Министерството за животна средина и просторно планирање ги информира сите правни и физички лица дефинирани како „Производител” дека од 1 јануари 2023 година стапува на сила Законот за проширена одговорност на производителот за управување со посебните текови на отпад. Овој закон важи за производителите на текстил, гуми, масла и возила, заедно со нивните вградени делови и материјали, како и вградените резервни и заменски делови, независно дали се вградуваат во возилото при техничка проверка, сервисирање или поправка, дали деловите се обезбедени од оригиналниот производител или од некој друг производител, како и употребувани производи и отпад од текстил, гуми, масла и возила.

Со тоа, обврска на производителите е да се регистрираат согласно Законот за проширена одговорност на производителот за управување со посебните текови на отпад („Сл. весник на РСМ“ бр.215/2021) со пополнување на обрасците за регистрација (на македонски јазик и двојазично, МК и АЛБ, на следниот линк: www.moepp.gov.mk/Национално законодавство/ПРОШИРЕНА ОДГОВОРНОСТ НА ПРОИЗВОДИТЕЛОТ ЗА УПРАВУВАЊЕ СО ПОСЕБНИТЕ ТЕКОВИ НА ОТПАД/ПОДЗАКОНСКИ АКТ.

Производителите согласно со обврските од овој Закон, се должни да се здружат преку основање и/или склучување на договор со колективен постапувач или да обезбедат дозвола за самостојни постапувачи најдоцна до 31 декември 2023 година.

Во Законот за управување со дополнителни посебни текови на отпад е вклучено секое правно лице или физичко лице кое без оглед на начинот на којшто врши продажба, вклучувајќи ја и продажбата со помош на комуникација на далечина која е уредена со прописите за заштита на потрошувачите, и тоа правни и физички лица коишто произведуваат производи и за прв пат ги пуштаат на пазарот во Република Северна Македонија или на професионална основа, заради вршење на својата дејност, увезуваат во Република Северна Македонија и прв пат ги пуштаат на пазарот или како краен корисник, за свои потреби, увезуваат производи или на професионална основа увезуваат употребувани производи и за прв пат ги пуштаат на пазарот во Република Северна Македонија.

Овој закон се однесува и за правните лица основани во друга земја, а коишто продаваат со помош на комуникација на далечина директно на крајните корисници во Република Северна Македонија.

Министерството за животна средина и просторно планирање ги информира сите правни и физички лица дека за „производител“ се смета и правно лице кое протектира отпадни гуми и ги пушта на пазарот во Република Северна Македонија.

Со поднесеното барање од Прилог 1 се поднесува и:

1. копија од Тековната Сметка издадена од Централен Регистар на Република Сверна
Македонија,

2. уплатница од 50 денари за административна такса (за секое поднесено барање за регистрација),

Жиро сметките може да се превземат од следниот линк: www.moepp.gov.mk / Сервиси / Жиро сметки/Жиро сметка за административна такса за барање за регистрација на производителите .

Бројот на украдени возила во САД во 2022 година за првпат е еден милион, соборувајќи ги рекордите од претходните години, објави Националното биро за криминал во осигурувањето.

Според податоците на тоа биро, во првите девет месеци од оваа година, во САД биле украдени повеќе од 745.000 возила, што претставува рекордна бројка од 2008 година и зголемување од 24 отсто во споредба со бројките пред пандемијата.

Полицијата вели дека бројот на украдени возила е дури и поголем од тие бројки, бидејќи кражбата на возила е многу тешко да се докаже на суд без сведоци или видео како доказ.

Проценетата вредност на сите украдени возила оваа година надминува 6,6 милијарди долари.

Американскиот претприемач и сопственик на „Твитер“ Илон Маск објави дека се направени промени на серверите со базата на податоци и дека ќе се забрза работата на мрежата.

Направени се значителни промени во архитектурата на основните сервери. Твитер треба да биде побрз, напиша Маск на оваа социјална мрежа.

Вчера беа забележани проблеми во работата на „Твитер“ и десетици илјади корисници ширум светот не можеа да пристапат до популарната медиумска платформа или да ги користат нејзините клучни елементи.

По пауза од неколку часа, мрежата повторно стана достапна, објави Ројтерс.

Фото: unsplash

Возраста за пензионирање претходно беше 58 години за жени и 60 години за мажи.

Турскиот претседател Реџеп Таип Ердоган, на помалку од шест месеци пред изборите, одлучи да ја укине старосната граница за пензионирање, која им овозможи на повеќе од два милиони работници веднаш да се пензионираат.

Претседателот ова го соопшти за време на прес-конференција на тема старосната граница за пензионирање, пренесоа агенциите.

Владејачката партија на Ердоган значително ја зголеми минималната плата минатата недела како дел од обидот да ја врати поддршката изгубена поради инфлацијата, падот на лирата и остриот пад на животниот стандард.

Ваквата одлука, како што пишуваат медиумите, ќе им користи на луѓето кои почнале да работат пред септември 1999 година, кога се смени законот со кој се регулираат условите за пензионирање, и кои имаат 20 до 25 години социјално регистриран работен век.

Возраста за пензионирање претходно беше 58 години за жени и 60 години за мажи. Засега не се знае колку ќе чини новиот пензиски систем, а Ердоган најави дека 2,25 милиони луѓе имаат право на непосредна пензија.

Во Турција моментално има 13,9 милиони пензионери.

Фото: Youtube - screenshoot