Јавното сообраќајно претпријатие Скопје апелира и бара од Владата, општините и сите должници кон претпријатието во најкус можен рок да ги исплатат своите обврски со цел да се овозможи нормално функционирање на претпријатието. Во моментов Владата, односно Министерството за образование има долг кон ЈСП од 120 милиони денари или околу 2 милиони евра за бесплатниот превоз на ученици и студентите. Дополнително неколку скопски општини му должат на претпријатието околу 40 милиони денари, истакна денеска на прес-конференција Зоран Глигоров генерален секретар на Град Скопје. 

Како што рече, долговите кон ЈСП кои се бројат во милиони евра го оневозможуваат нормалниот работен тек на претпријатието и создаваат проблеми во тековната работа, односно исполнување на обврските кои претпријатието ги има кон своите доверители и обврската за исплата на плати кон вработените.  

Во услови на економска и енергетска криза кога цените на горивата речиси секојдневно растат, во услови во кои ЈСП Скопје има заостанати долгови наследени од претходните раководства на претпријатието недозволиво е државните институции да се однесуваат игнорантно и да не ги исполнуваат своите обврски. Скопјани заслужуваат квалитетна и редовна услуга, но бидејќи Владата и општините не ги исполнуваат своите обврски кон ЈСП, претпријатието најавува дека од утре среда 12 часот ќе отпочне со протест пред Влада се до подмирување на долговите кон ЈСП, додаде Глигоров.  

Бидејќи температурата од ден на ден опаѓа, вистинско време е да размислите како ќе го загреете просторот пред официјално да започне грејната сезона.

Идеално би било, опцијата што ќе ја изберете да биде практична, удобна и економична.

Во продолжение дознајте кои уреди се добар избор кога станува збор за дополнително греење, како и кои се нивните главни карактеристики за да можете да ја донесете најдобрата одлука за вас и вашето семејство.

Греалики како прва помош

Првото нешто што ни паѓа на ум кога треба да ја загрееме просторија се греалките. Мали и практични, тие се одличен избор кога влегувате од студено време, а температурата во просторијата не ви одговара.

Можете да изберете од неколку варијанти кои ви се на располагање: радијатори, греалки со конвертор, панели, греалки со заштита од прскање кои можете безбедно да ги користите во бањата, како и други.

Во зависност од типот на грејачот, одредени модели, како греалки со конвертор, можат да ја загреат целата просторија, додека радијаторите, на пример, се погодни за дополнително загревање на помали простории.

Можете да изберете модел со или без вентилатор, како и повеќе опции кога станува збор за интензитетот на греењето. Пожелно е да се напомене дека грејачот има систем против прегревање кој овозможува автоматски да се исклучува кога е потребно, за да бидете побезгрижни.

Дали греалката е добар избор?

Греалките не се познати по својата економичност кога станува збор за потрошувачката на струја, па затоа не се најдобриот избор за постојано дополнително загревање. Од друга страна, тие се многукратно попрактични за преодниот рок, а нивната цена е генерално пониска од алтернативите.

Бидејќи не заземаат многу простор, откако ќе ја завршат својата работа, можете лесно да ги спакувате и секогаш да имате можност дополнително да ја загреете просторијата во која обично престојувате или гостинската соба. Тоа значи и дека можете лесно да ги понесете со себе доколку одите во викендица или слично, а исто така се одличен избор за студентски домови доколку во семејството имате студенти.

Маслените радијатори се сигурни сојузници кога ќе залади

Покрај греалките, еден од начините дополнително да ги загреете собите се радијаторите.

Нивната цена е малку повисока во споредба со греалките, но генерално имаат поголема топлинска моќ. Тие се исто така потивки и имаат пофини прилагодувања кога станува збор за температурата што сакате да ја постигнете во просторијата.

Маслените радијатори генерално имаат практични тркала кои ќе ви овозможат без проблем да ги преместувате од соба во соба, но не можеме да кажеме дека се подобра опција во споредба со греалките кога станува збор за потрошувачката на електрична енергија.

Панелните радијатори може да се постават дури и на ѕидот доколку тоа ви е попогодно, а можете да ги вклучите доколку е потребно без да ја нарушите естетиката на вашиот простор.

