Во рамките на Националната кампања „Информирај се СЕГА!“ Коалиција СЕГА со Младинските Информативни и Советодавни центри ИНФО СЕГА од Прилеп и Кавадарци во соработка со Агенцијата за Млади и Спорт (АМС) и со Факултетот за Информатички Науки и Компјутерско Инженерство организираат натпревар за изработка на мобилна апликација за веб страната www.mladi.ams.mk . Наградниот Фонд за најдобрата апликација изнесува 500 евра во денарска противвредност, и право на учество имаат тимови со максимум 3 членови – сите студенти на еден од државните или приватните универзитети во Р. Македонија. Тимовите ќе имаат за задача да подготват мобилна апликација која ќе ги прикажува содржините кои се наоѓаат на сајтот www.mladi.ams.mk. и која ќе работи минимум на Андроид платформа.

Критериуми за учество:

• Тимови од максимум 3 студенти на возраст од 18 до 25 години;
• Сите членови на тимот мора да се студенти на еден од државните или приватните Универзитети во Р. Македонија.

Коалиција СЕГА во соработка со АМС и ФИНКИ ќе организираат претставување на натпреварот во Амфитеатарот на ФИНКИ на ден 21.12.2016 година за сите пријавени тимови. На презентацијата тимовите за учество на натпреварот ќе добијат повеќе информации за барањата, критериумите и условите за учество, како и за основните функционалности на постоечкиот сајт mladi.ams.mk. Организаторот ќе ги обезбеди потребните сервиси од кои мобилната апликација ќе ги вчитува информациите. Апликациите на учесниците на натпреварот ќе ги евалуира стручно жири составено од тројца професори на ФИНКИ, еден вработен во АМС и еден од Коалиција СЕГА.

Критериумите за евалуацијата се:

• Функционалност на апликацијата – да интегрира што повеќе функции што веќе постојат на www.mladi.ams.mk;
• Да работи минимум на Андроид платформа;
•  Да биде лесно екстензибилна;
•  Добар визуелен изглед на мобилната апликација;
•  Перформанси на апликацијата.

Пријавете го Вашиот тим најдоцна до 19 декември 2016 година до 16.00 часот на следниов ЛИНК.

Презентацијата на сите апликации и прогласувањето на најдобрата ќе се одржи во Амфитеатарот на ФИНКИ во текот на месец февруари 2017 година, со дополнително известување за точниот термин.

Сите прашања поврзани со натпреварот може да ги поставите на следнава e-mail адреса: [email protected] или [email protected].

Поголема вклученост на младите во јавниот живот и во процесите на донесување одлуки на локално ниво се едни од клучните цели на регионалниот проект „Средиште на Младински Банки на Западен Балкан и Турција“, кој ќе се одвива во Србија, Албанија, Македонија и Турција. 

Она што е заедничко за овие земји, покрај кандидатскиот статус за членство во ЕУ, се ниската младинска вклученост во донесувањето одлуки на локално ниво, како и креирањето на јавни политики, што во мал процент ја поттикнуваат младинската инклузија во рамките на едно општетсво. 

Водени од овој факт, во ЕУ инфо центарот, на 19.12.2016, почнувајќи точно напладне, релевантни професионалци и претставници од ЕУ делегацјата ќе дискутираат на тема „Предизвици и патокази за социјална, економска и политичка вклученост на младите во Македонија“. 

Акцентот ќе биде ставен на социјалната, економската и политичката младинска инклузија, а ќе се разговара и за националните приоритети и идните чекори што треба да се преземат. 

Настанот е од отворен карактер. Дојдете и споделете ги вашите гледишта и препораки за поголема младинска вклученост!

*Проектот е поддржан од Европската комисија. 
Партнерски организации: Ana and Vlade Divac Foundation (Србија), Prima Association (Црна Гора), Mladdinfo International (Македонија), Center for Change and Conflict Management (Албанија) и Community Volunteers Foundation (Турција). 

