Владата на Република Македонија синоќа на 19-тата седница го усвои предлог-законот за изменување и дополнување на Законот за минималната плата и со тоа ја започна законската процедура за зголемување на минималната плата на ниво од 12.000 денари.

Ќе се овозможи исплаќање на иста висина на минимална плата за сите вработени во Република Македонија кои примаат минимална плата, а ќе се обезбеди и финансиска поддршка за фирмите од Буџетот на Република Македонија за да ја исплаќаат договорената повисока минимална плата.

Како што соопшти владината прес-служба, усвоените измени на предлог законот, Владата во текот на денов веднаш ќе ги достави до Собранието на Република Македонија на разгледување и усвојување.

Тагови: закон минимална плата

Да бидеме искрени, 2/3 од денот ги поминуваме на работнот место, па сосема нормално е да се потрудиме да создадеме пријателски односи со колегите, за да работиме во една удобна и пријатна атмосфера.

Но сепак има работи кои не треба да се прават и ситни грешки кои можат да претворат некој колега во ваш непријател.

Еве ги работите кои препорачуваме да не ги правите во канцеларија:

1. Не зборувајте гласно

Дали е навистина потребно да викате кога разговарате со некој колега? Ако го нарушувате мирот и ги иритирате останатите, тие веднаш ќе ве посочат како „одвратниот колега“.

Точно е, не сме во библиотека, но не сте и во шума, па убаво е да ги почитувате другите колеги на работното место.

2. Не барајте најдобар пријател

Професионалните и личните односи се две различни работи. Малкумина успеваат да ги комбинираат успешно, но ако не сте еден од нив, желбата за блискост само ќе ги натера другите да се почувствуваат непријатно.

3. Не се претворајте во „милениче“ на газдата

Едвај има вработен кој не би сакал да биде на „ти“ со својот работодавач, но ако му се умилкувате премногу очигледно, ќе си го навлече гневот на колегите.

Се сеќавате ли вие колку го мразевте „омиленото дете“ на наставничката од целото одделение?

4. Не ѕиркајте во туѓи компјутери

Сите сте таму за да работитем, а бирото е личен простор што треба да го преминувате само со дозвола.

Многу лош впечаток остава човек, кој постојано гледа во компјутерот на колегата и следи што тој прави во работниот ден. Ако го правите тоа, веднаш ќе си добиете непријатели во лицето на сите во канцеларијата.

5. Не зборувајте за платата

Постојат компании кои експлицитно наведуваат забрана за зборување за надоместоците во договорите. Слични разговори дејствуваат демотивирачки, доведуваат до озборувања и интриги во тимот, а исто така може да ги расипат односите со колегите, во случај ако земате повеќе пари од нив.

Секој сам договара работни услови, затоа не треба да се мешате во работата на другите.

Министерот за здравство открива потенцијално голем проблем со системот за издавање на електронски здравствени картички кои да потсетиме дека пред изборите тие што доставуваа документи добија информации дека новите картички ќе треба да ги чекаат најмалку една година.  

Министерот Таравари за да го надмине потенцијалниот проблем посочи дека е можно распишување нов тендер за избор на фирма која ќе печати нови електронски здравствени картички (ЕЗК), поради тоа што на поголем број од граѓаните картичките им се неважечки, а дел ги немаат добиено.

Тој на средба со новинари информираше дека денеска ќе има состанок со директорите на Фондот за здравствено осигурување на Македонија на кој ќе стане збор за начините за надминување на проблемот со ЕЗК.

Сакавме ова да го решиме така што ќе биде три во едно, односно лична карта, возачка и здравствена картичка во едно. Но, од МВР ме информираа дека технички е возможно заедно да бидат само лична карта и здравствена картичка. Така што, тоа ќе го направиме, но тоа ќе биде процес кој ќе трае во наредните две до три години. Дотогаш ќе мора да печатиме нови картички, додаде Таравари.

Десеттото јубилејно издание на фестивалот „Пиволенд“ ќе се одржи од 7 до 12 август на скопското Кале. На манифестацијата ќе настапат САФ, „Ван Гог“, диџеј Чваре, „Саут парк“ и други. Градот Скопје за годинешното издание на „Пиволенд“ издвои 600 илјади денари.

„Сакам да напоменам дека со одржувањето на „Пиволенд“ почнува големата летна забава „Супер Скопје“, која ќе се одржи на повеќе локации во градот. На 18 и 19 август покрај кафулињата на кејот, на 25 и 26 август во Скопската чаршија, на 1 и 2 септември на улицата Македонија и на 8 и 9 септември на Боемската улица. Притоа, на сите овие четири локации на летната забава, која ќе почнува во петок навечер и ќе завршува во сабота навечер, граѓаните на Скопје и посетителите ќе имаат можност да уживаат во добра музика“, изјави градоначалникот на Скопје, Коце Трајановски, на денешната прес-конференција. Во однос на претстојниот Суперкуп на УЕФА, градоначалникот очекува над 20.000 посетители и истакна дека се исполнети сите барања од Европската фудбалска федерација за овој настан.