Јавното претпријатие за државни патишта од граѓаните по основ на патарини во вториот квартал годинава наплатило 12 милиони евра, односно 13.6% повеќе споредбено со истиот период од минатата година.

Дополнително, во однос на минатата година зголемен е и приходот од патна такса што се плаќа при регистрација на возилата за 3.48%.

Пратениците од Левица во март месец поднесоа анти-кризен закон за олеснување на ефектите од економската криза, односно предложија намалување на цените на патарините за 50 отсто и одземање на ингеренциите на Владата за регулирање на патарините и трансферирање на ингеренциите на Собранието.Но, ваквиот Предлог-закон беше одбиен од страна на 57 пратеници на корумпираните СДС и ДУИ, реагираа денеска од Левица преку соопштение. 

Оттаму потсетија дека приходите кои ги остварува ЈПДП треба да се користат за реконструкција на патиштата, одржување на инфраструктурата и патната сигнализација, ситуацијата на терен е: катастрофални патишта со кратери, несоодветни сигнализации, незавршени реконструкции и изградби на нови патишта, како и патишта опасни по безбедноста на граѓаните.

Патарините треба да бидат соодветни на социјалниот стандард на граѓаните и нивната економска моќ. Недозволиво и крајно брутално е во ек на голема економска криза, која најсилно удира по џебот на граѓаните, да се дозволува профитирање на нивна штета и дополнително отежнување на нивната состојба со необјасниво најскапи патарини во регионот, велат од Левица. 

Во собраниска процедура денеска влегува Буџетот за 2023 година. Буџетот е во насока на надминување на предизвиците од глобалната економска и енергетска криза за што се предвидени 250 милиони евра. Веќе во март следната година ќе имаме ново зголемување на минималната плата и ново покачување на пензиите, изјави денеска пратеничката од редовите на СДСМ Даниела Колева на прес-конференција во Собранието.

Овој најважен документ за македонската економија е прв буџет усогласен со новиот Закон за буџети. Буџетот е во насока на надминување на предизвиците од глобалната економска и енергетска криза за што се предвидени 250 милиони евра. Приходите во споредба со 2022 година се зголемени за 14,8 посто додека дефицитот се намалува на 0,7 процентни поени  во однос на проекциите за 2022 година, информира Колева.

Како одовор на последиците од кризата, но и за унапредување на животниот стандард на граѓаните, како што рече, се зголемуваат средствата за исплата на плати, пензии и социјални трансфери.

Седумдесет и пет милијарди денари или 10 отсто повеќе се зголемуваат средствата за исплата на пензии, додека 12,5 милијарди денари се предвидени за исплата на надоместоци за социјална заштита на најранливите катеогрии граѓани. Обезбедени се дополнителни средства за усогласување на платите со минималната плата во текот на слендата година согласно новата методологија. Веќе во март следната година ќе имаме ново зголемување на минималната плата и ново покачуивање на пензиите, најави Колева.

Во Буџетот, дополни таа, не се занемарени ниту капиталните проекти кои се на ниво од близу 800 милиони евра или за околу 52,3 проценти повисоки во однос на проекцијата за 2022 година.

Буџетот за 2023 година е развоен и обезбедува услови за зголемен економски раст кој во следната година според проекциите на ЕБОР треба да изнесува 2,3 отсто што е повеќе во однос на проекциите за растот во земјите на еврозоната кој исто така според ЕБОР е проектиран на 0,3 отсто. Повикуваме сите пратеници низ конструктивна и аргументирана дебата да го поддржат Буџетот за 2023 година кој е во интерес на граѓаните и македонската економија, нагласи Колева.

Одговарајќи на новинарско прашање, Колева посочи дека до крајот на оваа година очекуваат поголем процент на реализација на капиталните проекти.

Со оглед на тоа што се зголемени приходите во првите три квартали во споредба со минатата година, заради тоа имаме поголеми приходи. За следната година се проектирани поголеми суми и поголем број на инвестиции и капитални проекти, рече Колева.  

Високата инфлација и нестабилните пазари се причините поради кои луѓето повеќе се под стрес. Многу компании имаат иницијативи за управување со физичката и менталната благосостојба на нивните вработени. Бидејќи финансискиот стрес може да создаде и физичка и ментална болест кај работниците, работодавците треба да додадат иницијативи кои помагаат и за финансиската благосостојба на нивниот тим.

Знајте ги потребите. Помладите работници, милениумците и генерацијата Z, се позадоволни со добивање финансиски насоки и образование за управување со платите, пензионирањето и осигурувањето од нивните работодавци.