Многумина веруваат дека единствен начин за да се стане милионер е да се наследи имот од некој богат предок или да се добие премија на лотарија.

Меѓутоа, американскиот финансиски советник Дејвид Беч не се согласува со ваквото мислење и изработи план за тоа како да се стане милионер до 65-та година од животот преку штедење,

За да се стане богат потребно е системско штедење и добар инвестициски план. Не ви требаат многу пари за да стекнете богатство, тврди Беч во својата книга „Паметните двојки стануваат богати“.

Тој наведува дека за да се стекне богатство треба да носите вистински одлуки и да се придржувате до нив.

Беч изработи графикон за штедење на дневна, месечна и годишна основа, со кој, како што тврди, со штедење на по два долари дневно почнувајќи од 20-та година, на 65-годишна возраст ќе можете да станете милионер.

Сепак, многумина сметаат дека овој графикон на Беч претставува добра теорија, која може тешко да се спроведе во пракса, но и признаваат дека со „тргањето на страна“ на по два долари дневно по одредено време може да се заштеди солидна сума.

Развојот на технологијата води до укинување не само на поединечни работни места, туку на цели професии

Технологијата и технолошкиот напредок се развиваат со темпо, незамисливо за пред само неколку децении. Брзиот раст води до чести, но фундаментални промени во структурата на модерните економии, при што не само поединечни работни места, туку професии згаснуваат, а други, пак, растат со двоцифрено или троцифрено темпо. Исчезнувањето на фирми или цели индустрии неизбежно води до затворање на многу работни места. Постојаната пенетрација на технологијата во сите сфери на животот и бизнисот често значи дека некој останал без работа. 

Во супермаркетите се' повеќе се воведува автоматско означување на производите и електронска наплата за производите, а тоа значи дека касиерите наскоро ќе исчезнат како професија. Портирите, пак, се заменуваат со електронските системи за безбедност. Возачите само по неколку години ќе станат непотребни, бидејќи автомобилите ќе се управуваат сами. Всушност тие веќе го прават, како на пример смарт-автомобилите кои веќе се користат во некои мегаполиси во САД. „Прашањето е дали треба да се грижиме што поради новите технологии и нивното погубно влијание врз традиционалните професии ќе не' чекаат огромен број на луѓе кои ќе останат без работа бидејќи некој електронски систем или робот им го зел местото? Краткиот одговор е ’не’“, коментираат експерти. 

Целата човечка историја, барем онаа за која знаеме, според нив, е низа од иновации и пронајдоци кои погребуваат нечиј бизнис и работни места. Но паралелно со тоа се создаваат работни места во новите индустрии, компании и бизнис-модели. Иновациите се клучни за постојаното зголемување на животниот стандард на светското население. Луѓето веќе работат многу помалку и во подобри услови за работа, но за сметка на тоа можат да обезбедат многу подобар живот. Само пред помалку од двесте години, во 1820 година, според податоците на Светска банка, 95 отсто од светското население живеело во сиромаштија. Сега овој процент е само 10 отсто и продолжува да паѓа брзо. Само за последните 25 години, уделот на крајно сиромашните намалил за половина. 

Големите универзитети нудат програми и курсеви за возрасни студентите, во кои може да се вклучи секој кој има потреба од нови знаења или преквалификација. Постојат и голем број професионални курсеви во кои невработените учат нови професии кои се бараат на пазарот. Со темпото со кое новите технологии ги заменуваат старите, никој не е сигурен дека неговите знаења и вештини еден ден нема да станат непотребни. 

Долгорочно, решението е едноставно, советуваат експертите, секој да се обучи за две или три професии, без разлика дали се поврзани или не. Вештините треба постојано да се ажурираат што веќе е многу лесно со помош на бесплатни онлајн-курсеви во сите сфери, странски јазици, кулинарство, маркетинг, програмирање... Во тие услови, одговорноста дали ќе останат без работа или не, ја носат, пред се', самите индивидуи.