Продажбата на нови автомобили во Европа го допре дното. Во текот на јуни биле продадени само 1,06 милион автомобили, што е најлоша продажба за тој месец од 1996 година наваму. Во споредба со истиот месец од минатата година, некои производители забележале пад на продажбата од речиси 50 отсто.

На пример, „Фолксваген“ овој јуни продал речиси 25 отсто помалку автомобили во споредба со истиот месец лани, а „Стелантис“ во првата половина од годинава имал пад на продажбата од 21,2 отсто во споредба со истиот период лани.

Во „Волво“ падот е уште поголем. Во споредба со минатиот јуни, тие продале 47,9 отсто помалку автомобили, а на ниво на првата половина од годинава падот изнесува 28,5 отсто. „Јагуар ленд ровер“ во првите шест месеци од годинава, пак, бележи пад од 34,7 отсто, што е најмногу од сите производители.

Причините за катастрофалните резултати се многубројни, но врз падот најмногу влијае недостигот на чипови и други материјали и компоненти предизвикан од нарушувањето на синџирите за снабдување и војната во Украина. И купувачите сѐ помалку избираат нови автомобили поради високите цени, инфлацијата и стравот од големи економски кризи.

Продажбата на нови автомобили е во постојан пад веќе 12 месеци, а тоа особено се чувствува на најголемите пазари во ЕУ: Германија, Франција, Шпанија и Италија.

Axapta Masters започна со работа во 2013 година, со цел да обезбеди релевантни и специфични решенија на нивните клиенти. Сега, тие се најбрзо растечкиот и водечки Microsoft партнер во Македонија, кој работи на глобално ниво.

Axapta Masters е Gold Microsoft партнер со искуство и знаење за да обезбеди надградба во бизнис процесите и технологијата, со примена на практични облак решенија за да се постигнат најдобрите можни резултати за нивните клиенти.

Тие им помагаат на компаниите да создадат интелигентни системи прилагодени да ја подобрат нивната деловна продуктивност и да поттикнат раст и ефикасност. 

Моментално вработува:

Support Specialist

Accounting Consultant

Service Delivery Manager

Project Manager

Исто така моментално има отворени позиции за пракса:

Software Developer - Internship

Business Analyst Intern

Неопходно е да се преземат навремени мерки во пресрет на зимата за да се ублажат последиците од енергетската криза врз граѓаните и компаниите, апелира извршниот директор и претседател на Управниот одбор на „Брако“, Кочо Анѓушев во разговор за телевизија Телма.

Според Анѓушев,кој е и претседател на Македонската енергетска асоцијација, што поскоро треба да се преземат чекори кон зголемување на домашното производство и да се обезбеди сигурен проток на електрична енергија од увоз во текот на најкритичните месеци од зимата.

Едниот сегмент е во насока на зголемување на домашното производство и во таа насока предлагаме донесување на еден поголем сет на мерки. Вториот сегмент е во делот на меѓународната политика бидејќи енергетиката не разбира граници и она што е потенцијална опасност е ако државите почнат да се бранат себеси од затворање на крос-бордер капацитетите во текот на зимските месеци во дадени кризни периоди, како што се случи на пример во 2012 година. И во таков случај, не станува збор за цена туку станува збор дека нема да можете да ја донесете енергијата и ќе биде неопходно да се потпрете на домашното производството, кое за жал не ги задоволува потребите во Македонија особено не во зимските месеци. Мислам дека нашата држава треба уште сега да поразговара со сите наши соседи за да не дојде до такво сценарио бидејќи ние сме увозно зависна држава, вели Анѓушев.

Тој истакнува дека неопходно е да се размислува и како индустриските капацитети полесно и поедноставно да обезбедат енергетска независност преку поставување на извори на енергија, на пример фотоволтаици или други алтернативни решенија, преку кои ќе ги задоволат сопствените потреби за електрична енергија.

За да се намали зависноста од увоз на електрична енергија, според Анѓушев, потребно е навремен увоз на јаглен за термоелектраните, но треба и да се најде модалитет како гасната електрана ТЕ-ТО, која што во текот на зимските месеци го обезбедува Скопје со топлинска енергија, да обезбедува и електрична енергија за што исто така има капацитет.

Нејзиниот капацитет е двоен, тоа е еден сериозен инсталиран капацитет над 200 МВ, а исто така обезбедува топлина во текот на зимскиот период. Неопходно е и тој капацитет, кој што е во приватна сопственост, да се обезбеди да работи секако. Во оваа ситуација треба да се седне и да се разговара со тие луѓе да се обезбеди како тие да работат. Всушност најзагрозени и најоштетени, единствени кои што се борат на слободниот пазар се големите компании оние кои што имаат над 50 вработени и над 2 милиони евра приход тие денеска плаќаат цена на електрична енергија на берза која што достигнува и до 500 евра. Проблемот секако е финансиски бидејќи треба да се плати за да се донесе електричната енергија до земјава, но доколку се затворат границите тогаш ќе биде невозможно ниту да се донесе енергија во земјава, истакнува Анѓушев во изјавата апелирајќи дека потребно е и навремена набавка на мазут за дел од енергетските капацитети.

Прашан дали се можни рестрикции во текот на зимата, Анѓушев нагласува дека треба однапред да се подготвиме и за најлошите сценарија и да не се дозволи било какви изненадувања кои би можеле да имаат негативен импакт врз домаќинствата и компаниите.

Од денеска треба да бидат ставени во функција наплатните рампи Преод и Кадрифаково на автопатот Миладиновци- Штип.

На наплатните рамки, како што најави Јавното претпријатие за државни патишта, целосно ќе функционира електронскиот систем за наплата на патарина.

Оттаму во четвртокот информираа дека првите две ленти од десно ќе бидат за возилата кои користат М-таг електронски уред со кој се поминува со намалување и успорување на брзината на движење на возилото и без запирање, додека на останатите ленти покрај наплата во готово, може да се употреби и М-смарт картичката.

Наплатните станици Преод и Кадрифаково имаат по седум наплатни кабини.

Ценовник по категории на возила: – ПРЕОД – 1А Категорија – 40 денари, 1Б Категорија – 70 денари, 2-ра Категорија – 100 денари, 3-та Категорија – 180 денари и 4-та Категорија – 270 денари.

КАДРИФАКОВО – 1А Категорија – 30 денари, 1Б Категорија – 50 денари, 2-ра Категорија – 80 денари, 3-та Категорија – 150 денари и 4-та Категорија – 220 денари.

Изградбата на двете патарини чинеше близу 5 милиони евра.