Твитер синоќа ги суспендираше профилите на неколку истакнати новинари кои неодамна пишуваа за неговиот нов сопственик Илон Маск.

Твитер синоќа ги суспендираше профилите на неколку истакнати новинари кои неодамна пишуваа за неговиот нов сопственик Илон Маск, а милијардерот одговори со твит дека правилата за забрана за објавување лични податоци важат за сите, вклучително и за новинарите.

Суспендирани се профилите на репортерот на Тајмс, Рајан Мек, новинарот на Пост, Дру Харвел, новинарот на Си-Ен-Ен, Дони О’Саливан и новинарот на Машебл, Мет Бајндер. Суспендиран е и профилот на независниот новинар Арон Рупар кој известува за американската политика.

Портпаролот на „Њујорк тајмс“ изјави дека суспендирањето на профилите на Твитер на голем број истакнати новинари е сомнително и несреќно и оти тие не добиле никакво објаснување зошто тоа се случило.

Си-Ен-Ен соопшти дека суспензиите се загрижувачки, но не и изненадувачки, побара објаснување и додаде дека ќе го преиспита својот однос со платформата врз основа на одговорот.

Твитер, исто така, суспендираше профил кој го следи приватниот авион на Маск во реално време користејќи податоци достапни во јавниот домен. Маск се закани со правна постапка против операторот на профилот поради загрозување на семејството.

Тој, исто така, го суспендираше официјалниот профил на социјалната мрежа Мастодон, која се појави како алтернатива на Твитер откако Маск го купи.

Суспензиите доаѓаат откако Маск повеќепати вети дека ќе ја поддржи апсолутната слобода на говор на платформата што ја купи за 44 милијарди долари во октомври. Тој го врати профилот на поранешниот американски претседател Доналд Трамп, кој беше суспендиран од Твитер поради неговите постапки поврзани со нападот на американскиот Капитол.

Откако отпушти илјадници вработени откако беше преземен од Маск, Твитер работи со значително намален број вработени. Сега во голема мера се потпира на автоматизирање на модерирање на содржината, отстранување на одредени рачни прегледи и фаворизирање на ограничувањата на дистрибуција наместо целосно отстранување на одреден говор, изјави пред извесно време новата шефица за доверба и безбедност Ела Ирвин.

KARIERA.mk и оваа година е поддржувач на настанот Жени претприемачки - „Жена на годината“ кој се оддржа вчера во „Музејот на македонската борба“  – Скопје.

Со многу позитивна енергија вчера, во „Музејот на македонската борба“ во Скопје, се одржа прогласувањето на победничките во македонскиот избор на „Жена на годината 2022”

Во продолжение, следува листата со овогодинешните победнички во сите категории од изборот „Жена на годината 2022“:

Жена на годината – Слаѓана Вујошевиќ
Жена со трајни вредности – Виолета Томовска
Жена менаџерка на годината – Билјана Караманолевска
Жена млада менаџерка на годината – Светлана Кордумова
Жена со најголеми достигнувања во науката и технологијата – Мартина Димовска
Жена со најголеми достигнувања во културата – Пламенка Трајковска
Жена со најголеми достигнувања во спортот – Оливера Наковска Бикова
Жена со најголеми достигнувања за општеството – Ребека Јанковска-Ристески
Жена со најдобар стил – Дита Старова Ќерими
Инфлуенсерка на годината – Александра Шијакоска

Целта на самиот избор е да се оддаде признание на жените кои со својот професионален и општествен ангажман континуирано поставуваат високи стандарди како деловно така и општествено и се вистински херои кои неуморно се борат при остварување на своите цели изминатата година.

До Нова година остануваат 16 дена, но засега нема конкретни детали за тоа каква ќе биде програмата за Новогодишната ноќ во Град Скопје.

Градоначалничката на Град Скопје, Данела Арсовска пред речиси една недела кажа дека ќе има прес-конференција на која ќе се истакнат сите работи кои ќе се одвиваат, односно украсувањето и програмата, но засега нема конкретни потези, а времето полека тече.

На плоштадот „Македонија“ во главниот град на државата веќе „никнаа“ куќички кои најверојатно ќе бидат дел од програмата, но од надлежните органи засега не се откриваат повеќе детали.

Генералниот директор на ЕСМ, Васко Ковачевски, најави намалување на цената на електрична енергија на регулираниот пазар за малите потрошувачи, бидејќи како што вели актуелните цени се причина за затворање на голем број на економски субјекти.

Индустриската струја вообичаено е поскапа од таа за домаќинствата, а од 1 јули нејзината цена уште повеќе се зголеми во однос на таа за домовите.

Владата прави напор во делот на малите потрошувачи да има намалување на цената. Тоа се 65.000 субјекти, а имаме информација дека 7.000 правни субјекти вќе затвориле. Треба да се помогне на таа категорија на потрошувачи, тука ќе има значително намалување на цената, најави Ковачевски.

Првиот човек на ЕСМ потврди дека цената на парното останува иста до 31 април, односно до крајот на грејната сезона, додека кај електричната енергија за домаќинствата се размислува да има поевтинување за потрошувачката во првите два тарифни блока.