Австралиски милионер ги советува денешните млади ако сакаат да имаат свој дом, да престенат да трошат пари за глупости како скапиот сендвич или пак ексклузивна брендирана облека.

Тим Гарнер, бизнисмен во сферата на недвижниот имот, ја осуди денешната младина дека расфрла шанса да се здобие со сопствено живеалиште, бидејќи троши прекумерно за нешта како луксузна храна и кафе. 

Кога јас се обидував да го купам својот прв дом, не трошев пари за брза храна пет кафиња на ден. Очекувањата на денешните млади се многу, многу високи, вели тој.

Тој не е првиот кој обрнува внимание на овој проблем. Минатата година демографот Бернард Солт коментира дека премногу млади луѓе во активна возраст висат по скапи кафулиња, наместо да штедат за купување на стан.

„Сум видел млади луѓе да порачуваат сендвичи за 22 долари. Јас можам да вечерам на овој начин, бидејќи сум средовечен и сум создал семејство и кариера. Но, како млади луѓе можат да си дозволат да се хранат на овој начин? Не треба ли да штедат и да си готват дома? Колку често излегуваат и јадат надвор? 22 долари неколку пати неделно - ете ти го учеството за куќа или стан!“, вели тој.

Многумина ја споредуваат изјавата на Гарнер со скорешната позиција на американскиот конгресмен Џејсон Чафец кој предложи луѓето да се откажат од скапите смартфони, за да можат да си дозволат приватно здравствено или животно осигурување. 

Oд Министерството за здравство препорачуваат од работни обврски да бидат ослободени бремените жени и лицата над 60-годишна возраст, додека сите останати лица при појава на каков било здравствен проблем веднаш да се јават кај својот матичен лекар.

Со високи температури од портокалова фаза и денеска ќе биде зафатена територијата на целата држава, соопшти Министерството за здравство согласно најавата на метео-алармот од Управата за хидрометеоролошки работи.

Oд Министерството за здравство препорачуваат од работни обврски да бидат ослободени бремените жени и лицата над 60-годишна возраст, додека сите останати лица при појава на каков било здравствен проблем веднаш да се јават кај својот матичен лекар.

На работодавците од Министерството им препорачуваат да го реорганизираат работното време во насока на избегнување активности на отворено во периодот од 11 до 17 часот, како и обезбедување одмор под сенка и доволно течности на секои два часа.

Министерството за здравство препорачува да не се одржуваат спортски активности на отворено во периодот од 11 до 17 часот, а особено се препорачува на установите за згрижување на децата (детски градинки) да не ги изнесуваат децата на отворено и да не практикуваат физичка активност во истиот период.

За граѓаните од целата држава од Министерството потсетуваат дека е потребно да ги почитуваат општите препораки за заштита од високите температури, како што се: заштита од директна сончева изложеност, избегнување престој на отворено во периодот од 11 до 17 часот, носење светла и лесна облека, консумирање лесна храна и течности и хигиенски начин на подготовка на храната.

На хронично болните лица им се препорачува редовно земање на препишаната терапија, а при појава на каков било здравствен проблем да го контактираат својот матичен лекар. Поради повисоките температури се напоменува дека е потребен повисок степен на внимание при подготовка и консумирање на храната.

Можеби сте чуле за отворената работна позиција на вселенската агенција НАСА кои бараат „Офицер за планетарна заштита“. По објавата за ова работно место, тие добиле голем број апликации, но ниту една од нив не била толку оригинална и слатка како онаа на 9-годишниот Џек Дејвис, кој ги поседувал сите потребни квалификации за да биде „чувар на галаксијата“. Во продолжение, прочитајте го неговото генијално писмо…

Драга НАСА,

Јас се викам Џек Дејвис и би сакал да се пријавам за работата како офицер за планетарна заштита. Можеби имам 9 години, но мислам дека ќе одговарам за работата. Една од причините е тоа што сестра ми ми кажува дека сум вознемјанин. Исто така, ги имам изгледано речиси сите вселенски и вонземјански филмови што постојат. Исто така, ја имам гледано серијата „Marvel’s Agents of Shield“ и се надевам дека ќе го гледам и филмот „Луѓе во црно“. Одлично играм видеоигри. Млад сум, така што би можел да научам да размислувам како вонземјанин.

Со почит,

Џек Дејвис

Чувар на галаксијата

Четврто одделение

Писмото на Џек стана многу популарно на Интернет, откако еден семеен пријател го објавил на Reddit. Писмото на крајот стигнало до директорот на планетарната научна дивизија во НАСА и тој му дал совршен одговор на Џек преку Твитер.

Драг Џек,

Слушам дека си „чувар на галаксијата“ и дека си заинтересиран за тоа да станеш офицер за планетарна заштита во НАСА. Тоа е супер!

Позицијата за офицер на планетарна заштита е многу кул и важна работа. Треба да се заштитува Земјата од мали микроби што ги носиме како примероци кога се враќаме од месечината, астероидите и Марс. Исто така, треба да ги заштитуваме другите планети и месечината од нашите бактерии, бидејќи ние сакаме одговорно да го истражуваме сончевиот систем.

Секогаш бараме паметни идни научници и инженери за да ни помогнат, така што се надевам дека многу ќе учиш и ќе постигнуваш одличен успех на училиште. Се надеваме дека ќе те видиме наскоро во НАСА!

Со почит,

Доктор Џејмс Л. Грин,

Директор, Планетарна научна дивизија

Да се надеваме дека овој одговор ќе ги охрабри Џек и другите амбициозни дечиња да учат и да работат напорно за еден ден навистина да станат „чувари на галаксијата“.

Како го завршувате работниот ден? Само чекате да отчука последната минута и спремни сте да излетате надвор од вашето работно место?

Можеби ќе ви биде полесно ако ги направите овие работи пред да го завршите работниот ден:

1. Листа

Направете листа на сè она што сте успеале да го направите денес и споредете го со она што сте планирале да го направите. Дали сте задоволни? Колку работи сте пропуштиле? Забележете сè што не сте направиле и ставете го на листа на незавршени обврски.

2. Цели

На крајот на работниот ден поставете си цели за наредниот ден. Ќе ви биде полесно кога наутро ќе седнете на работната маса и ќе знаете точно што треба да направите.

3. Приоритети

Штом ги одредите целите, наредете ги според важност, почнувајќи од оние кои треба веднаш да ги завршите до оние за кои имате доволно време. Секогаш е полесно да се почне од најлесните задачи, но ако прво се ослободите од тешките задачи подобро ќе се чувствувате кога ќе знаете дека се зад вас.

4. Работна маса

Клучот на продуктивноста е организацијата. Затоа, пред да си заминете, средете го креативниот хаос и ќе се чувствувате многу помалку под стрес кога ќе стигнете наутро во канцеларија.