Понеделник е ден за нови почетоци, креирање на планови и светли замисли. Заради тоа, KARIERA.mk реши да ве потсети што е поважно од парите низ неколку искази од славните:

1."Ако парите се вашата надеж за независност никогаш нема да ја имате. Единствената вистинска безбедност што еден човек може да ја има во овој свет е резерва на знаење, искуство и способност." - Хенри Форд, основач на Ford Motor Company.

2."Среќата не е во самото поседување на пари; таа лежи во радоста на постигнувањето, во возбудата на креативната работа." - Франклин Рузвелт, претседател на САД.

3."Сите сакаат да се возат со вас во лимузина, но она што го сакате е некој кој ќе фати автобус со вас кога лимузината ќе се расипе." - Опра Винфри, медиумски сопственик.

4."Мудриот човек треба да има пари во својата глава, но не и во своето срце." - Џонатан Свифт, автор на Гуливеровите патувања.

5."Добро да се има пари и она што парите можат да го купат, но добро е, исто така, да се провери од време на време и да се осигурате дека не сте ги изгубиле нештата што парите не можат да ги купат". - Џорџ Хорас Лоример, новинар и автор.

6."Луѓето бркаат готовина, а не среќа. Кога бркате пари, ќе изгубите. Едноставно ќе изгубите. Дури и ако ги фатите парите, вие нема да бидете среќни." - Гери Вејнерчак, основач VaynerMedia.

7."Парите, како и емоциите, се нешто што мора да го контролирате за да го задржите вашиот живот на вистинскиот пат." - Наташа Мунсон, автор, инспиративен говорник и извршен директор на Be Magic, Inc.

8."За успешен претприемач може да значи екстремно богатство. Но, со екстремно богатство доаѓа и екстремна одговорност. А одговорноста за мене е да се инвестира во креирање на нови бизниси, креирање на нови работни места, вработување на луѓе и да се стават пари на страна за да се справиме со проблеми каде што можеме да направиме разлика." - Ричард Бренсон, основач на Virgin Group.

9. "Не мислете дека парите прават сè или ќе завршите правејќи се за пари." - Волтер, лидер од ерата на просветлувањето (age of enlightenment).

10."Пред да зборувате, слушајте. Пред да напишете, мислете. Пред да троште, заработете. Пред да инвестирате, истражете. Пред да критикувате, почекајте. Пред да се молите, простете. Пред да се откажете, обидете се. Пред да се пензионирате, штедете . Пред да умрете, дадете." - Вилијам Артур Вард, автор на Фонтани на Вербата.

11. "Постојат луѓе кои имаат пари и постојат луѓе кои се богати." - Коко Шанел, моден дизајнер.

Кога сте нови на вашето работно место правилото е дека никогаш не смеете да кажете „не“. Луѓето очекуваат од вас, да бидете безусловно посветени на работата и да имате 100% остварување на реално зададените обврски.

Генерално тоа е така, меѓутоа доколку почнувате да прифаќате секаков тип на обврска, многу лесно можете да си навлечете голем проблем. Вие всушност оставате впечаток дека можете да завршите сѐ. Токму од таа причина вашите претпоставени постојано ќе имаат големи очекувања, за кои не би било пријатно доколку не ги остварите.

Според едно истражување спроведено од страна на Кристин Вонг, природното поставување на границите во вашата канцеларија, започнува тогаш кога ќе научите да одговарате со „Не!“. Доколку овој збор прави да се чувствувате непријатно, верувале или не, не сте единствени.

За да си ја поедноставите целата „стратегија за одбивање“, започнете со користење на фразата „Не го правам тоа!“ наместо „Не можам да го направам тоа!“.

Вистината е дека доколку кажете „не можам“ тоа звучи како изговор и изгледа непрофесионално. Меѓутоа ако кажете „Не го правам тоа!“, тогаш вие ќе бидете исперцепирани од околината како личност со став и силен карактер.

Како и да е, способноста да кажете „не“ дефинитивно значи дека вие седите на возачкото седиште во вашиот живот. Па така, доколку нареден пат шефот побара од вас да останете прекувремено на работа, а вие имате неодложни обврски, слободно кажете „не“. Никој нема да ве сфати погрешно.

Дали ви се случило да забележите дека вашиот глас се менува и звучите различно во различни ситуации или пак додека зборувате со различни луѓе?

Кога зборуваме не ни размислуваме за тоа како звучи нашиот глас, сè додека не забележиме нешто навистина поинакво што едноставно неможе да помине незабележано.

Сите сме поминале низ тоа. Дали кога се јавуваме да прашаме зошто интернетот наеднаш го снема, дали на интервју или пак кога зборуваме со некој кој навистина ни се допаѓа.

Наеднаш гласот прескокнува неколку октави или станува многу тивок како на мало дете. Едноставно звучни чудно и навистина не би сакале да се наоѓаме често во ваква ситуација.

Според истражување направено на еден универзитет, ова е многу чест феномен. Феноменот е најчесто поврзан со тоа како го перципираме статусот на личноста со која разговараме.

Луѓето го менуваат својот глас според тоа колку се чувствуваат доминантни во разговорот. Во истражувањето, научниците симулирале задача со интервју за работа и забележале дека гласот на оние кои учестувале во задачата се променувал значително според тоа колку поголем статус имале оние кои им го правеле интервјуто.

Истражувачите исто така ги прашувале и оние кои учестувале во задачата многу лични прашања за да согледат каква е нивната перцепција за самите себеси.

Од истражувањето заклучокот бил дека, кога разговараме со некој кој го перципираме како подоминантен од нас, интензитетот на нашиот глас се зголемува. Ова се случува поради потсвесната потреба дека се чувствуваме многу понизни и несакаме тоа да се забележи во разговорот.

Перцепцијата на луѓето за нивниот статус во општеството игра огромна улога во тоа како комуницираме и како звучи нашиот глас. Луѓето од висок статус кога разговараат со луѓе кои исто така имаат висок статус воопшто не го променуваат својот глас.

Размислувате дали во вашиот тим треба да доминираат млади или повозрасни луѓе? Искуство и зрелост или пак нескротлив млад дух, брзина и мотивација?

KARIERA.mk е тим од млади индивидуи и ние ви издвојуваме неколку причини зошто е убаво кога работите опркужени со млади луѓе.

Пониски плати, помалку дополнителни пакети и желба за самодокажување

Бидејќи голем дел од младите работат со скратено работно време – и тоа може да е нивната прва работа – тие можат да се задоволат и со работа на минимална плата, која им нуди флексибилен распоред и можност да научат некои вештини.

Често младите, особено оние на возраст до 21 година, не им се потребни никакви приходи кои постарите работници ги очекуваат.

Свежа перспектива

Многу бизниси можат да имаат корист од ангажирање на Gen Z („генерација на интернет“) вработени кои гледаат на светот од многу различна гледна точка, од постарите генерации.

Даночни олеснувања

Некои држави им нудат на работодавците даночни кредити при вработување на млади работници. Во САД има и специјални даночни олеснувања за сопствениците на претпријатијата кои вработуваат свои деца.

Така и во нашата држава, сите вработени до 28 години подлежат на даночни олеснувања.

Способност да остават впечаток

Помладите кадри не формирале навики, особено работни, до степен, пропорционален со постарите колеги, кои имаат повеќе искуство.

Ова им дава на работодавците подобра можност да ги обучуваат луѓето на методите и практиките кои се добри за нивните компании.