Промовирани огласи »

Воздухопловните сили на САД во Европа и Африка денес во 14.35 часот извршија прелети над Скопје со два воени воздухоплови, бомбардери од типот „Б-52“.

Според Министерството за одбрана, прелетите на воените авиони, познати како „Летечки тврдини“, го демонстрираат силното сојузништво на земјава во НАТО и претставуваат гарант за целата Евроатланска област, вклучувајќи ја и Македонија.

Со цел да ја прикажат посветеноста и гаранцијата на сигурноста кон балканските сојузници и партнери на НАТО, Воздухопловните сили на САД во текот на денот освен над македонското небо ќе извршат прелети и над Хрватска, Црна Гора и Албанија, појаснуваат од МО.

Пред малку се огласија и од американската амбасада од каде велат дека ова показател на посветеност на САД кон сојузниците од НАТО.

Погледни нагоре! Денеска во 14 часот и 30 минути во Скопје ќе има нисковисински прелет на два Б-52. Целта на прелетот е да ја покаже посветеноста и гаранцијата на САД кон сојузниците и партнерите на НАТО на Балканот. : #Заедно посилни #НиеСМЕНАТО Европската команда на САД (EUCOM)

Промовирани огласи »

Регулаторната комисија за енергетика донесе Одлука со која се врши зголемување на малопродажните цени на нафтените деривати во просек за 0,46% во однос на одлуката од 18.08.2022 година.

Референтните цени на нафтените деривати на светскиот пазар во споредба со претходната пресметка бележат намалување кај бензините во просек за 0,065%, кај дизелот зголемување во просек за 2,069%, кај екстра лесното масло зголемување во просек за 1,971% и кај мазутот намалување во просек за околу 1,557.

Малопродажните цени на бензините ЕУРОСУПЕР БС-95 и ЕУРОСУПЕР БС-98, се зголемуваат за 0,50
ден/лит.

Малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), сезголемуваат за 1,50 ден/лит. Малопродажната цена на Мазутот М-1 НС, се намалува за 1,128 ден/кг.

Oва се новите цени на горивата кои ќе важат од полноќ:

  • Моторен бензин – ЕУРОСУПЕР БС – 95 – 89,00 (денари/литар)
  • Моторен бензин – ЕУРОСУПЕР БС – 98 – 91,50 (денари/литар)
  • Дизел гориво – ЕУРОДИЗЕЛ БС (Д-Е V) – 93,50 (денари/литар)
  • Масло за горење – Екстра лесно 1 (ЕЛ-1) – 90,00 (денари/литар)
  • Мазут М-1 НС – 51,686 (денари/килограм)

Промовирани огласи »

Кога станува збор за, многумина омилениот напиток - кафето, американскиот гигант Старбакс важи за еден од најпопуларните брендови.

Но, се чини дека меѓучовечките односи во внатрешноста на компанијата значително го нарушуваат угледот.

На ТикТок профилот „Starbucks Workers United“, кој го води организацијата која им помага на работниците на Старбакс ширум САД, се појави снимка која ја открива лошата страна на овој бренд, но и покажува неверојатно единство помеѓу колегите.

Објавата која е прегледана над 26 милиони пати покажува како вработените колективно го напуштиле споменатиот објект бидејќи нивниот колега Сем Амато бил неправедно отпуштен по 13 години работа.

Кога целиот објект излегува откако раководството неправедно го отпушта вашиот колега затоа што е синдикален лидер, стои во описот на објавата под која следеа бројни коментари.

Меѓу другото, луѓето му изразиле поддршка на Сем, но и го пофалиле овој неверојатен потег.

Мислам дека луѓето не сфаќаат колку е тешко ова да се направи - вие сте храбри и заслужувате свој синдикат, беше еден од коментарите.

Фановите на овој бренд признаа и дека тоа „ги натерало да размислат дали и понатаму ќе им биде омилен“, додека некои од претходните вработени во Старбакс се потсетиле на нивното искуство.

Промовирани огласи »

Се огласи Министерстворто за труд и социјала во врска со гарантираната минимална помош. 

Во однос на информациите изнесени во јавноста за наводно кратење на додатокот од 1.000 денари за корисниците на Гарантирана Минимална помош, Министерството за труд и социјална политика ја демантира информацијата и ја известува јавноста дека се работи за паричен додаток кој се исплаќаше на корисниците на ГМП, во период на вонредна состојба во државата.

Додатокот од 1.000 денари, заради покривање на дел од трошоците за потрошувачка на енергенси за корисниците на правото на Гарантирана минимална помош, чија исплата продолжи и во останатите месеци во време на вонредна состојба на државата, со одлуката на Собранието на Република Северна Македонија за прекинување на вонредната состојба и уредбите кошто ги донесе Владата престана да се исплаќа додатокот на примателите на ГМП.  Истиот продолжува да се исплаќа во месеците кои се грејна сезона, како и претходно.

Ваквиот начин на исплата согласно Законот за социјална заштита ќе продолжи од октомври до март годинава заради покривање на дел од трошоците за потрошувачка на енергенси во домаќинството.

Ваквите одлуки за постапување се донесени согласно Закон и за истите јавноста беше известена со соопштение до медиумите објавено на 05.08.2022 година, се вели во соопштението од Министерството.

Повеќе вести...
барај огласи за вработување » барај останати огласи »