Тимот на KARIERA.mk денес го прославува својот 6ти роденден! Нашата успешна приказна оваа година решивме да ја прикажеме преку графички прикази кои гласно говорат за нашиот труд и посветеност. KARIERA.mk е приказна за 6 годишен константен раст и развој кој секојдневно го препознаваат компаниите во државата и регионот.

Анализите покажуваат дека последните 2 години се најуспешниот период од нашето работење, тоа го заклучуваме по најголемиот број на склучени соработки со компании од државата и регионот кои ни ја дале довербата за објава на нивните слободни работни места токму на нашиот сервис. 

Во графичкиот приказ подолу може да се забележи дека во однос на бројноста на огласите на нашиот сервис, единствено во 2020тата година бележиме пад на бројката на објавени огласи за врбаотување што е резултат на COVID кризата низ која поминаа сите светски и домашни компании. 2022рата е убедливо година во која бележиме најголема бројка на објавени огласи на нашиот сервис од нашето постоење.

На нашиот сервис во последниот период во секој момент може да се најдат преку 350 активни огласи категоризирани во 35 различни области и професии. KARIERA.mk е бренд кој е создаден да биде медијатор меѓу компаниите и физичките лица кои се во потрага по подобра иднина и кариеен развој и секојдневно работиме на нови методи за збогатување  на нашите активности. Најголем број на активни огласи во моментот се од категоријата продажен персонал.

Во изминатите 6 години на нашиот сервис се зачленија скоро 160.000 корисници. Најголем број на новозачленети бележиме во првата година од нашето постоење, односно во период од 2016та до крајот на 2017та. Интересно е што токму оваа година, бројот на нови зачленувања на нашиот сервис е најблиску до бројот на зачленети во 2017тата година и се надеваме дека до крајот на оваа година ќе успееме да ја поминеме оваа одлична бројка.

На крајот, оваа анализа говори за тоа колку семејства со помош на  KARIERA.mk ги подобриле условите во своите домови и го нашле својот пат кон подобра верзија од себе.

Во текот на овие 6 години, успеавме да склучиме соработки со повеќе од 5170 компании од земјата и регионот, што го сметаме за особен успех на нашата компанија. Особено сме горди што нашето портфолио е разнолично по обмен на компаниите и по нивните дејности и локација.

Исклучително сум среќна што нашата енергија ја препознаваат клиентите кои од ден на ден се се побројни и позадоволни. Во нашето портфолио на клиенти имаме од најмали семејни бизниси од малите градови во државата до најголемите странски инвестиции и фабрики. Нашата компаниска култура е на сите да им посветиме посебно внимание и да им дадеме одлична услуга која ќе помогне во збогатување на нивните тимови, вели Зорица Бужаровска Бошковска, генерален директор на KARIERA.mk

Како генерален директор на компанијата од особена важност ми е да ги следам анализите кои зборуваат за нашето движење кое е во постојан раст. Еден интересен факт е дека бројката на објавени огласи во 2020та и 2021ва е еднаква на бројот на огласи во 2022ра а ни преостануваат уште месец и половина до крајот на оваа календарска година. Друг интересен факт е тоа дека од вкупната бројка на зачленети корисници на нашиот сервис, поголемиот број на активни пребарувачи на работа се мажи.

За новата 2023та имаме голем број на планови и супер енергија со која сме сигурни дека ќе помогнеме како на компаниите така и на физичките лица кои се во потрага по ново работно место. Се радуваме на нашите успеси и внимателно чекориме кон нови проекти и достигнувања! Сите оние кои се во потрага по ново работно место ги покануваме да се зачленат на нашиот сервис а на компаниите кои имаат потреба од проширување на нивните тимови да не контактираат за соработка. 

KARIERA.mk, 6 години посветена работа и љубов. Нека ни е среќен 6тиот роденден!

Се возел пи јан зад трезен пријател на електричен тротинет и затоа привремено останал без возачката дозвола.

Така пресуди повисокиот суд во Олденбург, оценувајќи дека патник во алко холизирана состојба ја загрозил безбедноста на сообраќајот.

Тој се држел за воланот, рече портпаролот на судот во петокот, објаснувајќи ја пресудата во жалбениот процес.

Пресудата во прв степен беше иста. Во конкретниот случај полицијата при контрола констатирала дека осудениот бил во алкохо лизирана состојба далеку над дозволената граница.

Според тоа, законски му било дозволено да вози само придржувајќи се за возачот.

Полицијата и судот не ги земале предвид забелешките на осудениот дека немал контрола над брзината на тротинетот.

