Се повеќе луѓе во Германија не се расположени за работа и одат на работа само затоа што мораат, покажаа резултатите од анкетите, пишува „Dpa“.

Речиси половина од вработените, 48 отсто од нив, сакаат да преминат на намалено работно време во договор со работодавачот, пишува „Дпа“.

Повеќе од половина од анкетираните изјавиле дека ќе ја напуштат работата.

Дури 56 отсто се изјасниле дека се подготвени веднаш да ги напуштат своите работни места - но не можат бидејќи се принудени да работат поради финансиски причини.

Податоците се резултат на годишна студија на институтот „ЈуГав“, а ги соопшти договорниот орган од HDI осигурување.

Во јуни и јули биле анкетирани 3.891 работници на возраст над 15 години.

Пред пандемијата, во 2019 година, само 41 процент од испитаниците изјавиле дека ќе престанат да работат доколку имаат доволно пари.

Повеќе од три четвртини од нив се изјасниле дека поддржуваат воведување четиридневна работна недела во нивната компанија, но со соодветна плата.

Се намалува и посветеноста на работата кај младите.

 Според резултатите истражувањето, особено младите вработени во Германија сакаат поголема слобода на работното место - посочи директорот за осигурување на HDI.

Очекувањата на вработените се во спротивност со барањата на пазарот на трудот.

Според податоците на Институтот за истражување на пазарот на труд и занимања, во вториот квартал годинава имало 1,9 милиони слободни работни места, повеќе од кога било од почетокот на истражувањето.

Кадровската состојба во здравствените и установите за нега е тензична, но има многу слободни работни места и во занаетите и во ИТ индустријата.

Германија размислува да ги натера државните службеници да работат од дома оваа зима, поради влошената енергетска криза, објавија медиумите во таа земја.

Како што пренесува „Бизнис инсајдер“, на неодамнешниот состанок на Сојузното Министерство за енергетика, еден од предлозите бил задолжителна работа од дома за државните службеници оваа зима, додека повеќето министерства наводно изразиле приговори за тие планови.

На средбата се разговарало и за ограничување на температурата на максимални 19 степени, јавуваат медиумите. Ако на некој му е премногу студено, ќе му биде дозволено да работи од дома.

Инаку, плановите за мерки за заштеда на енергија во јавните згради се реализираат на предлог на министерот за економија и енергетика Роберт Хабек, објави „Биз лајф“.

Фото: unsplash

Почитувани,

Со задоволство ве покануваме на големото официјално отворање на светскиот ланец за облека SHEIN во Скопје!

Ден: Среда 5.10.2022

Локација: Ул. Македонија (Старо Гнездо), Центар, Скопје

Време: 12:00h, точно на пладне!

20% ПОПУСТ на целиот асортиман само на денот на отворањето за сите посетители!!!

Посетете ја нивната официјална страница ТУКА!

ниверзитетскиот професор Трајко Славевски во интервју за РСЕ денеска ја повика Народна банка како ценовно контролно тело да ја зголеми каматната стапка над 10 отсто, бидејќи како што вели денарот не може повеќе да го следи курсот на еврото и инфлацијата во Македонија е двојно повисока од еврозоната.

Видете, на овој начин, со ваква монетарна политика којашто сериозно доцни, на некој начин се доаѓа во состојба на апресијација на вредноста на девизниот курс. Што сакам да кажам? Она што ние од 1997 година сè до неодамна успеавме да го одржуваме фиксниот девизен курс на денарот, нема тука мистерија се должеше на фактот што инфлацијата во Република Македонија беше скоро еднаква или во рамките на инфлација во земјите од еврозоната, нешто под два проценти. Сега имаме двојно повисока стапка на инфлација одошто од земјите од еврозоната. 

Па видете сега, млечните производи по килограм, месните преработки, достигнаа цени изразени во евра коишто се повисоки од тие на европските пазари, тоа треба длабоко да ја загрижи Централната банка и треба поголемо внимание да посвети во борбата против инфлацијата. Значи девизниот курс апресира, нашите стоки стануваат поскапи за странските заинтересирани купувачи, и тоа неминовно ќе влијае на проширување на јазот во платниот биланс, значи дефицит на платниот биланс, поголеми задолжувања, губење на девизни резерви итн. Моја проценка е, да имаше друг гувернер, еве да беше гувернер господинот Гошев, во моментов ќе имавме каматни стапки над 10 проценти од Централната банка, затоа што во една претходна криза во 2008-2009 година, во март 2009 каматната стапка на Централната банка достигна девет проценти, вели Славевски на едно од прашањата.

Според економскиот експерт, првенствена цел на централната банка треба да и биде ценовна стабилност, додека во оваа ситуација второстепена треба да биде поддршка на економските политики кои водат до одржување на економската активност во земјата.

Користејќи ги кризните состојби во државата, лица од власта на анти македонската СДС краделе од парите на граѓаните, вели ВМРО-ДПМНЕ.

Во Македонија дневно затвораат по 10тина бизниси и на улица, без работа остануваат 100-тина луѓе, а некои преку криминални тендери и со пари на граѓаните се богатат.

Клептоманите од СДС не мислеле, и не работеле за излез од енергетската криза, туку работеле за личен профит. На фирми на високи функционери од власта им вртело електричното броило за богатење.

Аферата „Броило“ која ќе ја објавиме денес на прес конференција ќе ја открие вистината, за тоа кои фирми и кои функционери од анти македонската СДС се богателе на грбот на граѓаните.

Ова афера ќе ги открие кризните профитери. Додека стопанството тоне, граѓаните не знаат како да ги платат високите сметки на електрична енергија, кризните профитери енермно се богателе.
Скандалот Броило ќе ги разоткрие бизнис шемите за богатење на клептоманите од СДС, и исто така ќе покаже зашто оваа власт грчевито се бори за продолжување на кризната состојба во енергетиката“, се вели во соопштенеито.