Иако потрошувачката на енергија на овие уреди не е мала, идејата е тие да се користат како привремени решенија кои ќе ви помогнат дополнително да ја подигнете температурата во просторијата за време на преодниот период или за време на исклучително студена зима. Доколку треба дополнително да го загреете просторот во текот на целата грејна сезона или ако барате комплетно решение за греење кое е практично, удобно и економично, дефинитивно ви ги препорачуваме инвертер клима-уредите.

Инвертер клима уреди - економично решение за греење

Убедливо најекономични од горенаведените уреди се инвертер клима уредите. Благодарение на моторот со инвертер, тие трошат значително помалку електрична енергија и се прилично тивки, а можат да работат и на многу ниски температури, кои кај некои модели се и под -20°C.

Секако, дополнителен плус е тоа што можете да ја користите и климата со инвертер за ладење во текот на летото. Исто така е поекономичен во споредба со стандардните климатизери, а потивкото работење обезбедува дополнителна удобност. Покрај тоа, постојат модели кои можете да ги поврзете со вашиот мобилен телефон користејќи апликација и да ја контролирате климата дури и кога не сте дома.

Фото: Youtube - screenshoot

Извор: блиц.рс

Прeтседателот на ВМРО-ДПМНЕ, Христијан Мицкоски во своето гостување во „Отворено студио на МРТ” зборуваше за состојбите во економијата во земјата каде посочи на високата инфлација и потсети дека ВМРО-ДПМНЕ зборуваше за мерки во економијата уште кога започнуваше кризата.

Ние за мерки во економијата зборувавме уште кога започнуваше кризата и ние кажувавме дека ќе се трансформира во финансиска, ќе се случи таа инфлаторна спирала, но од страна на владата не убедуваа дека инфлацијата е увезена и тука се поставува легитимно прашањето како е увезена инфлацијата? Ако Македонија има едно од највисоките стапки на инфлација од 18,5 во август еве сега до 20%, а во еврозоната е 9, значи ние имаме два пати поголема инфлација, па како е тоа увезена? Делови кои што најмногу влијаат на таа инфлација е дел зголемувањето на цените на храната, на маслото, на шеќерот и така натаму, рече Мицкоски.

Претседателот Мицкоски посочи дека за да ублажи високата цена на производи да се има викенд без ДДВ со кој што на основните прехрамбени продукти ќе им овозможиме пониска цена за да можат граѓаните да си ги дозволат.

Затоа ние рековме дајте луѓе да имаме викенд без ДДВ со кој што на основните прехрамбени продукти ќе им овозможиме пониска цена за да можат граѓаните да си ги дозволат затоа што денеска стана луксуз месо да се купува или некои одредени основни прехрамбени производи, кажа Мицкоски.

Во врска со високата инфлација го додаде следното:

Не е само увезената инфлацијата туку имаме и многу домашни причини, а една од причините е и ова, исто така и зголемениот дефицит односно зголемената разлика на увозот и извозот.

Започнувањето бизнис никогаш не е лесно. Претприемачите наведуваат многу причини за започнување на сопствен бизнис, како што е потребата од креативен излез или само потхранување на желбата за повеќе пари. Без оглед на тоа што ве мотивира, времето и причината за основање бизнис мора да бидат наменски.

Тука не станува збор за давачки, економски статистики, јавно мислење или сечење на црвени ленти. Едноставно кажано, вистинското време да започнете сопствен бизнис е:

• Кога сте доволно сигурни дека луѓето ќе го купат тоа што сакате да го продадете;
• Кога го разбирате пазарот… Знаете зошто луѓето би се одлучиле да го купат прозводот и каде би го сториле тоa;
• Кога имате еден едноставен, практичен бизнис план, доволно голем да ги содржи клучните информации кои имаат смисол и вклучуваат пресметани проценки за првичните бројки… Да не ги изоставиме киријата и заработката, како и проценката на потребните средства и првичните трошоци без кои не се започнува бизнис. И ова е многу важно … Веќе да знаете или да имате најдено начин, како да ги најдете ресурсите кои ви ги диктира бизнис планот;
• Кога животот или значајните врски (односи) не ви зависат од деловниот успех;
• Кога навистина го посакувате тоа;
• Кога немате друга опција.

Останува само да ви посакаме среќа, со надеж дека не се обложувате на тоа дека не смеете да си дозволите неуспех.