Владата на вчерашната седница го усвои предлогот за именување и дополнување на Законот за употреба на македонскиот јазик, со кој се враќа постапката за стекнување лиценца за лектор, прекината во 2013 година.

Со Законот за употребата на македонскиот јазик, кој е донесен во 1998 година, е утврдено дека службените текстови од законодавната, извршната и судската власт, локалната самоуправа, учебниците, емисиите, печатот, преводите и другите текстови наброени во овој закон – задолжително треба да се лекторираат. Со Законот е утврдено дека лекторирањето може го да врши лице што има лекторска лиценца, што ја дава Министерството за култура, по положен испит. Со предлогот на законот се пропишуваат постапката и начинот на полагање на испитот за добивање лекторска лиценца.

Целтa на предлог-законот е создавање нормативна основа со која се пропишуваат постапката и начинот на полагање на испитот за добивање лекторска лиценца.

Владата на Република Македонија ја разгледа и усвои Информацијата во врска со воведување евтина дневна тарифа на електрична енергија за домаќинствата.

Како што соопшти владината прес-служба, на седницата одржана вчера донесена е одлука да се даде препорака на Регулаторната комисија за енергетика на Република Македонија веднаш да одржи работен состанок, со вклучување претставници на ЕВН Македонија АД Скопје, Министерство за економија и Кабинетот на заменикот на претседателот на Владата на Република Македонија, задолжен за економски прашања и координација со економските ресори и во рок од седум дена да подготви анализа за повторно воведување на дневната ефтина тарифа на електрична енергија за домаќинствата и измена на Тарифниот систем за продажба на електрична енергија на домаќинства и мали потрошувачи.

Владата на РМ е убедена дека со оваа одлука ќе се направи голем исчекор кон подобрување на еконоската состојба на граѓаните на Република Македонија, а истовремено ќе се поттикне домаќинско работење во јавните претпријатија, стои во соопштението.

Денеска се одбележуваат 54 години од катастрофалниот скопски земјотрес кој кобното јулско утро во 5:17 часот однесе над илјадници животи, во пресрет на тоа и денеска објавуваме потресна приказна од скопските улици.

Една од приказните е и на еден скопјанец кој скокнал од првиот кат на хотелот „Скопје“, по првиот потрес и за среќа, останал неповреден. Покрај ѕидот на хотелот видел мртва жена, а покрај неа мало девојче кое извикувало „Мамо, мамо“. Веднаш отрчал да го земе. Уште не стигнал до него, кога повторно земјата се затресла и урнатините ги покриле обајцата. Но овој вториот удар бил уште посилен. Разделени така еден од друг, останале шест часа под урнатините. Кога војниците конечно го спасиле девојчето и сакале да го поведат, тоа почнало да се трга и на цел глас да извикува „Тука има уште еден чичко, спасете го“. Девојчето не си отишло додека не го извадиле чичкото. Потоа ја извадиле мајка ѝ, мртва. Чичкото го прашал девојчето како се вика нејзиниот татко. Таа на српски јазик бистро одговорила „Јас немав татко, а сега и мама загина“.

Чичкото ја повел со себе и на војниците им рекол „Благодарам што нѐ спасивте. Девојчето ќе го земам, ќе биде моја ќерка, ќе ја посвојам, јас и така немам свои деца“. Заминале заедно како едно семејство.

Скопје денес е сведок на оваа приказна и на уште илјадници други кој ги градат своите приказни на улиците на овој град. Кога се застана љубовта продолжи, да живее Скопје!

На вчерашнатаа седница на Советот за социјална сигурност беа разгледани предлог проекти за подобрување и унапредување на социјалната сигурност и животниот стандард на корисниците на пензија во периодот 2018-2020 година.

На седницата се усвоија следните проекти, чијашто имплементација ќе започне на почетокот на 2018 година:

• ќе се воведе задолжително издавање на преглед за стаж и плати, со потврдени податоци во матичната евиденција, за сите работници, три години пред исполнување на услови за пензија;
• пензиите ќе се усогласуваат два пати годишно, според порастот на трошоците на живот во висина од 50% и порастот на платите во висина од 50%, и ќе се разгледува можноста за дополнително усогласување доколку се бележи раст на економијата;
• ќе се донесе подзаконски акт за утврдување на минимална и максимална цена на сместување во приватните установи за грижа на старите лица, како и зајакнување на контролата во  овие установи;
• ќе се воведат нови пакувања на лекови, како и можност за подигнување терапија на парче за хронично болните пациенти;
• за хронично болните лица ќе се  овозможи подигнување на тримесечна терапија;
• ќе се унапреди соработката со невладиниот сектор  (Сојузот на здруженија на пензионери, Црвениот Крст на Република Македонија) за обезбедување на социјални и здравствени услуги на старите лица;

На седницата, исто така, се утврди потребата од продолжување на проектот за бањско-климатска рекреација за пензионери, со можност за ревидирање на критериумите за упатување на користење на услугата.

Во Советот за социјална сигурност членуваат претставници од: Сојузот на здруженијата на пензионерите, Црвениот Крст на Република Македонија, Министерството за труд и социјална политика, Министерството за здравство, Министерството за финансии, Министерството за економија, Фондот на пензиско и инвалидско осигурување на Македонија, Фондот за здравствено осигурување на Македонија , МАПАС и двете пензиски друштва.