Тамара Булок Глишиќ од Србија, извршна директорка на „Altitude Strategies" со години соработува со земји од Блискиот Исток и објаснува кои се правилата на игра во арапскиот свет за кој луѓето имаат многу предрасуди. 

По шест години работа со тамошните земји научила некои правила за деловна соработка. 

Вели дека е многу важно да се има трпение затоа што сите процеси се побавни за разлика од Србија, Америка или Европа. 

Додава дека одлуки се донесуваат на 5-6 нивоа. 

Булок Глишиќ вели дека за арапскиот свет е во ред жена да биде на лидерска позиција во некоја компанија. 

Објаснува дека за состаноци нема некои посебни правила за облекување за жените од оние правила кои се практикуваат во Србија, но во Саудиска Арабија е поинаку. 

Вели дека Емиратите, Катар, Кувајт и Саудиска Арабија имаат доволно жени во деловниот свет. 

Познавањето на локалната култура и менталитет е клучно за успех, додава Булок Глишиќ. 

Во арапскиот свет се цени ценкањето, кое е уметност. 

Советува ако се соработува со луѓе од арапскиот свет дека мора да се биде сериозен затоа што сите лоши намери и желба да се стигне до целта по скратен пат ќе биде откриена. 

Банката на Англија денеска ја промовираше првата пластична банкнота од десет фунти, на која се наоѓа ликот на писателката Џејн Остин.

Оваа банкнота официјално ќе биде пуштена во оптег на 14 септември.

Банкнотата со ликот на Џејн Остин следи откако лани беше промовирана и нова банкнота од пет фунти изработена од полимер, за кој британската централна банка тврди дека е подолготрајна и потешка за фалсификување. Пуштањето во оптек на пластична банкнота од 20 функти е планирано за 2020 година.

Новата банкнота од 10 фунти беше промовирана на денот кога се одбележуваат 200 годии од смртта на Џејн Остин. Таа е погребана во Винчестерската катедрала во 1817 година. Нејзини најпознати дела се „Гордост и предрасуди“ и „Ема“.

Нејзините романи имаат универзална форма и денес се еднакво прифатени и значајни како и во времето на објавувањето, изјави гувернерот на Банката на Англија, Марк Карни на церемонијата во Винчестер.

Пратениците од мнозинството предводени од пратеникот и координатор на групата на СДСМ Тунте, поднесоа предлог закон по скратена постапка во кој се вклучени измени наменети за подобра заштита на ранливите групи во сообраќајот и нивните права. Меѓу главните новитети кои треба да бидат изгласани се промена на возраста за стекнување право за полагање на возачка дозвола за моторно возило од 16 на 17 години, повеќе поволности се предвидени за највозрасната група на граѓани како и за самите инструктори во автошколите. 

- Законот за безбедност на сообраќајот на патиштата е релативно нов закон, од 2015 година и беше усвоен со европски предзнак, што укажува дека во најголем дел е усогласен со регулативите на Европската унија. Со тоа се покажа дека се стремиме кон прифаќање на евроските проекти, во насока на  надминување на досегашните недоследности и проблеми кои се појавуваа во пракса и поефикасно функционирање во областа на безбедноста на сообраќајот. Бидејќи основата цел е посттигнување на нула незгоди кај децата и другите ранливи категории неопходно е континуирано унапредување на состојбите преку соодветно ревидирање на законските решенија, стои во објаснувањето на пратениците зошто овие законски измени треба да се донесат.

Предлогот на закон за изменување на Законот за безбедност на сообраќајот на патиштата содржи 6 членови. Во членот 1 кој се однесува на членот 232, се предвидува стручните раководители како дел од стручниот кадар на автошколите да не треба да поседуваат возачка дозвола за сите категории „А“, „Б“, „Ц“ и „Д“, туку само од категориите за кои автошколата има лиценца за давање обуки. 

Со членот 2 се менува членот 275, во делот кој се утврдува возрасната граница на лица кои може да управуваат со трактор, и наместо со 16 години се предлага лицата од 17 години да може да управуваат со трактори. 

Во членот 3 се менува членот 304 став 1 и во однос на рокот на важење на возачката дозвола се предлага да се покачи старосната граница, односно на лицата над 70 години да им се издава возачка дозвола со важност од три години, а нека како до сега што беше уредено, за лицата постари од 65 години.

Член 4 се однесува на член 325 и е во насока на усогласување со предложената измена на предходниот член 3, и се предлага на задолжителни контролни здравствени прегледи да подлежат лицата над 70 години.

Со членот 5 се менува член 331, каде се предлага зголемување на старосната граница на децата за стекнување со право на оспособување за управување со моторно возило од „Б“ категорија и наместо со 16 се предлага тоа право да го стекнат со навршување на 17 години возраст. Воедно се брише критериумот за тие деца да имаат одличен успех и примерно поведение, бидејќи тоа не е критериум за полагање на возачки испит, и претставува дискриминирачки критериум за децата.

Во предложените законски измени има и повеќе нови предуслови за малолетниците кои сакаат да полагаат за возачка дозвола, а тоа се одобрение од псисхологот, педагогот или класниот раководител од нивното училиште заверено на нотар, со за 30% повеќе часа практична настава во однос на останатите кандидати за возачи.

Над 46 отсто од граѓаните на Македонија, мажи пушат покажуваат податоците од Тутунскиот атлас, кој ги споредува податоците за пушачките навики во различни земји. Со оваа бројка Македониај е над просекот на земјите со среден БДП. Во исто време 26, 8 отсто од жените се пушачи што исто така ја става Македонија над просекот. 

Македонските граѓани пушат по над 2.700 цигари годишно. 

Граѓаните на Македонија се на трето место во светот според бројот на испушени цигари по жител годишно, а бројот на пушачи постојано се зголемува

Повеќе цигари пушат само жителите на Белорусија и Либан.

Инаку, како што вчера јави Фактор, група на пратеници од владејачкото мнозинство поднесоа иницијатива за измена на законот за заштита од пушењето во скратена постапка. Причините според нив се во влошената економска состојба на угостителите кои во последните години поради ригорозните мерки и екстремно високите казни имаат намален промет, а морале и да отпуштат дел од своите вработени. 

Една од клучните измени која се предвидува со новите законски измени е да се даде можност сопствениците да определат посебна просторија за пушачи, а сите останати делови јасно да ги означат како забранети за пушење цигари.

Најавата за нов закон ја потврдија од СДСМ и велат дека се работи на модалитети. Сметаат дека законот ќе треба да помине низ јавна дебата за да се најде најдоброто решение.