Дополнителното намалување на ДДВ-то не би имало големо влијание на цената на електрична енергија, бидејќи таа на слободниот пазар е над 1000 евра, изјави премиерот Димитар Ковачевски во однос на барањата на бизнис секторот за ублажување на ударот од високите цени на струјата за компаниите.

Во однос на намалувањето на ДДВ-то, тоа е веќе намалено за електричната енергија. Ако треба ќе се намалува повторно, но тоа не би имало големо влијание на цената на електрична енергија, кога знаеме дека таа е над 1000 евра поставена на слободниот пазар. Што се однесува до маржите на трговците со електрична енергија, прво треба да се направи анализа и тоа од страна на Регулаторната комисија, да видиме колку се големи тие маржи и дали воопшто има маржи на овие цени на електричната енергија, изјави Ковачевски.

Тој нагласи дека ова прашање веќе е разгледувано на Економскиот совет и штом ќе ги имаат пресметките, Владата ќе интервенира во тој дел.

Премиерот посочи дека клучно во следниот период е да се направат заштеди на електричната енергија секаде каде што е можно.

Се наоѓаме во период кога цените на електричната енергија се највисоки и се повисоки од која било економска логика, зборувам за целиот европски континент, а она што го имаат како задача сите ресори во Владата и компаниите кои што се во државна сопственост, тоа ќе мора да го испорачаат со цел да имаме непречено снабдување со електрична енергија, додаде премиерот Ковачевски. 

Сѐ потешко се скенираат фискални сметки преку апликацијата „МојДДВ“, реагираат граѓаните. 

Скенирачните на сметки велат дека откако минатиот месец се вршеше прилагодување и ажурирање на апликација, не секоја сметка сака да се скенира од прва, а и повеќето сметки воопшто „не поминуваат“ на опцијата за скенирање. 

Повеќето сметаат дека проблем е апликацијата. 

Кога се вршеше прилагодување на апликацијата минатиот месец неколку дена воопшто не функционираше апликацијата, а потоа се потешко се скенираат сметки. Се обидуваме да ги фатиме од разни агли, но џабе е, вели еден скопјанец. 

Од УЈП тогаш соопштија дека се работи на унапредување на апликацијата со која граѓаните вршат поврат на средствата од ДДВ. 

Се уште важи фискалните сметки кои неможе да се скенираат преку опцијата да се скенираат на киосците и бар код читачите што се поставени во просториите на Управата за јавни приходи. 

Денес, Калифорнија донесе одлука да ја прекине продажбата на автомобили напојувани од фосилни горива.

Со таа одлука CARB (California Air Resources Board) ќе ги потврди претходните најави дека Калифорнија се издвојува како лидер во САД кога е во прашање електрификацијата на возниот парк, а со тоа и намалувањето на емисиите на гасови.

Според оваа одлука, од 2035 година ќе биде забранета продажбата на нови автомобили со погон на бензин или дизел гориво.

Земајќи го предвид просечниот животен век на еден автомобил од 15 години, се очекува дека до 2050 година патиштата во Калифорнија ќе бидат исчистени од автомобили на бензин и дизел.

Дотогаш, сите бензински пумпи ќе бидат избришани и ќе им отстапи место на EV- полначите и на  станиците за полнење водород, пишуваст светските агенции.

Согласно овој закон, во кој се зема предвид сегашното учество од 12 отсто на електричните автомобили, се воведува услов до 2026 година учеството на електричните автомобили во продажбата да биде 35 отсто, а до 2030 година дури 68 отсто.

Со оваа одлука Калифорнија стои на страната на европските земји кои ја воведуваат забраната уште во 2030 година.

Американските медиуми нагласуваат дека оваа одлука ќе има голема корист за Tesla, како и голем број производители на електрични автомобили кои се присутни во Калифорнија.

Новите информации покажуваат дека уште единаесет сојузни држави пројавиле интерес за воведување забрана за продажба на нови автомобили напојувани со фосилни горива.

Сите мајки се свесни дека е мошне тешко да се биде родител и истовремено да имаш успешна кариера. Така Марија Петерсон од Есекс, Англија кога ја родила ќерката Алис требало или целосно да се откаже од кариерата како пилот или да најде решение. 

Мајка на Марија, Кристина живее во Гетебург, Шведска, а работата како пилот во голема мера ги олеснува работите, затоа што ѝ овозможува на оваа мајка секој ден да патува и да ја однесе ќерката кај баба ѝ.

Марија појаснува дека бременоста со Алис била непланирана, но, како што вели, нашла начин истовремено да се грижи за ќерката и да ја задржи кариерата.

Марија нагласува дека среќна околност е тоа што во авиокомпанијата за која работи има само кратки летови, и дека вообичаено станува во 4 и 30 наутро, а се враќа околу 18 часот попладне.