Пратениците од мнозинството предводени од пратеникот и координатор на групата на СДСМ Тунте, поднесоа предлог закон по скратена постапка во кој се вклучени измени наменети за подобра заштита на ранливите групи во сообраќајот и нивните права. Меѓу главните новитети кои треба да бидат изгласани се промена на возраста за стекнување право за полагање на возачка дозвола за моторно возило од 16 на 17 години, повеќе поволности се предвидени за највозрасната група на граѓани како и за самите инструктори во автошколите. 

- Законот за безбедност на сообраќајот на патиштата е релативно нов закон, од 2015 година и беше усвоен со европски предзнак, што укажува дека во најголем дел е усогласен со регулативите на Европската унија. Со тоа се покажа дека се стремиме кон прифаќање на евроските проекти, во насока на  надминување на досегашните недоследности и проблеми кои се појавуваа во пракса и поефикасно функционирање во областа на безбедноста на сообраќајот. Бидејќи основата цел е посттигнување на нула незгоди кај децата и другите ранливи категории неопходно е континуирано унапредување на состојбите преку соодветно ревидирање на законските решенија, стои во објаснувањето на пратениците зошто овие законски измени треба да се донесат.

Предлогот на закон за изменување на Законот за безбедност на сообраќајот на патиштата содржи 6 членови. Во членот 1 кој се однесува на членот 232, се предвидува стручните раководители како дел од стручниот кадар на автошколите да не треба да поседуваат возачка дозвола за сите категории „А“, „Б“, „Ц“ и „Д“, туку само од категориите за кои автошколата има лиценца за давање обуки. 

Со членот 2 се менува членот 275, во делот кој се утврдува возрасната граница на лица кои може да управуваат со трактор, и наместо со 16 години се предлага лицата од 17 години да може да управуваат со трактори. 

Во членот 3 се менува членот 304 став 1 и во однос на рокот на важење на возачката дозвола се предлага да се покачи старосната граница, односно на лицата над 70 години да им се издава возачка дозвола со важност од три години, а нека како до сега што беше уредено, за лицата постари од 65 години.

Член 4 се однесува на член 325 и е во насока на усогласување со предложената измена на предходниот член 3, и се предлага на задолжителни контролни здравствени прегледи да подлежат лицата над 70 години.

Со членот 5 се менува член 331, каде се предлага зголемување на старосната граница на децата за стекнување со право на оспособување за управување со моторно возило од „Б“ категорија и наместо со 16 се предлага тоа право да го стекнат со навршување на 17 години возраст. Воедно се брише критериумот за тие деца да имаат одличен успех и примерно поведение, бидејќи тоа не е критериум за полагање на возачки испит, и претставува дискриминирачки критериум за децата.

Во предложените законски измени има и повеќе нови предуслови за малолетниците кои сакаат да полагаат за возачка дозвола, а тоа се одобрение од псисхологот, педагогот или класниот раководител од нивното училиште заверено на нотар, со за 30% повеќе часа практична настава во однос на останатите кандидати за возачи.

Над 46 отсто од граѓаните на Македонија, мажи пушат покажуваат податоците од Тутунскиот атлас, кој ги споредува податоците за пушачките навики во различни земји. Со оваа бројка Македониај е над просекот на земјите со среден БДП. Во исто време 26, 8 отсто од жените се пушачи што исто така ја става Македонија над просекот. 

Македонските граѓани пушат по над 2.700 цигари годишно. 

Граѓаните на Македонија се на трето место во светот според бројот на испушени цигари по жител годишно, а бројот на пушачи постојано се зголемува

Повеќе цигари пушат само жителите на Белорусија и Либан.

Инаку, како што вчера јави Фактор, група на пратеници од владејачкото мнозинство поднесоа иницијатива за измена на законот за заштита од пушењето во скратена постапка. Причините според нив се во влошената економска состојба на угостителите кои во последните години поради ригорозните мерки и екстремно високите казни имаат намален промет, а морале и да отпуштат дел од своите вработени. 

Една од клучните измени која се предвидува со новите законски измени е да се даде можност сопствениците да определат посебна просторија за пушачи, а сите останати делови јасно да ги означат како забранети за пушење цигари.

Најавата за нов закон ја потврдија од СДСМ и велат дека се работи на модалитети. Сметаат дека законот ќе треба да помине низ јавна дебата за да се најде најдоброто решение.

Вкупно 220 невработени на возраст до 29 години ќе поминат обуки за Јава програмери и софтвер тестери. Овие професии се барани на домашниот и странскиот пазар поради што квалификациите и сертификатот со кои ќе се стекнат младите треба да им помогнат да се вработат.

Европската унија преку ИПА инструментот обезбеди 18, 3 милиони денари, како директен грант на Агенцијата за вработување.

Многу е важно младите да се вклучат во овие обуки бидејќи овие програмски пакети што се нудат со проектот ќе дадат можности тие да инвестираат во себе, но исто така овие програмски пакети кои се нудат на пазарот на трудот во вид на обука се побарувани на пазарот на трудот и со таа понуда ќе можат многу полесно да бидат вработени- изјави министерката за труд и социјална политика Мила Царовска на денешната прес-конференција.

Со цел да се олесни движењето на граѓаните, Владата вчера го усвои Извештајот за извршени преговори меѓу Владата на Република Македонија и Владата на Република Косово за реципрочно признавање на возачки дозволи.

Со прифатениот усогласен текст на Договорот меѓу државите реципрочно се признаа возачките дозволи.

Според Владата ова олеснување ќе придонесе и за значително безбедноста на патниот сообраќај.

Македонија односно МВР, има склучено договори за реципрочно признавање на возачките дозволи со Италија, Шпанија, Албанија, Србија и Црна Гора.

Освен тоа врз основа на Виенска конвенција за патен сообраќај (1968 година) меѓусебно признавање на возачките дозволи има и со Бугарија, Хрватска, Словенија, Романија, Унгарија, Кралство Белгија како и со Австрија (Б категорија).

За Германија ќе почекаме

Сепак македонските граѓани во Германија ќе почекаат да се усогласи билатералниот договор меѓу двете земји кој ќе им овозможи признавање на нивните матични возачки дозволи.

На вчерашната владина седница е кажано дека за воведување на реципрочно признавање на возачки дозволи во Германија во престојниот период ќе се земе предвид.

МВР пак неодамна соопшти дека е доставе­но барање за произнесување за реципрочно признавање на возачките дозволи согласно со Виенската конвенција до уште 29 држави, со кои се водат постапки за меѓусебно регули­рање на оваа обврска.