Еден ден откако сопственикот и извршен директор на Твитер, Илон Маск започна анкета, речиси 10 милиони корисници, т.е. 57,5 отсто од околу 17,5 милиони корисници кои учествувале во истражувањето одговориле потврдно на прашањето на милијардерот дали треба да се повлече од функцијата шеф на компанијата. Да потсетиме дека Маск истакна дека ќе ги почитува резултатите од истражувањето.

Одговарајќи на коментар од корисник на Твитер за можна промена на позицијата извршен директор, Маск објави дека нема наследник.

Минатиот месец тој пред американскиот суд во Делавер изјави дека ќе го намали својот ангажман на Твитер и евентуално ќе најде некој друг кој ќе го преземе управувањето со компанијата.

Новата корисничка изјава доаѓа откако Твитер вчера објави дека ќе ги отстрани сметките создадени исклучиво за промовирање на други социјални платформи и содржини што содржат линкови или кориснички имиња на ривалски социјални медиуми.

Овој потег ќе влијае на содржините како Facebook и Instagram во рамките на компанијата Meta, како и на платформите Mastodon, Truth Social, Tribel, Nostr и Post, се вели во соопштението на компанијата Twitter.

Голем број други „големи играчи“ на ИТ сцената, и американски и светски, одговорија на самата анкета.

Поранешниот прв човек на Myspace, Том Андерсон, во својата објава истакна дека се зависи од тоа кој ќе го наследи.

Сопственикот на најголемата крипто-берза, Ченгпен Жао, познат како CZ, побара од милијардерот да остане на чело на компанијата.

Но, потоа Маск се согласи дека во иднина само корисниците со сина ознака треба да гласаат за политиките на компанијата.

Тој долго време не коментираше по анкетата во која корисниците на Твитер гласаа за негова оставка. Иако не го коментираше она што сите го очекуваа, тој не објави дека се повлекува од позицијата извршен директор.

Имено, корисниците предложија само сметките кои имаат верификација во форма на сина ознака да одлучуваат и да гласаат во идните анкети за политиката на компанијата Твитер.

Со ова се согласи и Маск, посочувајќи дека тоа е добар предлог и дека Твитер ќе ја спроведе промената.

Маск е познат по тоа што се предомислува.

Украсувањето на центарот на Скопје почна пред неколку дена откако на плоштадот беа поставени голема елка, мини забавен парк и куќарки каде што ќе се продаваат новогодишни производи, но засега не е познато дали и каква програма ќе има за новогодишната ноќ.

Градоначалничката на Град Скопје, Данела Арсовска кажа дека ќе организираат прес-конференција на која ќе ја соопштат програмата за пречекот на Новата година, а веќе почнаа шпекулациите за тоа кој би можел да ги забавува граѓаните.

Како што објави „Фокус“, на плоштадот во Скопје наводно ќе пее Елена Ристеска, иако за такво нешто нема потврда ниту од Град Скопје, ниту од пејачката, па останува да видиме во следните денови дали ќе биде објавена конечната програма.

Работното однесување кое можеби се „нормализирало“ може да направи сериозна штета на вашето ментално здравје. Значи, на што треба да внимавате? Навиките кои треба да бидат означени со црвено вклучуваат испраќање е-пошта во неработни часови, не правење паузи, постојано работење, постојано одговарање на мејлови. Ова доведува до  немоќност да делегирате или да соработувате затоа што  превземате многу повеќе отколку што треба.

Постојат моменти кога се потребни дополнителни часови за одредени рокови. Но, ако прекувремената работа е постојана и работниот притисок никогаш не попушти, тогаш може да имате проблем. Преземањето сè на себе не само што ве остава исцрпени, туку можеби и лути, огорчени, па дури и виновни.

Совети како да ги подобрите лошите работни навики:

Чест проблем е мислата дека треба да кажуваме „да“ на сè. Ова доведува да изгледаме корисни и  вредни. Но исто така кога велиме „да“ ни прави  чуствуво дека мораме да направиме се сами. Ова потоа придизвкува чуствo на незадоволство и лутина, бидејќи се чуствуваме како да работиме само ние. Затоа добро одлучете кога прифакаќте нешто.

Но пак кога кажуваме „не“ можеби е тешко, но исто така е чин на грижа за себе. Да кажете „не“ им помага на луѓето да го почитуваат вашето „да“, бидејќи ќе можат да  ви веруват кога прифаќате нешто. Ако не можете да кажете „не“, тогаш обидете се да кажете „да“ со услови - бидете јасни за вашата временски лимит за да ја извршете дадената задача.

Американскиот долар денеска е на надолна траекторија, бидејќи подобрувањето на пазарното расположение доведе до пораст на цените на акциите и поризични валути.

Индексот на доларот, кој ја следи вредноста на доларот во однос на кошницата на големи ривали, падна за 0,4 отсто на 104.410 поени, неутрализирајќи дел од минатонеделните добивки по одлуките на Федералните резерви и Европската централна банка да ги зголемат клучните каматни стапки, пренесува Ројтерс. 

Закрепнувањето на  расположението за ризик на инвеститорите на пазарите ги поттикна европските акции по големата распродажба минатата недела, при што валутите, вклучително и еврото и фута, надоместија некои од загубите забележани во претходните две сесии.

Еврото поскапе за 0,4 отсто, на 1,06260 долари, додека британската фунта за 0,7 отсто, на 1,22195 долари. И покрај денешното закрепнување, вредноста на двете овие валути сè уште е под нивото на кое беа пред минатонеделните движења на централната банка.

Јапонскиот јен, исто така, порасна за 0,4 отсто на 136,155 јени за долар поради медиумските извештаи дека владата ќе размисли за ревидирање на клучната монетарна политика за борба против дефлацијата кога ќе биде назначен новиот гувернер на Банката на Јапонија во април.

Британската агенција потсетува дека владата во Токио и Банката на Јапонија во 2013 година потпишаа заедничка изјава со која ја обврзаа централната банка што поскоро да ја доведе инфлацијата на целното ниво од 2,0 отсто.