Регулаторната комисија за енергетика ги зголемвуа цени на нафтените деривати во просек за 0,92 отсто во споредба со претходната одлука.

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,733 проценти, кај дизелот за 0,860 отсто, кај екстра лесното масло за 2,010 проценти и кај мазутот намалување за 0,630 отсто. Курсот на денарот во однос на доларот во изминатиот период по кој беа формирани цените со претходната пресметка е повисок за 0,712 проценти - соопштуваат од РКЕ.

Малопродажните цени на бензинот Еуросупер БС-95 и Еуродизел (Д-Е V) се зголемуваат за 0,50 денари за литар, додека малопродажната цена на бензинот Еуросупер БС-98 се зголемува за 1,00 денар за литар.

Малопродажната цена на Екстра лесното масло за домаќинство на (ЕЛ-1) се зголемува за 1,50 денари за литар. Малопродажната цена на Мазутот М-1 НС се зголемува за 0,065 денари за килограм.

Од 21.2.2023 година од 00:01 часот максималните цени на нафтените деривати ќе изнесуваат:

• Моторен бензин Еуросупер БС - 95 82,00 (денари/литар)
• Моторен бензин Еуросупер БС - 98 84,50 (денари/литар)
• Дизел гориво Еуродизел БС (Д-Е V) - 77,00 (денари/литар)
• Масло за горење Екстра лесно 1 (ЕЛ-1) - 76,50 (денари/литар)
• Мазут М-1 НС - 2,262 (денари/килограм) 

Среќни и успешни вработени се основата на секоја успешна компанија. Среќна работна средина е онаа каде што вработените се чувствуваат ценети и поддржани. Во среќна работна средина, вработените се чувствуваат како да се дел од тим и се способни да работат заедно за да постигнат заеднички цели. Во среќна работна средина, вработените чувствуваат дека нивната работа е важна и дека нивниот придонес е ценет.

Една од компаниите која се грижи за среќата и задоволството на вработените е интернационалната компнија за корисничка поддршка со свои канцеларии во Скопје, Мајорел.

Го споделуваме искуството на Марија Кириловска која работи како Специјалист на корисничка поддршка. 

Зошто се приклучи на Мајорел?

За Мајорел имав слушнато многу позитивни коментари од мои пријатели и познаници кои веќе работеа тука, па решив и јас да се приклучам на тимот и ја почувствувам работната средина овде. Верувам дека Мајорел е идеалното место за личен успех и напредок во кариерата за сите оние кои имаат познавање од германски и англиски јазик.

Какво е твоето досегашно работно искуство?

Во Мајорел работам повеќе од 7 месеци и сметам дека оваа е најдобрата одлука што сум ја донела до сега. Да се работи во Мајорел е среќа, а најзаслужни за тоа се самите вработени. Како вработена во Мајорел ја имам целосната поддршка и помош од сите колеги и претпоставени. Многу брзо успеав да се стекнам со вештини потребни за напредок во работата и ефективно и успешно да ги решавам проблемите на клиентите.

Што го прави работно искуство во Мајорел уникатно?  

Работното место во Мајорел е уникатно поради фактот што работиме како тим. Сите сме заедно, сплотени, си помагаме и се искачуваме по скалилата на успехот рамо до рамо. Мајорел е место каде што има одлична работна атмосфера, прекрасни колеги кои несебично ги споделуваат своите искуства и помагаат на сите, безброј збиднувања и дружби кои придонесуваат за доброто на фирмата.

Која е твојата препорака за заинтересираните кандидати?

Ги охрабрувам идните кандидати да аплицираат и да станат дел од тимот,  бидејќи Мајорел е вистинското место за стекнување врвни вештини, искуства и навики за понатамошен развој и подобрување во кариерата. Но, и место за многу дружења и забави 😊

Мајорел е интернационална компанија со повеќе од 78 000 вработени во повеќе од 41 земја ширум светот, обезбедува корисничка поддршка за едни од најпознатите светски брендови. Канцеларијата во Скопје обезбедува корисничка поддршка на германски и англиски јазик за клиент од туристичката индустрија.

Мајорел вработува без работно искуство, единствен услов е одлично познавање на германски и англиски јазик. Доколку сакате да станате дел од Мајорел, може да аплицирате на следниов линк: Мајорел Скопје вработува Специјалист за корисничка поддршка со германски јазик

„Амазон“ ќе бара од своите вработени да работат во канцеларии најмалку три дена во неделата, објави извршниот директор Ендрју Џеси во меморандумот упатен до персоналот на компанијата, пренесе АП.

Во своето писмо, тој наведува дека „Амазон“ ја донел одлуката откако анализирал што функционирало за време на пандемијата.

Одлуката е донесена на состанокот на високото раководство на компанијата оваа недела, а се вели дека само мал број позиции ќе бидат изземени од најновата политика на компанијата.

Тоа означува отстапување од сегашната политика на Амазон, која им овозможи на лидерите да диктираат како ќе работат нивните тимови.

Промената ќе стапи на сила на 1 мај, според агенцијата.

Многу компании ги повикуваат своите вработени назад во канцеларијата откако пандемијата ковид 19 ги ​​принуди да работат онлајн.

Минатиот месец Старбакс им нареди на вработените да планираат да работат од канцеларија три дена во неделата.

Дизни бара четири работни дена во канцеларија, почнувајќи од март, додека Walmart оваа недела објави дека ќе бара техничките тимови да го поминат целото работно време во канцеларијата.

(Извор: Танјуг)

Скопје се вклучува во иницијатива упатена до Брисел во врска со воведувањето на ЕТИАС системот, кој предви

Овој систем, покрај за Македонија, ќе важи и за државјаните на сите други земји, меѓу кои и тие од Западен Балкан, кои се кандидати и преговарачи за членство. Европската Унија (ЕУ) еднаш го одложи почетокот на примената на Европскиот систем за патни информации и одобрување (ЕТИАС), според кој патниците надвор од ЕУ ќе плаќаат 7 евра за влез.

Вицепремиерот Маричиќ е веќе во комуникација со неговите колеги од регионот и има расположение од нивна страна за оваа иницијатива. Во тек се разговорите и се очекува до мај да биде испратена заедничка порака до Европската комисија, информираат од Секретаријат за европски прашања.

ЕТИАС е наменет за секој жител на земја надвор од ЕУ, а на која не ѝ треба виза за влез. Овој систем нема да биде за оние кои досега требале да вадат визи за влез во ЕУ. Жителите надвор од ЕУ, меѓу кои и Македонците, ќе треба да се пријават за влез во ЕУ пред да патуваат, а тоа ќе ги чини 7 евра. Пријавувањето ќе се врши со пополнување на краток онлајн-формулар и прикачување фотографија од пасош.

Од Советот на амбасадори изразија загриженост за ваквата одлука на Европската комисија, потенцирајќи дека не треба да се воведат рестриктивни мерки, бидејќи  земјата има целосна визна либерализација.

Воведувањето на дигитални овластувања за патување во Шенген зоната и плаќањето влезна такса од седум евра по човек е сериозен чекор наназад и повторно подигнување на нови и непотребни бариери кои ќе го нарушат слободниот проток на луѓе помеѓу Европската Унија и земјите – кандидати, велат од Совет на амбасадори.

Од Европската Унија претходно истакнаа дека овој формулар не е виза. Според Брисел системот ќе ја зголеми безбедноста, но и ќе ја забрза процедурата за влез на граничните премини. Идејата за ваков систем потекнува уште од 2016 година, но воведувањето постојано се одложуваше.