Биткоинот ја започна 2022 година со вредност од околу 48.000 долари, што беше значително помалку од максимумот постигнат на крајот на 2021 година. Но,колапсот на TerraUSD и придружната крипто монета Луна ја однесе индустријата по мрачен пат и воведе период познат како „крипто зима“. Падот на цените не само што ја намали вкупната капитулација на пазарот на под трилион долари, туку доведе до банкрот на некои сериозни фирми како што се Целзиус и ФТХ, чиј основач Сем Бенкман-Фрид неодамна беше уапсен.

Иако се чини дека вредноста на Биткоинот се стабилизира меѓу 16 и 17 илјади долари од средината на ноември, останува прашањето што можеме да очекуваме од оваа криптовалута оваа година или дали инвеститорите имаат на што да се надеваат. CNBC собра предвидувања од аналитичари, инвеститори и други експерти во криптоиндустријата.

Вредноста на биткоинот во 2023 година

Најоптимистичкото и во исто време најнереалното предвидување доаѓа од милијардерот Тим ​​Дрејпер кој тврди дека вредноста на оваа криптовалута ќе скокне за 1.400% во 2023 година, односно ќе ја заврши годината со цена од 250.000 долари.

Од друга страна, е Ерик Робертсон, глобален шеф на истражување во Standard Chartered Bank, кој смета дека падот на валутата Биткоин ќе продолжи и оваа година и ќе достигне вредност од 5.000 долари, а сличен песимизам споделува и инвеститорот Марк Мобиус, кој беше малку поумерен во своите предвидувања, тврдејќи дека вредноста ќе падне на 10.000 долари.

Керол Александар, професорка по финансии на Универзитетот во Сасекс има подобри вести за оние кои сè уште не сакаат да ги продадат своите дигитални средства. Таа верува дека Биткоинот ќе достигне вредност од 30.000 долари во првиот квартал, а растот во третиот и четвртиот квартал ќе доведе до цена од 50.000 долари.

Новата година ја започнуваме со уште една трансплантација на црн дроб, на бубрези и на коскени ткива.

Рано утрово на Хируршките клиники започна експлантацијата на органите, откако вчера попладне семејството на пациентка во мозочна смрт даде согласнот за донирање.

Нивната желба да подарат некому живот и здравје, денес донесе трансплантација на црн дроб, два бубрега и на коскени ткива. Благодарност до семејството од мое име и од името на сите екипи кои во изминативе 24 часа работеа и продолжуваат да работат, истакна министерот за здравство д-р Беким Сали.

Тој истовремено искажа благодарност до сите медицински екипи кои изминатите часови работеа на подготовка на донорот, на реципиентите и во операциските сали.

Не радува тоа што се повеќе семејства се одлучуваат да ги донираат органите и да спасат некому живот.

Новата година ја започнуваме со акт на хуманост и добрина. Со надеж и верба, потенцира Сали.

Министерството за труд и социјална политика ја објави програмата на неработни денови за 2023 година.

Согласно со Законот за празниците на Република Македонија (Сл.весник на РМ број 21/98 и 18/07) во 2023 година неработни денови се:

Неработните денови одбележани со задебелени букви се и продолжени викенди. Погледнете кои ќе бидат тие во претстојната година и испланирајте ги вашите следни авантури:

За сите граѓани на РМ:

• 01 јануари (недела), Нова Година, 02 јануари (понеделник) е неработен ден,
• 07 јануари (сабота), Божик, првиот ден на Божик според православниот календар,
• 17 април (понеделник), Велигден, вториот ден на Велигден според православниот календар,
• 21 април (петок), Рамазан Бајрам, првиот ден на Рамазан Бајрам,
• 1 мај (понеделник), Ден на трудот,
• 24 мај (среда) „Св. Кирил и Методиј“ Ден на сесловенските просветители,
• 02 август (среда), Ден на Републиката,
• 8 септември (петок), Ден на независноста,
• 11 октомври (среда), Ден на народното востание,
• 23 октомври (понеделник), Ден на Македонската Револуционерна Борба,
• 8 декември (петок), „Св. Климент Охридски“.

За граѓаните од православна вероисповед

• 06 јануари (петок), Бадник, ден пред Божик,
• 19 јануари (четврток), Богојавление (Водици),
• 14 април (петок), Велики Петок, петок пред Велигден,
• 2 јуни (петок), Духовден, петок пред Духовден,
• 28 август (понеделник), Успение на Пресвета Богородица (Голема Богородица).

За граѓаните од католичка вероисповед

• 10 Април (понеделник), Велигден, вториот ден на Велигден,
• 01 ноември (среда), Празникот на сите светци,
• 25 декември (понеделник), првиот ден на Божик.

За граѓаните од муслиманска вероисповед

• 28 Јуни (среда), Курбан Бајрам, првиот ден на Курбан Бајрам.
• За граѓаните припадници на албанската заедница
• 22 ноември (среда), Ден на Албанската азбука.
• За граѓаните припадници на српската заедница
• 27 јануари (петок), Свети Сава.

За граѓаните припадници на ромската заедница

• 08 април (сабота), Меѓународен ден на Ромите.

За граѓаните припадници на влашката заедница

• 23 мај (вторник), Национален ден на Власите.

За граѓаните припадници на еврејската заедница

• 25 септември (понеделник), Јом Кипур, првиот ден на Јом Кипур.

За граѓаните припадници на бошњачката заедница

• 28 септември (четврток), Меѓународен ден на Бошњаците.

За граѓаните припадници на турската заедница

• 21 декември (четврток), Ден на настава на турски јазик.

Справувањето со песимистот во вашиот тим може да биде фрустрирачко и да ви одзема многу време. Обидиот да ги игнорирате или да им се спротиставувате на честите негативни коментари од него, можат едноставно да поттикнат дополнителна негативност. Добра вест е тоа што ако бидете проактивни, можете да му помогнете на песимистот да го промени своето однесување и да му овозможите на вашиот тим да постигне поголема продуктивност.

Еве неколку совети како да се справете со песимистот во вашиот тим:

Создадете свест

Ова најдобро функционира ако го тргнете членот на тимот настрана и ќе му објасните дека неговите коментари влијаат негативно. Објаснете му зошто тој е ценет во тимот и појаснете му го влијанието на неговото однесување. На пример, можете да му кажете: „Кога давате негативни коментари, тимот заглавува и не можеме да продолжиме напред“.

Заобиколете ги негативните мислења

Негативноста може да ја намали мотивацијата на тимот. Не се задржувајте на негативните коментари. Побарајте појаснување или повеќе информации за тоа што и зошто така мисли говорникот. На пример, ако некој член од тимот рече: „Овој проект никогаш нема да успее“, замолете го да објасни зошто мисли така. Уште подобро, можете да побарате алтернативни решенија: „Што можеме да направиме за да се увериме дека проектот ќе помине успешно?

Вклучете го целиот тим

Издвојувањето на член од тимот пред сите други може да биде штетно. Притисокот од колегите е далеку поефикасна тактика. Понекогаш социјалните санкции функционираат подобро од санкциите на лидерите. Поставете тимски норми и замолете ги сите да ги почитуваат истите.