Цените на прехранбените производи и натаму „во слободен раст“. Граѓаните велат дека веќе се уморни да се жалат бидејќи, како што тврдат, нивните поплаки не се слушнати.

Ако порано, пред година, две можеше да се наполни една кеса со храна, со која може да се „тера“ една недела за 1.500 денари, денес тоа е невозможна мисија. Инфлацијата ги јаде парите, а да сејаде мора, вели една скопјанка.

Според Ценометар вака се движат цените на основните намирници низ скопските маркети.

Килограм банани нема поевтино од 80 денари.

Лимонот над 70, јаболката над 20 денари за килограм. За килогарм компир од маркет ќе треба да издвоите над 40 денари, зависно од маркетот.

Килограм брашно е најевтино во Стокомак – 38 денари, додека во останатите маркети е од 39-49 денари.

За пакет од 900 грама шеќер ќе платите над 50 денари. Зејтинот е од 106-135 денари. За табла јајца (30 јајца) ќе платите од 279-30 денари или 10 денари по јајце. Млакото чини над 70 денари за литар тетрапак.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1) од полноќ се зголемуваат за 1,00 денар за литар, а  на ЕУРОДИЗЕЛ (Д-Е V) за 0,50 денари, одлучи денеска Регулаторната комисија за енергетика и водни услуги.

Новата цена на ЕУРОСУПЕР БС - 95 ќе биде 82,50 денари, ЕУРОСУПЕР БС - 98 ќе се продава за 84,50, Дизел горивото ЕУРОДИЗЕЛ БС (Д-Е V) за 78,50, а Екстра лесното 1 (ЕЛ-1) по 78,00 денари за литар.

За 0,722 денари поскапува и Мазутот М-1 НС и еден килограм ќе чини 41,988 денари.

Во Италија за време на Велигден и пролет годинава поради зголемениот прилив на домашни и странски туристи ќе има недостиг од околу 50.000 работници во областа на туризмот.

Минатата година во Италија се забележани 400 милиони ноќевања на домашни и странски туристи, а годинава се очекува поволниот тренд да продолжи и покрај недостигот на туристички работници, соопшти АНСА.

Тешкотиите во наоѓањето кадар во Италија беа забележани со години пред пандемијата на корона, но сега тие стануваат посериозни со релаксирањето на туризмот, особено во областа на Ромања, Сицилија и Сардинија.

Претставниците на здружението на туристички работници во наредните недели ќе ги презентираат конкретните регулаторни предлози на министерката за туризам Данијела Сантанка и министерката за труд Марина Елвира Калдероне, пренесе италијанската агенција.

(Танјуг)

Претседателката на Европската комисија, Урсула фон дер Лајен, изјави дека ЕУ и Германија се вклучени во конструктивен дијалог за постепено укинување на моторите со внатрешно согорување во Европската унија до 2035 година.

По неколкумесечни преговори, конечното гласање беше планирано за следната недела, но беше одложено во петокот по противењето на германската автомобилска индустрија.

„Новите автомобилски технологии мора да бидат избалансирани со нашите цели на климатската политика“

Германскиот министер за транспорт Фолкер Висинг рече дека Берлин во овој момент не може да се согласи на целосна забрана за мотори со внатрешно согорување.

Тој додаде дека Европската комисија мора да претстави предлог за тоа како климатско неутралните, синтетички горива, познати како е-горива, може да се користат во моторите со внатрешно согорување по 2035 година.

Фон дер Лејен рече дека во принцип постои отвореност за нови автомобилски технологии, „но дека исто така треба да се балансира со нашите цели на климатската политика“.

Германскиот министер за транспорт е заинтересиран за синтетички горива

Висинг е член на партијата ФПД, блиска до бизнис секторот, која е најмалата од трите партии кои ја сочинуваат германската коалиција, заедно со Социјалдемократите и Партијата на зелените.

Синтетичките горива за кои е заинтересиран Висинг се произведуваат со комбинирање на водород со јаглерод диоксид што може да се добие од атмосферата. Таквите горива се сметаат за климатски неутрални доколку енергијата за нивно производство и нивните компоненти може да се добие од обновливи извори.

Критичарите веруваат дека синтетичките горива треба да се користат само за неизбежни воздушни и поморски патувања, додека нивното користење во голем број возила само би било губење зелена енергија.

Борбата на ЕУ против климатските промени

Плановите за 100 отсто намалување на емисиите на CO2 од новите комбиња и автомобили што ја штедат климата, што значи де факто забрана за продажба, се дел од поголемиот пакет за справување со климатските промени.

ЕУ сака да ги намали емисиите на стакленички гасови за најмалку 55 отсто до 2030 година во споредба со нивоата од 1990-тите и да постигне климатска неутралност до 2050 година.