Властите во Париз, главниот град на Франција, објави дека јавниот трнаспорт во петок ќе биде бесплатен затоа што нивоата на загаденост на воздухот се повторно високи.

Јавниот транспорт е бесплатен во петок затоа што денеска на улиците на Париз може да се возат возила со парни броеви на регистарските таблички.

Потегот доаѓа откако беа измерени високи нивоа на загаденост на воздухот во градот, по четирите дена бесплатен транспорт и рестрикции во сообраќајот во текот на минатата недела.

Властите очекуваат состојбата да се влоши во сабота.

Полицијата објави дека ќе го мониторираат центарот на Париз и 22 околни града за да се осигураат дека возачите се придржуваат до рестрикциите во сообраќајот.

Минатата недела слични рестрикции беа воведени од вторникот до петокот откако во воздухот беа измерени 80 микрограми на еден кубен метар воздух PM10 четички.

Загадувањето е потпомогнато и од студеното време, сувото време и временски услови во кои речиси да нема ветар, со што загадувачките елементи се заробени во градот.

Значителен е растот на дојдовниот туризам во Македонија, од 2005 до 2015 година за речиси 100 отсто, бележи Светската туристичка организација при Обединетите нации. За да продолжи ваквиот тренд, фокусот треба да се стави, пред се, на алтерантивниот, рурален туризам кој станува се поатрактивен во светски рамки.

Но, како што беше истакнато денеска, на првата македонска турситичка берза што ја организира новоформираната Национална асоцијација за дојдовен туризам на Македонија (НАИТМ), многу е важно земјава да биде и дел од балканските тури како дестинација во која ќе се престојува најмалку пет дена, а не само како попатна станица.

Македонија ги поседува сите ресурси за да биде на нивото на Словенија чиј туризам учествува со 13 отсто во бруто домашниот производ (БДП). Кога ќе се обедини целиот сектор, кога ќе се поддржат агенциите кои работат дојдовен туризам и хотелите во реновирањето на нивната база, кога ќе се обезбеди поевтино кредитирање за превозниците, тогаш ќе се случи предвидуваниот раст од пет отсто во БДП до 2020 година. Тоа сериозно можеме да го постигнеме, изјави претседателот на НАИТМ Влатко Сулев.

Амбициите на туристичките работници, додаде, е процентот на туризмот во БДП да биде 10 отсто до 2025 година.

Одговорајќи на новинарски прашања, Сулев посочи дека повеќето странски гости и тур-оператори, особено оние од прекуокеанските земји, Македонија ја гледаат како дел од регионот.

Во таквите, балкански тури, земјава е најчесто попатна станица. Кога словенечките агенции прават балканска тура, операторот ги држи гостите пет дена во Словенија, а ги носи во Македонија со само едно ноќевање во Скопје. Значи, фабриката сме ние, агенциите. Затоа мораме да ги подобриме капацитетите, и човечките и ресурсите, и да успееме да ги донесеме странските оператори на Балканот. Тогаш ќе имаме шанса да ја вклучиме Македонија со минимум пет – шест дена во рутите, подвлече претседателот на НАИТМ.

Во Словенија, нагласи, тур-операторите имаат вработено по 80 – 90 луѓе и тие работат само дојдовен туризам, а нашите агенции вработуваат во просек по шест до 10 лица.

Развојот на алетрнативниот туизам е од особена корист зашто во таков случај еден странски гостин сака да остане на едно место (дестинација) неколку дена. – Туристите кои доаѓаат за т.н. авантуристички туризам, трошат по околу 100 долари на ден. Тие ни требаат. Затоа ставаме акцент на тој вид туризам и сакаме да го промовираме повеќе. Но, треба да го задржиме и групниот туризам, дополни Сулев.

На првата македонска туристичка берза, хотелите, рестораните, превозниците, винариите и туристичките и планинските водичи од Македонија ги понудија своите услуги и производи на агенциите за дојдовен туризам. – Оваа форма за организирано среќавање на понудата и побарувачката во туристичкиот сектор често се применува во развиените држави како можност сите чинители да се соберат на едно место, да разменат идеи и да се информираат за новитетите во индустријата. Но, пред се да почнат деловна соработка и да развијат нови туристички производи, информира Сулев.

Одржувањето на туристичката берза го поддржа Програмата за зголемување на пазарната вработливост на Швајцарската агенција за развој и соработка.

Стопанската Комора на Северо-западна Македонија вчера го промовираше шестото издание на Каталогот Топ 100 и ги прогласи најдобрите 100 компании во Македонија.

Заедничкото одбележување на успесите на компаниите и манифестацијата на доделување на наградите се одржа во Square 21 -Скопје. На промоцијата се обрати министерот за економија Дритон Кучи. 

Овој каталог е добра можност да се видат достигнувањата и напредокот преку претставување на нашите успеси за 2015 година. Дозволете ми да истакнам дека постигнувањето на СКСЗМ, не би биле можни без сеопфатна и беспрекорна помош на нашите членови, кои со својот придонес овозможија нашиот пат да биде побрз и помалку макотрпен.  

Тимот на KARIERA.mk како HR партнер беше дел од овој настан. Преку презентација голем дел од фирмите имаа можност да се информираат за нашиот сајт и како полесно да се поврзат со кандидатите за вработување.

 Муарем Муртезани сопственик на Алма-M

Изет Зекири професор на Штуловиот Универзитет

Арсим Папранику сопственик на Нептун

Арлинд Зекири Министер за странски инвестиции

„Епл“ првпат призна дека планира да инвестира во автомобили кои ќе имаат автопилот. Компанијата со своето писмо до американските транспортни регулатори наведе дека е возбудена поради потенцијалот на автономните системи во многу подрачја, вклучувајќи го и превозот.

Во компанијата сметаат дека наскоро ќе бидат појасни бројните значајни општествената полза од возилата со автопилот. Компанијата „Форд“, која и самата планира производство на вакви автомобили, што на патиштата треба да се појават до 2021 година, призна дека тоа планирала да го прави на ист начин како „Епл“.