една задача.

Поставете цврсти граници помеѓу работата и личното време. Вашето лично време треба да биде посветено само на вас и вашиот круг на луѓе. Стресот кај луѓето се зголемува поради тоа што работата ја поврзуваат со личното време и не ги разграничуваат тие две работи.

Какви се вашите начини за справување со стресот на работа?