Мазутот од ноќеска на полноќ поевтинува за 1,478 денари за килограм, а цената на другите горива останува иста, одлучи денеска Регулаторната комисија за енергетика и водни услуги (РКЕ). Со одлуката се врши намалување на малопродажните цени на нафтените деривати во просек за 0,66 отсто.

Новата малопродажна цена на Мазутот М-1 НС ќе изнесува 43,046 денари за килограм. ЕУРОСУПЕР БС – 95 и понатаму ќе се продава за 88,5 денари за литар, ЕУРОСУПЕР БС – 98 за 90,5, ЕУРОДИЗЕЛ БС (Д-Е V) за 90, а Екстра лесното масло за домаќинство (ЕЛ-1) за 85,5 денари за литар.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 2,64 отсто, кај дизелот за 1,75, кај екстра лесното за 1,745 и кај мазутот за 4,114 отсто. Курсот на денарот, пак, во однос на доларот е понизок за 0,112 отсто.

Сојузот на синдикати на Македонија на стартот од дебатата за прелдог-буџетот за 2023 во Собранието испрати писмо до координаторите на пратеничките групи од кои побара да се интеревенира амнадмански, бидејќи следната година, како што велат од здружението,не е предвиден раст на доходите на работниците во јавниот сектор.

Како Сојуз на синдикатите на Македонија во кој членуваат 70.000 работници  и како  единствен репрезентативен претставник на работниците во јавниот сектор, изненадени сме што предлагачот на Буџетот за 2023 година, Владата преку Министерството за финансии нема предвидено средства за усогласување на платите со порастот на минималната плата, ниту пак средства за ублажување на инфлацискиот шок како што тоа го прават европските држави, оние европски држави каде што нашите работници забрзано се иселуваат поради ваквите лоши владини политики.

Загрижува фактот што Владата има предвидено незначителни средства за зголемување на платите на вработените во јавниот сектор и тоа само за оние категории за кои со порастот на минималната плата идната година, нивните плати ќе останат под неа, а во истиот нема предвидено скоро никакви средства за исплата на надоместици и додатоци на плата утврдени со закон и колективните договори, реагираат од ССМ.

Најголемата синдикална организација додава дека министерот за финансии Фатмир Бесими е „најголем синдикалец“ но само за вработените во неговиот ресор.

Сметаме дека сите пратеници треба да го следат примерот на најголемиот синдикалец помеѓу министрите во Владата, Министерот за финансии, Фатмир Бесими, кој на почетокот беше најголем противник за зголемување на платите во јавниот сектор согласно зголемувањето на минималната плата и против линеарното зголемување на платите за 2806 денари колку што бараа работниците и кој беше една од главните причини за организирање на генерален штрајк во јавниот сектор кој се уште трае во јавниот сектор, за подоцна преку закон, да издејствува, а вие да изгласате зголемување на платата на вработените во министерството за финансии за 30%, чин за поздравување кој сметаме дека треба да го следите при донесување на Буџетот за 2023 година и на тој начин да им излезете во пресрет на вашите гласачи односно на вработените во јавниот сектор полесно да се справат со високата инфлација која во споредба со минатата година изнесува огромни 19.8% според официјалните податоци од Државниот завод за статистика, а Синдикалната минимална кошница која ја пресметува ССМ  за преживување на едно четиричлено семејно домакинство изнесува 51.514,00 денари за месец октомври или од истата само за исхрана и пијалоци се потребни 19.421,00 денар кои ниту минималната плата не ги покрива веќе во целост, додаваат од ССМ.

Синдикатот бара предлог амандмани со кои во стравките за плати, додатоци и надоместоци на плати за сите вработени во јавниот сектор за кои се покрива платата од Буџетот, да се зголеми масата на пари за најмалку 15 отсто.

Сметаме дека сите Вие треба да ја следите методологијата на Министерот за финансии, Бесими со која ги зголеми платите на вработените во неговото министерство и на тој начин, особено пратениците од владеачкото мнозинство кои гласаа против амандманите на ССМ и работниците во ребалансот на буџетот и жестоко се противеа да се предвидат средства во истиот за 2806 денари за сите работници во јавниот сектор за усогласување на платите со минималната плата, а што исто така е причина на нивната Влада да и се случува штрајк во јавниот сектор кој трае најдолго во историјата на Државата, а истовремено предизвикаа и сите работници преку ССМ да ја тужат Државата пред домашните и меѓународните судови и институции, се вели во соопштението.