На 15.12.2016 год. (четврток) во амфитеатарот на ФИНКИ ќе се одржи отворено предавање за Microsoft IT Академијата. Предавањето за Microsoft ИТ Академијата на ФИНКИ е отворено и достапно за сите студенти на Универзитетот „Св.Кирил и Методиј“ - Скопје.

Ќе се зборува за тоа што претставува Microsoft Академијата, кои се придобивките од неа, што ќе се изучува, како и процесот на сертификација на Microsoft испити. Повеќе информации за курсевите на следниот лин

Големите технолошки компании не штедат средства, кога бараат да ангажираат нови засилувања за своите тимови. Тука можеме да ги вклучиме дури и стажантите, станува јасно од анкетата, спроведена од Џеси Колинс од „Purdue University“.

Резултатите може да ве изненадат, но тие уште еднаш покажуваат зошто „Google“, „Facebook“, „Amazon“, „Microsoft“ и други големи технолошки гиганти се меѓу повеќето работодавци.

Дури и стажантите можат да се потпрат на плати од околу 3.000 до над 10.000 долари месечно, а најдобрите добиваат и предлози за постојан договор.

Еве ги условите кои ги нудат 10-те големи компании на идните вработени:

Amazon:

Годишна плата: 103.000 долари

Станбени трошоци: 16.200 долари годишно

Бонус при потпишување на договорот: Помеѓу 26.000 и 52.000 долари

Просечна месечна плата за стажантите: 7.634 долари

Apple:

Годишна плата: 110.000 долари

Станбени трошоци: 12.500 долари годишно

Бонус при потпишување на договорот: Помеѓу 10.000 и 40.000 долари

Просечна месечна плата за стажантите: 6.839 долари

Facebook:

Годишна плата: 107.000 долари

Станбени трошоци: 37.500 долари годишно

Бонус при потпишување на договорот: Помеѓу 75.000 и 100.000 долари

Просечна месечна плата за стажантите: 8.279 долари

Google:

Годишна плата: 112.000 долари

Станбени трошоци: Помеѓу 25.000 – 55.000 долари годишно

Бонус при потпишување на договорот: Помеѓу 10.000 и 60.000 долари

Просечна месечна плата за стажантите: 6.667 долари

LinkedIn:

Годишна плата: 120.000 долари

Станбени трошоци: 37.500 долари годишно

Бонус при потпишување на договорот: 10.000 долари

Просечна месечна плата за стажантите: 7.680 долари

Microsoft:

Годишна плата: 107.000 долари

Станбени трошоци: Помеѓу 15.000 и 30.000 долари годишно

Бонус при потпишување на договорот: Помеѓу 20.000 и 50.000 долари

Просечна месечна плата за стажантите: 7.200 долари

Snapchat:

Годишна плата: 120.000 долари

Станбени трошоци: 80.000 долари годишно

Бонус при потпишување на договорот: 20.000 долари

Просечна месечна плата за стажантите: 9.000 долари

Samsung:

Годишна плата: 120.000 долари

Станбени трошоци: непознато

Бонус при потпишување на договорот: 20.000 долари

Uber:

Годишна плата: 110.000 долари

Станбени трошоци: 37.500 долари годишно

Бонус при потпишување на договор: непознато

Просечна месечна плата за стажантите: 7.317 долари

Twitter:

Годишна плата: 120.000 долари

Станбени трошоци: 37.500 долари годишно

Бонус при потпишување на договорот: 18.500 долари

Просечна месечна плата за стажантите: 6.543 долари.

На едниот крај на телефонска линија е Бил Гејтс, основачот на „Microsoft“, кој вети голем дел од своето богатство во корист на борбата против климатските промени. Од другата страна е новоизбраниот претседател на САД Доналд Трамп, кој ги опиша промените во климата како измислица.

Двајцата некако успеале да одржат разговор со барем мала стапка на успех, тврди Гејтс. Тој се остварил пред две недели и траел околу осум минути, овозможувајќи му на Гејтс да претстави дел од плановите поврзани со инвестиции и добротворни цели, пишува „Bloomberg“.

Клучните работи за кои настојував, беа можноста за иновации не само во енергијата, но и во медицината, и образованието и промовирањето на идејата дека тоа е одлично за управувањето на Америка“, коментира Гејтс.

