Со цел да се олесни движењето на граѓаните, Владата вчера го усвои Извештајот за извршени преговори меѓу Владата на Република Македонија и Владата на Република Косово за реципрочно признавање на возачки дозволи.

Со прифатениот усогласен текст на Договорот меѓу државите реципрочно се признаа возачките дозволи.

Според Владата ова олеснување ќе придонесе и за значително безбедноста на патниот сообраќај.

Македонија односно МВР, има склучено договори за реципрочно признавање на возачките дозволи со Италија, Шпанија, Албанија, Србија и Црна Гора.

Освен тоа врз основа на Виенска конвенција за патен сообраќај (1968 година) меѓусебно признавање на возачките дозволи има и со Бугарија, Хрватска, Словенија, Романија, Унгарија, Кралство Белгија како и со Австрија (Б категорија).

За Германија ќе почекаме

Сепак македонските граѓани во Германија ќе почекаат да се усогласи билатералниот договор меѓу двете земји кој ќе им овозможи признавање на нивните матични возачки дозволи.

На вчерашната владина седница е кажано дека за воведување на реципрочно признавање на возачки дозволи во Германија во престојниот период ќе се земе предвид.

МВР пак неодамна соопшти дека е доставе­но барање за произнесување за реципрочно признавање на возачките дозволи согласно со Виенската конвенција до уште 29 држави, со кои се водат постапки за меѓусебно регули­рање на оваа обврска.

Група на пратеници од владејачкото мнозинство поднесоа иницијатива за измена на законот за заштита од пушењето во скратена постапка поради влошената економска состојба на угостителите кои во последните години поради ригорозните мерки и екстремно високите казни имаат намален промет, а морале и да отпуштат дел од своите вработени. Една од клучните измени која се предвидува со новите законски измени е да се даде можност сопствениците да определат посебна просторија за пушачи, а сите останати делови јасно да ги означат како забранети за пушење цигари.

„Во објектите во кои се сместуваат гости, може да се определат соби за сместување за пушачи, но најмногу до 30% од вкупниот капацитет на објектот“ стои во предлогот за измена на членот 3.

Исто така измени ќе претрпат и одредбите кои го регулираат пушењето надвор од објектите.

Во членот 3 ставот 1 се менува и гласи:

„Се забранува пушењето во јавните простории од членот 2 на овој закон. Пушењето е дозволено исклучиво надвор од деловниот објект (тераса, летна бавча и слично), исклучиво доколку просторот е покриен и отворен најмалку од три страни на кои нема никакви прегради (стакло, фолии, пластифицирани или 11 најлонски прегради и слично) или на отворен простор кој не е покриен со тенди, чадори и слично, а кој странично е заграден (дискоклубови на отворен простор, тераси, летни бавчи и слично).“

Пратениците исто така планираат и промена за правните лица.

„Во јавните простории од член 2 на овој закон, одговорното лице на правното лице ќе определи просторија во која може да се пуши, доколку има можности, а во сите други простории ќе истакне знак за забрана на пушењето и ќе обезбеди контрола на забраната на пушењето. Определувањето на јавни простории и истакнувањето на знакот за забрана на пушењето од став 1 на овој член ќе се изврши во рок од 60 дена од влегувањето во сила на овој закон“ стои во предлог измените на Законот за заштита од пушењето.

Решенијата содржани во предложените одредби се меѓусебно поврзани, и со истите се дава можност за заштита на правото на слободен избор и правото да се ужива во своите граѓански права, сметаат предлагачите на законот.

Уште во текот на изборната кампања се говореше дека СДСМ планира законски измени за полиберален пристап во регулацијата на пушењето на цигари на јавни места со цел да им се излезе во пресрет на угостителите, но истовремено да се обезбеди и доволен простор за непушачите. 

Во предлог измените нема конкретни ставки на пример за наложување на угостителите да обезбедат соодветни внатрешни услови за вентилација или нејзино засилување според актуелните законски одредби.

За големата рачна торба се плаќаше од 14 до 35 евра, зависно од дестинацијата и начинот на правење на резервацијата.

Нискобуџетска авиокомпанија Визер соопшти дека ја укинува доплата за рачниот багаж во авионот, односно освен торбата со мали димензии (42x32x25), бесплатно ќе може да се внесе и поголема торба ((55x40x23) во патничката кабина. Оваа новина почнува да важи за сите летови по 29 октомври.

За летовите пред 29 октомври 2017 година цената на билет во еден правец опфаќа даноци, административни и други задолжителни такси и мала кабинска торба (максимум 42x32x25 cm). Големите кабински торби и секој пријавен багаж е подложен на дополнителни такси. За летовите oд 29 октомври 2017 година цените на нашите еднонасочни летови опфаќаат такси, административни и други задолжителни давачки, како и цената на вашиот рачен багаж (55x40x23 cm, максимално 10 kg). Cекој пријавен багаж е подложен на дополнителни такси“, стои во соопштението објавено на официјалната веб-страница на „Визер“, стои во соопштението од компанијата.

Инаку за големата рачна торба се плаќаше од 14 до 35 евра, зависно од дестинацијата и начинот на правење на резервацијата.

Дали Јан Лукас е најдарежливиот газда на светот, се прашуваат светските медиуми откако ја пренесоа сторијата за Британецот кој сите вработени во неговата фирма ги однел на одмор во Шпанија.

Лукас ги одвел сите свои 42-ца вработени на луксузно тридневно патување во Марбеља Шпанија , во чест на 20-годишнината од постоењето на компанијата „Ред 7“.

Вработените за време на краткиот одмор, се возеле со брод, посетувале луксузни барови и ноќни клубови. 48-годишниот Лукас инаку е од Брајтон во велика Британија , тој за својот тим вели дека тие се „срцето на компанијата“, која успешно работи веќе две децении.

Дарежливиот Лукас истакнал дека прво размислувал на своите вработени да им подели бонус во кеш или да им купи подароци, но потоа заклучил дека сеќавањата од едно вакво патување е нешто што не може да се плати.