Електричните автомобили се важен дел од енергетската транзиција. Тие стануваат сè попопуларни, а меѓународната трговија со хибридни (plug-in and non-plug-in)) и целосно електрични автомобили е во пораст.

Во 2021 година, ЕУ потроши 11,8 милијарди евра за увоз на хибридни автомобили без приклучок (41 отсто од вкупниот увоз на хибридни и електрични автомобили вон ЕУ), 11,4 милијарди евра за целосни електрични автомобили (39 проценти) и 5,9 милијарди евра на plug-in хибридни автомобили (20 отсто).

Ова го посочуваат аналитичарите на европскиот статистички центар, Евростат. 

За сите три категории автомобили, вредноста за увоз е помала од соодветната вредност за извозот од ЕУ. Извозот на хибридни автомобили без приклучок беше проценет на 22,9 милијарди евра, што е повеќе од половина од вкупниот извоз на хибридни и електрични автомобили вон ЕУ (55 проценти), целосно електрични автомобили на 12,3 милијарди евра (29 отсто) и plug-in хибридни автомобили со 6,8 милијарди евра (16 проценти).

Вкупната вредност на извозот е зголемена за 800 отсто во споредба со 2017 година.

Во однос на вредноста, вкупниот извоз на хибридни и електрични автомобили вон ЕУ во 2021 година изнесуваше 42 милијарди евра, што е речиси 800 проценти зголемување во споредба со 2017 година (4,7 милијарди евра). Вкупната вредност на увозот се зголеми за повеќе од 400 отсто од 5,6 милијарди евра во 2017 година на 29 милијарди евра во 2021 година - се истакнува во извештајот на „Евростат“.

Од статистичкиот центар додаваат дека и вредноста на увозот на хибридни возила без приклучок во ЕУ се зголеми за 165 отсто во 2021 година во споредба со 2017 година (11,8 милијарди евра во 2021 година во споредба со 4,5 милијарди евра во 2017 година). Во истиот период, вредноста на увозот на хибридни автомобили се зголеми за речиси 800 проценти (5,9 милијарди евра во споредба со 0,67 милијарди евра), а на електрични возила скокна за 2400% (11,4 милијарди евра во споредба со 0,46 милијарди евра).

Во однос на извозот, најголем пораст има кај хибридните автомобили без приклучок; во 2021 година, извозот се зголеми за повеќе од 5000 проценти во споредба со 2017 година (22,9 милијарди евра во 2021 година во споредба со 0,4 милијарди евра во 2017 година). Извозот на целосни електрични автомобили се зголеми за 660 отсто (12,3 милијарди евра во споредба со 1,6 милијарди евра), додека извозот на plug-in хибридни возила се зголеми за 150 проценти (6,8 милијарди евра во споредба со 2,7 милијарди евра).

Веројатно е дека од понеделник Скопје ќе биде под целосна блокада. Данела Арсовска, граноачалничката на Скопје вели дека по одлуката на приватните превозници да се прекине јавниот превоз, договорот со нив се смета за раскинат и таа одлука е конечна. Според неа, приватните превозници со одлуката за прекинот на јавниот превоз, одлучиле и да им ја укинат автобуската услуга на граѓаните.

Можности за враќање назад, не постојат. Има нов јавен повик, на новиот јавен повик сите оние кои ќе сакаат чесно да работат и оваа јавна услуга да ја овозможуваат до граѓаните ќе имаат можност да си се пријават и да можат да си ја обавуваат дејноста којашто ја обавувале претходно, меѓутоа без да има можности за вакви манипулации како што имаше претходниот период, изјави градоначалничката на Скопје, Данела Арсовска.

Од Град Скопје претходно најавија дека од следната недела ќе биде објавен јавен повик на кој ќе можат да се пријават сите приватни превозници, со цел поголема транспарентност на процесот и полесно разрешување на потенцијални проблеми.

Првата блокада на приватните превозници се одржа на 28 ноември на крстосницата кај ТЦ „Мавровка“, кога околу 30 автобуси на „Слобода превоз“ и „Мак-експрес“ беа паркирани на булеварите „Гоце Делчев“ и „Крсте Петков Мисирков“, со барање „да им бидат исплатени долговите за да можат да почнат повторно со работа“.

Нека бркаат криминал и нека воведуваат концепт. Но компролисот е дотогаш да биде обезбеден нормален превоз за да не трпат штети граѓаните. Имаме право на протест, како што се протестира и во западните земји. Но, таму нема закани и покажување на сила кон превозниците. Ако треба да се покажува кој е посилен, тоа не е добар пат. Не бараме ништо повеќе од тоа што ни следува. Но компромисно, можно е да добиеме дел од долгот, од парите што ние сме ги заработиле. Градот, всушност, не функционира. Се обративме секаде и во Владата и на други места, но Данела Арсовска може целиот проблем да го реши со еден потег, рече Ленин Јовановски.

Во петокот просетантите ги отстранија автобусите од „Илинденска“, но ако нема договор за тек на викендот ќе има блокади в понеделник, најавија тие.

Домаќинствата за 16,32 проценти ја намалиле потрошувачката на електрична енергија во скапа (висока) тарифа откако се воведени блок тарифите, покажуваат анализите на Регулаторната комисија за енергетика и водни услуги на Република Северна Македонија.

Согласно податоците, соопштија денеска од Регулаторната комисија за енергетика и водни услуги, 244 kWh изнесувала просечната потрошувачка на електрична енергија од 1 јули заклучно со 31 октомври во висока тарифа, што е за 16,32 проценти помалку во споредба со истиот период од минатата година кога просечната потрошувачка изнесувала 281 kWh.

Реформата е успешна, блок тарифите даваат резултати и ја постигнуваат таргетираната цел за рационално користење на електрична енергија. Принципот кој троши повеќе да плаќа повеќе, а кој троши помалку, да плаќа помалку – има ефект и тоа го покажуваат анализите на просечната потрошувачка на електрична енергија во висока тарифа каде се регистрира за 16,32 проценти заштеда во потрошувачката од како ги воведовме блок тарифите од 1 јули до 31 октомври, изјавил Марко Бислимоски, претседател на регулаторната комисија за енергетика и водни услуги, се наведува во соопштението.

РКЕ од 1 јули воведе четири блок тарифи со цел да испрати сигнал за рационално користење на електричната енергија. Првиот блок е до 210 kWh, вториот е од 211-630 kWh, третиот е во опсег од 631-1050 kWh и четвртиот е над 1050 kWh.

Согласно Законот за празниците на Република Македонија 8 декември (четврток) е неработен ден за сите граѓани.

На овој ден се чествува споменот за Св. Климент Охридски, најдаровитиот ученик на рамноапостолните сесловенски браќа Кирил и Методиј.