Запрашан дали разговорот и неодамнешните состаноци со Трамп го тераат да биде оптимист, Гејтс коментира: „Па, ќе видиме. Иновациите можат да бидат двопартиски. Сите треба да го дадеме најдоброто од себе“.

Овие коментари основачот на „Microsoft“ ги даде за време на интервјуто во понеделникот, во врска со новиот инвестициски фонд, кој го стартува тој и други милијардери, кој се нарекува „Breaktrough Energy Ventures“. Идејата на Гејтс е да собере 1 милијарда долари, кои ќе бидат на располагање на Фондот од 2017-та година. Целта му е да се зголемат инвестициите во технологијата поврзана со енергија, која ако не елиминирана, тогаш барем ги намалува емисиите на штетни гасови.

Меѓу инвеститорите во „Breakthrough Energy Ventures“ се рангираат Џеф Безос, главниот извршен директор на „Amazon.com“, основачот на „Virgin Group“, Ричард Бренсон и основачот на „Bloomberg“, Мајкл Блумберг. Кон нив се приклучиле и ризични инвеститори како Џон Доер, кои во минатото имаат инвестирано значителни суми во компании за зелена енергија.

Гејтс лично инвестирал околу 1 милијарда долари во технологија во оваа сфера, вели тој. Компанијата, која ја поддржал најмногу е „TerraPower“. Стартапот доби 300 милиони долари, поголемиот дел од нив се од Гејтс, за да направи поефикасни и побезбедни нуклеарни реактори. Истражувањата на компанијата се поддржани и од Министерството за енергетика на САД, како и од групи од Кина. 

Во рамките на Националната кампања „Информирај се СЕГА!“ Коалиција СЕГА со Младинските Информативни и Советодавни центри ИНФО СЕГА од Прилеп и Кавадарци во соработка со Агенцијата за Млади и Спорт (АМС) и со Факултетот за Информатички Науки и Компјутерско Инженерство организираат натпревар за изработка на мобилна апликација за веб страната www.mladi.ams.mk . Наградниот Фонд за најдобрата апликација изнесува 500 евра во денарска противвредност, и право на учество имаат тимови со максимум 3 членови – сите студенти на еден од државните или приватните универзитети во Р. Македонија. Тимовите ќе имаат за задача да подготват мобилна апликација која ќе ги прикажува содржините кои се наоѓаат на сајтот www.mladi.ams.mk. и која ќе работи минимум на Андроид платформа.

Критериуми за учество:

• Тимови од максимум 3 студенти на возраст од 18 до 25 години;
• Сите членови на тимот мора да се студенти на еден од државните или приватните Универзитети во Р. Македонија.

Коалиција СЕГА во соработка со АМС и ФИНКИ ќе организираат претставување на натпреварот во Амфитеатарот на ФИНКИ на ден 21.12.2016 година за сите пријавени тимови. На презентацијата тимовите за учество на натпреварот ќе добијат повеќе информации за барањата, критериумите и условите за учество, како и за основните функционалности на постоечкиот сајт mladi.ams.mk. Организаторот ќе ги обезбеди потребните сервиси од кои мобилната апликација ќе ги вчитува информациите. Апликациите на учесниците на натпреварот ќе ги евалуира стручно жири составено од тројца професори на ФИНКИ, еден вработен во АМС и еден од Коалиција СЕГА.

Критериумите за евалуацијата се:

• Функционалност на апликацијата – да интегрира што повеќе функции што веќе постојат на www.mladi.ams.mk;
• Да работи минимум на Андроид платформа;
•  Да биде лесно екстензибилна;
•  Добар визуелен изглед на мобилната апликација;
•  Перформанси на апликацијата.

Пријавете го Вашиот тим најдоцна до 19 декември 2016 година до 16.00 часот на следниов ЛИНК.

Презентацијата на сите апликации и прогласувањето на најдобрата ќе се одржи во Амфитеатарот на ФИНКИ во текот на месец февруари 2017 година, со дополнително известување за точниот термин.

Сите прашања поврзани со натпреварот може да ги поставите на следнава e-mail адреса: [email protected] или [email protected].