Понудете програма за финансиска благосостојба. Експертите велат дека промената на однесувањето е клучот за ослободување од финансискиот стрес за вработените.

Поставете програми за штедење. Компаниите можат да понудат бенефиција за образовниот долг - придонеси што се оданочуваат за да им помогнат на вработените да ги отплатат студентските заеми. Програмата за помош на вработените, вообичаено нуди бесплатни и доверливи проценки за проблемите на вработените, како и нудење советување, упатувања и дополнителни услуги.

Доколку вашето работно место ја зголемува вашата анксиозност, време е да ги погледнете најновите тековни работни позиции ТУКА.

Тимот на KARIERA.mk денес го прославува својот 6ти роденден! Нашата успешна приказна оваа година решивме да ја прикажеме преку графички прикази кои гласно говорат за нашиот труд и посветеност. KARIERA.mk е приказна за 6 годишен константен раст и развој кој секојдневно го препознаваат компаниите во државата и регионот.

Анализите покажуваат дека последните 2 години се најуспешниот период од нашето работење, тоа го заклучуваме по најголемиот број на склучени соработки со компании од државата и регионот кои ни ја дале довербата за објава на нивните слободни работни места токму на нашиот сервис. 

Во графичкиот приказ подолу може да се забележи дека во однос на бројноста на огласите на нашиот сервис, единствено во 2020тата година бележиме пад на бројката на објавени огласи за врбаотување што е резултат на COVID кризата низ која поминаа сите светски и домашни компании. 2022рата е убедливо година во која бележиме најголема бројка на објавени огласи на нашиот сервис од нашето постоење.

На нашиот сервис во последниот период во секој момент може да се најдат преку 350 активни огласи категоризирани во 35 различни области и професии. KARIERA.mk е бренд кој е создаден да биде медијатор меѓу компаниите и физичките лица кои се во потрага по подобра иднина и кариеен развој и секојдневно работиме на нови методи за збогатување  на нашите активности. Најголем број на активни огласи во моментот се од категоријата продажен персонал.

Во изминатите 6 години на нашиот сервис се зачленија скоро 160.000 корисници. Најголем број на новозачленети бележиме во првата година од нашето постоење, односно во период од 2016та до крајот на 2017та. Интересно е што токму оваа година, бројот на нови зачленувања на нашиот сервис е најблиску до бројот на зачленети во 2017тата година и се надеваме дека до крајот на оваа година ќе успееме да ја поминеме оваа одлична бројка.

На крајот, оваа анализа говори за тоа колку семејства со помош на  KARIERA.mk ги подобриле условите во своите домови и го нашле својот пат кон подобра верзија од себе.

Во текот на овие 6 години, успеавме да склучиме соработки со повеќе од 5170 компании од земјата и регионот, што го сметаме за особен успех на нашата компанија. Особено сме горди што нашето портфолио е разнолично по обмен на компаниите и по нивните дејности и локација.

Исклучително сум среќна што нашата енергија ја препознаваат клиентите кои од ден на ден се се побројни и позадоволни. Во нашето портфолио на клиенти имаме од најмали семејни бизниси од малите градови во државата до најголемите странски инвестиции и фабрики. Нашата компаниска култура е на сите да им посветиме посебно внимание и да им дадеме одлична услуга која ќе помогне во збогатување на нивните тимови, вели Зорица Бужаровска Бошковска, генерален директор на KARIERA.mk

Како генерален директор на компанијата од особена важност ми е да ги следам анализите кои зборуваат за нашето движење кое е во постојан раст. Еден интересен факт е дека бројката на објавени огласи во 2020та и 2021ва е еднаква на бројот на огласи во 2022ра а ни преостануваат уште месец и половина до крајот на оваа календарска година. Друг интересен факт е тоа дека од вкупната бројка на зачленети корисници на нашиот сервис, поголемиот број на активни пребарувачи на работа се мажи.

За новата 2023та имаме голем број на планови и супер енергија со која сме сигурни дека ќе помогнеме како на компаниите така и на физичките лица кои се во потрага по ново работно место. Се радуваме на нашите успеси и внимателно чекориме кон нови проекти и достигнувања! Сите оние кои се во потрага по ново работно место ги покануваме да се зачленат на нашиот сервис а на компаниите кои имаат потреба од проширување на нивните тимови да не контактираат за соработка. 

KARIERA.mk, 6 години посветена работа и љубов. Нека ни е среќен 6тиот роденден!