Твитер почнува да ја тестира долгоочекуваната опција „edit tweet“ која по 16 години од постоењето на мрежата им овозможува на корисниците да уредуваат твитови по објавувањето, но со опцијата се воведуваат одредени правила.

Долго бараната опција моментално е во фаза на тестирање и најверојатно ќе работи слично како опцијата „edit“ на Фејсбук.

Според најавата на компанијата, твитовите ќе можат да се уредуваат неколку пати во рок од 30 минути од објавувањето.

Модифицираните твитови ќе се појавуваат со посебна икона и временски печат, така што на корисниците им е јасно дека тоа не е оригиналниот твит, се вели во соопштението.

Ознаката на изменетите твитови ќе вклучува целосна историја на промени, а Твитер вели дека ја тестира опцијата на мал број корисници за да ја исклучи потенцијалната злоупотреба.

Меѓутоа, при конечното внатрешно тестирање на опцијата, функцијата „edit tweet“ ќе стане достапна само за претплатниците на „Twitter blue“. Тоа значи дека доколку сакате да ја искористите опцијата, треба да се претплатите на оваа социјална мрежа со 5 долари месечно. Дали и кога ќе биде достапен за сите засега не е познато.

Џеј Саливан, потпретседателот на Твитер, на почетокот на оваа година изјави дека оваа опција „веќе многу години е најбарана“, но дека долго време не е воведена поради загриженост за можна злоупотреба.

Стресот на работното место е растечка грижа ширум светот. Сега повеќе од кога било досега, стресот на работнотоместо претставува закана за здравјето на работниците. Ова исто така го става на ризик здравјето и профитабилноста на организациите.

Ајде да погледнеме како да ги идентификуваме предизвикувачите и ефектите од стресот поврзан со работата. Долгорочните проблеми од стресот на работното место вклучуваат кардиоваскуларни болести и имунолошки дефицит. Лошото ментално здравје може да биде предизвикано и од хроничен стрес на работното место. 

Учењето како да управувате со стресот на работното место е од суштинско значење за заштита на вашето ментално и физичко здравје. Плус, гарантира дека можете да работите најдобро што можете без да предизвика burnout.

Совладајте го стресот на работното место со овие совети:

1. Дознајте што ви предизвикува стрес на работното место;
2. Создадете рамнотежа помеѓу работата и приватниот живот;
3. Побарајте стручна помош;
4. Останете организирани;
5. Имајте добра рутина на спиење;
6. Одржувајте блиски односи на работното место;
7. Хранете се здраво.

Учењето како да управувате со стресот на работното место може да ви помогне да ги идентификувате вашите предизвикувачи на стрес. Исто така, гарантира дека ги имате вистинските алатки за заштита на вашата ментална и физичка благосостојба со години - дури и додека сте под притисок.

На ЕСМ од вчера и се на располагање 3,1 милијарда денари или околу 50 милиони евра за да го зголеми производството и да обезбеди дополнителни количини електрична енергија. Компанијата апелира да се почитуваат мерките за штедење струја. Секој заштеден киловат час, укажува ЕСМ, ќе значи помалку трошење јаглен, мазут и гас.

И државата повикува да се почитуваат мерките за штедење електрична енергија. Воедно информира дека за справување со енергетската криза се обезбедени над 100 милиони евра.

На ЕСМ и се ставаат на располагање 3,1 милијарда денари за да го зголеми производството и да обезбеди дополнителни количини електрична енергија. Финансиската поддршка ЕСМ ќе ја искористи и за снабдување со основни суровини, јаглен, мазут и друго, што е во функција на поддршка на продолжување на производството за непречено снабдување со електрична енергија, соопшти Министерството за финансии.

АД ЕСМ најави дека ќе вложи максимални напори за да ги произведе потребните количини до крајот на грејната сезона.

Ако се придржуваме до мерките, заштедената енергија ќе може да се пренасочи кон стопанството, посебно кон големите фирми и институциите кои купуваат струја на слободниот пазар по енормно високи цени и на тој начин ќе можеме да им понудиме одредена количина по пониски цени, со што ќе се намалат нивните трошоци за работа. Само со штедење на електричната енергија можеме да им помогнеме на болниците, училиштата, градинките и на економијата и заедно да излеземе од оваа наметната криза, нагласуваат од ЕСМ.

Порака дека треба да се штеди струја, вчера упати и претседателот на Регулаторната комисија за енергетика и водни услуги (РКЕ), Марко Бислимоски.

Сметам дека целата јавност треба малку посериозно да се однесува кон мерките за штедење, бидејќи во услови на цена на електрична енергија на берзите од 700 – 800 евра, мислам дека ниедна компанија не може нормално да работи особено, фирмите кои имаат производен процес. Сметам дека и државата во овој дел ќе мора некако да помогне од аспект на обезбедување поевтина електрична енергија, рече Бислимоски на прес-конференција.

Негова оценка е дека ЕСМ за потребите на регулираниот пазар, особено за домаќинствата, дава релативно ниска цена.

Сега граѓаните во своите сметки можат да видат дека евтината тарифа ги чини 10 евра за мегават час како продукт. Тоа што на берзата е  400, 500, 600 евра па имаше денови и 800 нашите граѓани ги чини 10 евра за мегават час евтина тарифа. Прв блок ги чини 71 евро, втор блок 76,5 евра, трет блок 86 евра и екстремно четвртиот блок 229 евра. Кога ќе ги споредите овие цени со тоа што е на берзите има ситуации кога првиот и вториот блок се некаде 10 пати поевтини од тоа што е на берзата во Унгарија, референтна берза за нашиот регион, прецизира Бислимоски.

РКЕ постојано ги следи трговците за струја и прави мониторинг на пазарот

Како што рече Бислимоски, за првите шест месеци продажната цена на снабдувачите во нашата држава е пониска од набавната цена зашто поголемите снабдувачи имаат договори направени по многу пониски цени.

Некаде во јули или август ги немаме добиено податоците, но тоа што го добиваме од компаниите, маржата се движи од 5 до 20 проценти, па некаде и 25 проценти, но се уште немаме добиено конечни податоци, истакна Бислимоски.

РКЕ, дополни Бислимоски, не може да ги ограничи маржите за продажба на електрична енергија.

Треба да ги следиме препораките што ги прави ЕУ која ќе определи одреден гап – максимум до каде што може да одат маржите и верувам дека тоа брзо ќе се случи и во нашата држава, рече Бислиомски.

Претседателот на РКЕ уверува дека не постои никаква нова давачка за струјата. Според него, отсекогаш се плаќала мрежарина за потрошена електрична енергија. Мрежарините, пак, поскапеа зашто загубите на електрична енергија се драстично зголемени.

Кога ќе се собере трошокот за електрична енергија на пример за првиот блок и ќе се собере трошокот за мрежарината ќе се добие вкупна цена за електрична енергија како што било претходно. Има само една вистина, а тоа е дека нема никаква нова давачка, туку во новите сметки граѓаните добиваат цена за електрична енергија како продукт и цена за користење на мрежарината. Оваа пракса ја има во сите земји членки на ЕУ, објасни Бислимоски.

Тој потсети и дека македонското законодавство и одлуките на РКЕ се усогласени со европската пракса па граѓаните добиваат посебна цена за електричната енергија како продукт и цена за секој блок, за да знаат колку ги чини електричната енергија. Добиваат и посебна ставка за користење на преносната и дистрибутивната мрежа.

ТЕ-ТО мора да работи во грејната сезона

Работењето на ТЕ-ТО во делот на електричната енергија е неопходно во зимските месеци од технички аспект, за да ги стабилизра напонските прилики во мрежата. Според мене, не постои опција ТЕ-ТО да не работи во зимските месеци, потенцира Бислимоски.

Претседателот на РКЕ е дециден дека веќе е прогласена кризна сосотјба во енергетиката и државата ќе најде начин за да функционира системот за топлинска и за електрична енергија. 

Претседавачот на бордот на директори на рускиот нафтен џин Лукоил, Равил Маганов, починал откако паднал од прозорецот во болницата во Москва.

67 годишниот Маганов бил лекуван во централната клиничка болница во главниот град на Русија и го загубил животот како последица од своите повреди, пренесуваат медиумите. Ројтерс, повикувајќи се на свои извори, објави дека Маганов загинал откако паднал од прозорец во болница.

Рускиот весник “Правда” (фото) објави информација дека телото на Маганов е најдено во близина на централната клиничка болница во Москва каде бил примен претходно. Маганов бил вработен во Лукоил при основањето во 1993-тата година, а директор станал во 2020-тата. Компанијата не се изјасни досега за смртта на Маганов.

Лукоил од почетокот на руската агресија бара преговори и мировно решение за кризата која негативно влијае врз енергетскиот бизнис.